مساعدة بخصوص الفيرنا 1600 الكاملة

[temoo_110]

:roll: السلام عليكم ورحمة الله وبركاتوه
كنت عاوز استفسار من الاخوة الاعضاء بخصوص الفيرنا 1600 الكاملة
ياريت لو حد يقولى ايه هيا الكامليات بالظبط بتاعتها علشان لما استلمها ميكونش حاجة ناقصة
وازاى استلم السيارة واتاكد انها جيدة بدون مشاكل مع العلم انها زيرو
واشكركم جدااا
اخوكم تامر السيد

[temoo_110]

معلش نسيت اقولكم حاجة هيا منيوال مش هيدروماتيك

[memoo_1st]

معلش نسيت اقولكم حاجة هيا منيوال مش هيدروماتيك

قصد حضرتك اوتوماتيك لان هيا مفيش منها هيدروماتيك
والكماليات على ما اتذكر هي
1- زجاج كهرباء
2- اريال كهرباء
3- عداد rbm
4- لمبه ستوب خلفيه
5- مرايات كهرباء (انا مشوفتهاش بس الاعلان مكتوب فيه كدا )

مش فاكر الباقي بصراحه

[temoo_110]

قصد حضرتك اوتوماتيك لان هيا مفيش منها هيدروماتيك

عند حضرتك حق هيا اتوماتيك
ومشكور على الرد وياريت المزيد

[fahd_628]

بصراحة انا معنديش معلومات عن الموضوع دة بس لو تحط الموضوع فى منتدى الهيونداى حتلاقى ناس كتيير ترد عليك

[Ahmed_Ezz]

الكماليات:
1- 4 زجاج كهرباء
2- اريال كهرباء
3- عداد rbm
4- لمبه ستوب خلفيه
5- تكيف
6- باور
7- كاسيت CD
8- انذار و سنتر
9- 2 مفتاح ريموت
10- 4 سماعات
فقط و الاوتوماتيك تزيد مرايات كهرباء و فوانيس شبورة بس.

[temoo_110]

تمام ياباشا ومشكور على الرد
طيب ياريت ازاى اجرب السيارة واعرف انها مفيهاش اى مشاكل

[fahd_628]

طيب ياريت ازاى اجرب السيارة واعرف انها مفيهاش اى مشاكل

حضرتك لما تروح علشان تستلمها ان شاء الله لازم تجرب كل حاجة فيها

الكاسيت و الأنوار و لو مرايات كهرباء تجربهم و تتأكد ان ال 4 سماعات شغالين و ان عداد الكيلومتر شغال علشان سمعت ان فية معارض بتفصل عداد الكيلومتر و يعنى تتأكد كدة من كل حاجة انها شغالة فى العربية و متمشيش غير لما تتأكد من كل حاجة و خد راحتك ( انت مش دافع دم قلبك علشان فى الأخر تاخد حاجة فيها حاجة مش شغالة او حاجة بايظة ) و تلف حوالين العربية ببطئ و تتأكد ان مفيهاش خربوش واحد :) و تتاكد كمان من ال 4 زجاج كهرباء انهم شغالين و ان الأيريال الكهرباء شغال و ان الأنزار شغال و ال 2 مفتاح شغالين و كل حاجة

و اول ما ان شاء الله تستلمها روح فول من اقرب بنزينة علشان سمعت انو لو سبت العربية تفضى للأخر خالص يعنى ميبقاش فيها لتر بيبقى غلط على الرشاشات والله اعلم

و ربنا يوفقك و كمان بيقولو حاول متختارش الوان غامقة علشان بيبان فيها البهدلة ( بس انا لو حشترى حجيب يا الأسود يا الكحلى :D :D اصلى بحب الألوان الغامقة )

و اى استفسار انا موجود

[bassam nagy]

زى ماقال الاخ فهد تجربة كل شى

سمعت ان فية معارض بتفصل عداد الكيلومتر

بالفعل بيفصلو العداد عشان لو معروضة فى معرض وزبون جية لمعرض تانى معرفة للمعرض الاول وعندة اللون المطلوب فى المعرض الاول هاتروح العربية للمعرض التانى حتة ولو هاتسافر

الكاسيت و الأنوار و لو مرايات كهرباء تجربهم و تتأكد ان ال 4 سماعات شغالين

كل حاجة تتاكد منها وضمان البطارية والكاسيت وشنطة العدة والكوريك والاستبن والف الف مبروك مقدما

[temoo_110]

اشكركم جدا على الرد الاكثر من رائع ده
وبجد انا استفدت كتير
وانتو عارفين الواحد لما يجيب عربية زيرو بيبقى قلقان بس بصراحة طول ما انتو موجودين الواحد ما يقلقش
ومشكور جداااااااا
اخوكم تامر

[Ahmed_Ezz]

ربنا يوفأك انشاء الله

[مهندس محمد صلاح]

مبروك مقدما ياصاحبى .. كل الكلام اللى قالوه الاصدقاء وضيف عليه كمان المانيوال بتاع العربية ده مهم جدا

[temoo_110]

وضيف عليه كمان المانيوال بتاع العربية ده مهم جدا

اكيد يا باشا مهم جدا والله يبارك فيك بس انشاء الله استلمها واقولكم ايه الاخبار
ومتشكر على الرد
اخوك تامر