بخصوص Hyundai Getz

[princess2008]

كنت عايزة اعرف تقييم الناس اللى معاهم الجيتز و عاملة ايه معاهم ...و ايه عيوب العربية ...و اخبار التكييف ايه..
و ياريت لو حد عنده صوره للجيتز بفتحة السقف لانى كنت عايزة اعرف شكله...شكرا :)

[fahd_628]

الجيتز عربية جميلة بالنسبة لسعرها

هية مع خالتى و هية مبسوطة منها اوى و هية صغيرة من الخارج فا بالتالى سهلة فى الركن و المناورة و مساحتها الداخلية كبيرة جدا تكاد تكون اكبر من بعض العربيات السيدان مثل الانوس و الفيرنا

الشنطة مش كبيرة اوى

استهلاك البنزين مش موفر اوى لأنها 1600 و لكن فى المقابل سحب عالى قوى قوى قوى بجد انا مسميها الفريرة :) لأنها بجد مع اقل ضغطة بنزين تلاقيها بتجرى جامد و لو جبتى الدواسة للأخر حتتلزقى فى الكرسى :)

الى بفتحة سقف احسن من العادية لأن الفرق 2000 جنية فقط و الكماليات الزيادة هية فتحة سقف و الأوكر نيكل و قطعة فى التابلوة فضى و مرايات بلون السيارة و مرايات كهرباء فا طبعا احسن انك تجيبيها بفتحة سقف

و بالنسبة للصورة فا دية صورة فتحة السقف



و ممكن تفتحيها زى كدة او زى كدة

[princess2008]

ميرسى جدا على ردك ..و انا فعلا بفكر انى اجيب الجيتز بفتحة سقف ولسه بقارن بينها و بين الدايهاتسو سيريون ..و لسه محتارة....ياريت اعرف أراء باقى الناس اللى اشتروها و تقييمهم للعربية

[dede_dodo88]

عربية جميلة جدا ناعمة و سهلة القيادة
هي صحيح شكلها من برة صغير لكنها واسعة و مريحة من الداخل و يمكن فعلا تكون أوسع من عربيات كتير سيدان و هي قريبة جدا من شكل
شكل التابلوه و العربية من الداخل يوحي بالفخامة و متحسش انها عربية رخيصة ولا حاجة و هي فعلا مش رخيصة بالنسبة لفئتها
موتور قوي جدا زي الماتريكس تقريبا لكن الفرق انه على عربية أصغر فده كويس الى حد ما
تكييفها حلو و بشغله في معظم الأوقات على 1 و بيقوم بالواجب
عيبها الوحيد الظاهر حتى الأن انها ناشفة شوية في المطبات و مش بتمتصها أوي
و الشنطة صغيرة شوية لكن ممكن مساحتها تزيد لأن الكنبة بتطبق بكذا وضع يزود المساحة

[maboeid]

tab wemashaweer el shaaaka

[cladonell]

أعتقد ان المشكلة الوحيدة بالنسبة للجيتز ان انتشارها مش جامد اوى و فى نفس الوقت مافيش فرصه ليها انها تنتشر رغم نجاحها لأن بعد كده حتنزل i20. مش عارف لما نضع ده فى الاعتبار تبقى اختيار كويس برضه ولا الانتظار أفضل لغاية لما تنزل i20

[dede_dodo88]

العربية انتشرت جامد في الفترة الأخيرة
الأول كنت بشوفها كل فين و فين
لكن دلوقتي بشوفها على طول في كل مكان مما يدل ان الناس حبت العربية و انها أثبتت كفاءة كويسة
لكن انتظار الـi20 هيبقى فيه Risk شوية لأنها هتبقى لسة جديدة محدش يعرف عنها حاجة و منضمنش سعرها هيبقى عامل ازاي

[Tmhami]

you can check this link
it is my evaluation about this car ,

http://www.nilemotors.net/Nile/showthread.php?t=34832

[askoda]

If you want to compare between the Getz and Daihatsu Sirion Go and check both in the Forum here

and any questions about the sirion i can answer

I was comparing both and i asked one of my friends who have both the Getz and the Sirion

He told me that Sirion is much more better than the Getz and Japanese 100%

I have made 16500 KM fi 6 monthes wel3arabya masha2 Allah mashya zay elfoll :)