رجة في السيارة على سرعة 80

[amr abo elsoud]

معايا النترا ٢٠٠٧ اوتوماتك و الموتور فيه رجة و انا واقف و بتزيد اوي عند السرعة ٨٠ الي ١٠٠ هل ده مشكلة موتور ولا كاوتش مع العلم ان فالرجة الطارة بتكون ثابتة

[eltanamly]

رجة ونت واقف د فالغالب قواعد موتور
و لما تعدي 80 دى ترصيص تروح أي fit and fix اعمل ترصيص و بالمرة ممكن تزبط زوايا وتربط.
والله أعلم

[SHNORY]

اكشف علي الكاوتش الاول
ممكن تكون محتاجه ترصيص لو الرجه بتروح بعد ال100
او عندك فرده ملووحه او مشكله في جنط

[amr abo elsoud]

الف شكر لكم جميعا بس اكشف عليها فين فالتوكيل ولا فين عشان شاريها مستعملة

[moe gawad]

بص حضرتك رجه وانت واقف ممكن يكون المحرك مش دارير كويس بمعنى ان ممكن يكون فى بوجيه قاطع ده اولا
ثانيا ممكن يكون اى قاعده من القواعد(الأمر الأرجح )
اما ما هو بخصوص الرجه بعد سرعة 80 فا ديه اكثر من سبب والتأكد منها يحتاج الى تجربه بسيطه . هل الرجه ديه مستمره من سرعة 80 الى اعلى . ام تنتهى مثلاً عند الوصول لسرعة 100 او اكثر .
لو كانت تنتهى فهو امر حتمى مراجعة الترصيص الخاص بالعجل.
لو لا تنتهى فى السرعات الأعلى من 80 اما هى مشكلة كبالن داخليه او مشكله بالكاوتش . وليتم التأكد يجب الكشف على السياره.

للرغبه فى المساعده نرجو من سيادتكم الأتصال بى مباشرةً حيث ان الكشف على السياره مجانى لجميع اعضاء المنتدى .

م/ محمد عبد الجواد
مركز حمزه اوتو سيرفيس
01210555631

[moe gawad]

فى انتظار رد سيادتكم