العربيه مش بتدور و هى سخنه

[mohamed.kamal]

عربيتى فيرنا 2007 لسه عاملها عمرة و فى التللين حاليا
بدور الصبح العربيه عادى جدا مفيش مشكله انما لما ببطلها و ادرها و هى سخنه مش بترضى تدور كان البطاريه مش موجوده مع العلم ان البطاريه جافه و حالتها كويسه (ادليكو و لون اللمبه الارشادات بتاعتها اصفر) تدل على سلامتها
المهم حاولت ادورها كذا مرو مفيش لحد ما واحد ادانى توصيله دارت عادى جدا
فانا مش عارف المشكله منين ؟؟ !!!!!!!!!
ممكن يكون منين موبينه او حساس الكرنك او البطاريه ! او المارش ؟؟

[Kareem Fawzy]

جرب كدة تكلم المهندس هانى
01060900088

[moe gawad]

بص كل الاحتمالات اللى انت بتقولها ديه وارده ماعدا حساس الكرنك. يا اما موبينه او مارش.
ممكن تكلمنى لو تحب اساعدك
01210555631

[mhopa2440]

في الغالب بتكون موبينة المارش (دا لو بتحس ان البطارية نايمة خالص والمارش بيلف ببطء شديد)

انما لو لفات المارش سريعة يبقى موبينة العربية

[كريم kok]

ازيك يا كريم باشا .. اخبارك ايه ..والله وليك وحشه
من وجهه نظري .. يكلم المهندس محمد عبدالجواد (مركز حمزه )01210555631
علي ضمنتي الراجل ده خبره ومحترف وها يقوله الموضوع فيه ايه
اشوفك علي خير

اضم صوتي الي صوتك

[enghany]

الزيل الفاضل
طبعا هي عمرهامتكون موبينه لانها العربيه دايرررررررررررررررررررره لا تظهر المشكله الا لما حضرتك تبطلها
بص هي حاجه من اتنين و انت قلت الحل
1 مارش بس ده احتماله 25%
2 بطاريه لسببين اولا انك اديت توصيله العربيه دارت
ليه بقا بتبقي الصبح عادي علشان البطاريه لما بتبات بتخزن لشحنه لكن مع المشي و شحن الدينامو الشحنه بتفرخ
سيبك من لون بيان البطاريه ( اذا كان فيها )
كل اللي انت محتاجه انك بتقيس الشحن عند كهربائي و يشوف شحن الدينامو لكن قليل جدا ان العربيات دي يبوظ الدينامو فيها

[moe gawad]

اضم صوتى لصوت هانى. المشكله مشكلة بطاريه انشاء الله. وممكن تجرب الاول ببطاريه تانيه . وهتلاقى الموصوع انشاء الله محلول

[mummy_47]

الزيل الفاضل
طبعا هي عمرهامتكون موبينه لانها العربيه دايرررررررررررررررررررره لا تظهر المشكله الا لما حضرتك تبطلها
بص هي حاجه من اتنين و انت قلت الحل
1 مارش بس ده احتماله 25%
2 بطاريه لسببين اولا انك اديت توصيله العربيه دارت
ليه بقا بتبقي الصبح عادي علشان البطاريه لما بتبات بتخزن لشحنه لكن مع المشي و شحن الدينامو الشحنه بتفرخ
سيبك من لون بيان البطاريه ( اذا كان فيها )
كل اللي انت محتاجه انك بتقيس الشحن عند كهربائي و يشوف شحن الدينامو لكن قليل جدا ان العربيات دي يبوظ الدينامو فيها

الله ينور عليك يا باش مهندس هاني....
انا تقريبا كان عندي عطل شبيه بده ..وغيرت بطارية لكن اتضح في الاخر ان الدينامو هو اللي فيه المشكلة ومبيشحنش البطارية كويس رغم ان لمبه البطارية مكنتش بتنور في الطابلوه..وكمان العربية كانت بدور على طول سواء سخنة ام باردة ..لكن فاجأة وانا ماشي على طريق سريع الفتيس الاوتوماتيك اتبرجل وانوار الطابلوة تنور وتطفي والعربية ماتت..اخذت وصله والعربية دارت وبعدين مشيت 500 م وبعدين بطلت..اخذت وصلة اخرى دارت وبعديها ب 200 م العربية بطلت وكانت ليله سوداء جدي ..عرفت بعد كده وارجو ان م/ هاني يصلحلي ..ان ممكن البطارية لو قوية تقوم العربية لفترة معينة حتى لو الدينامو مش بيشحن خالص لحد ما تفضى كل شحنتها

مع خالص تحياتي

[mohamed.kamal]

الف شكر يا جماعه
الحمد لله رحت ظبطت المارش و المشكله اختفت تمام الحمد لله
طلع كل حاجه فى المارش متدمرة بس انا اتسرعت بدل ما اجيبه استيراد صلحته :(
بس الحمد لله