ياريت تنصحونى لله فرنا 1600 كاملة

[amr2005m]

السلام عليكم ورحمة الله وبركاته
انا لسة جديد هنا على الموقع المتميز جدا ده
وانشاء الله انا هستلم العربية خلال يومين
وهى فيرنا 1600 مانيوال جميع الكماليات 2009
لكن لما دخلت هنا وقريت تعليق الاخوة عن الفيرنا بصراحة اتخضيت
ونفسى شالت من العربية
لان واضح ان ليها عيوب كتير
وانا معرفش اى حاجةعن الفيرنا
انا كنت راكب 128 وبعت وهجيب الفرنا بالقسط
ارجو من الاخوة الافاضل افادتى العربية كويسة ولا ايه؟

[mada33]

أولا مبروك عليك العربية وربنا يديك خيرها ويكفيك شرها

أما بالنسبة للعربية أنا معايا فيرنا 1600 كاملة مانيوال من شهر 5 2008
وعامل لحد دلوقتي 7800 كم
وأحب أقولك بكل صراحة ان العربية ممتازة في كل شيء ماعدا انها ضيقة من ورا شوية
والتوكيل عيبه الانتظار الطويل في الصيانة وهذا يرجع للضغط عليه وهذا ما سوف تراه بنفسك عند الصيانة
لكن غير كده الموتور ممتاز وسوف تحس بفارق كبير بعد صيانة الألف ( للأحسن )
التكييف ممتاز
العفشة ناعمة مريحة في المطبات
وربنا يبارك لك فيها وتحت أمرك في أي استفسار

[amr2005m]

أولا مبروك عليك العربية وربنا يديك خيرها ويكفيك شرها

أما بالنسبة للعربية أنا معايا فيرنا 1600 كاملة مانيوال من شهر 5 2008
وعامل لحد دلوقتي 7800 كم
وأحب أقولك بكل صراحة ان العربية ممتازة في كل شيء ماعدا انها ضيقة من ورا شوية
والتوكيل عيبه الانتظار الطويل في الصيانة وهذا يرجع للضغط عليه وهذا ما سوف تراه بنفسك عند الصيانة
لكن غير كده الموتور ممتاز وسوف تحس بفارق كبير بعد صيانة الألف ( للأحسن )
التكييف ممتاز
العفشة ناعمة مريحة في المطبات
وربنا يبارك لك فيها وتحت أمرك في أي استفسار

ربنا يبارك ليك وشكرا للاهتمام
يعنى اتكل على الله واستلم ؟
ولو فى اى نصايح بعد ماركبها ابقى عاجز عن الشكر
يعنى اسمع مثلا انى ماشغلش التكييف الا بعد مدة معينة
واسف للازعاج واشكرك للاهتمام

[sasatony]

الف مبروك ياباشا
انا برده زيك اشتريت فيرنا في شهر8 سنة 2008
العربية ماشاء الله عليها
غير ماالناس كانو بيقولو الظاهر الي كانو بيقولو في عيوبها يااما مركبوهاش او سواقتهم مش ذكية يعني
العربية من الاخر ماشاء الله
انت هتتخنق من التوكيل مش اكتر غير كده مفيش اي حاجة تانية باذن الله

[ZOZ]

بصراحة العربية شغالة جدا بالنسبة لسعرها وتخافش من حاكاية التوكيل انا النهاردة عملت صيانة الالف استلمت العربية بعد ساعة بالظبط

[amr2005m]

الف مبروك ياباشا
انا برده زيك اشتريت فيرنا في شهر8 سنة 2008
العربية ماشاء الله عليها
غير ماالناس كانو بيقولو الظاهر الي كانو بيقولو في عيوبها يااما مركبوهاش او سواقتهم مش ذكية يعني
العربية من الاخر ماشاء الله
انت هتتخنق من التوكيل مش اكتر غير كده مفيش اي حاجة تانية باذن الله

ومبروك عليك ياباشا وربنا يحفظهالك ويطمنك
بصراحة كلام الناس هنا خوفنى اوى
وشكرا لردك ياباشا

[amr2005m]

بصراحة العربية شغالة جدا بالنسبة لسعرها وتخافش من حاكاية التوكيل انا النهاردة عملت صيانة الالف استلمت العربية بعد ساعة بالظبط

وادى كمان حكاية التوكيل كويسة
الحمد لله الواحد يتكل على الله ويستلم بقى
شكرا ليك ياباشا انك طمنتنى
وربنا يحفظلك عربيتك يارب

[ZOZ]

وادى كمان حكاية التوكيل كويسة
الحمد لله الواحد يتكل على الله ويستلم بقى
شكرا ليك ياباشا انك طمنتنى
وربنا يحفظلك عربيتك يارب

متشكر على ايه يا حبيبي اتكل على الله وسيبك من كلام الناس لو صونت العربية هتصونك برده على فكرة انا كنت بتكلم في حكاية توكيل قليوب مش ابو رواش

[mohamedok]

السلام عليكم ورحمة الله وبركاته
انا لسة جديد هنا على الموقع المتميز جدا ده
وإن شاء الله انا هستلم العربية خلال يومين
وهى فيرنا 1600 مانيوال جميع الكماليات 2009
لكن لما دخلت هنا وقريت تعليق الاخوة عن الفيرنا بصراحة اتخضيت
ونفسى شالت من العربية
لان واضح ان ليها عيوب كتير
وانا معرفش اى حاجةعن الفيرنا
انا كنت راكب 128 وبعت وهجيب الفرنا بالقسط
ارجو من الاخوة الافاضل افادتى العربية كويسة ولا ايه؟

السلام عليكم ورحمة الله وبركاته

الفيرنا ال1600 المحلى تعتبر من افضل السيارات التى تجمع فى مصر بس عيبها هو ان التجميع المحلى ليه بعض المشاكل وغالبا ما تحل مع استمرار الصيانات الدوريه

اما لو انت عاوز تركب فيرنا وتحس بالزيرو وانعدام مشاكل التقفيل المصرى وتنساها كام سنه على متفكر تعمل فيها حاجه فأنا انصحك بالفيرنا الفيفا الهندى علشان هى متقفله فى مصنع هيونداى بالهند مش توكيل زى غبور فى مصر يعنى انت بتاخد العربيه من المصنع الاساسى ( تقفيل بلادها )

وفى النهايه الفيرنا ال1600 والفيفا هما وجهان لعمله واحده وربنا يوفقك

تحياتى