الحقووووووني الفرامل مالهاش حل في اكسنت rb 2012 .

[yoyoteto]

السلام عليكم
انا معايا اكسنت ار بي 2012 ونورت معايا لمبة brake والفرامل هربانه خاااالص
ولما بصيت لقيت فيه تسريب في زيت الفرامل عند الماسوره الخارجه من الماستر ورايحه للعجل الخلفي
رحت لميكانيكي زود زيت وربط وقاللي دي كانت واخده هواء وخد مني 45 جنيه غير تمن الزيت
المهم بعدها بيوم حصل تسريب برده رحت لميكانيكي تاني ربط برده
ولسه برده التسريب موجود واللمبه نورت تاني والفرامل ضايعه
هل اروح التوكيل ولا اعمل ايه
نرجو من اخواني المساعده

[MEMODINA1]

التوكيل .. لان الفرامل اهم جزء فى العربية كصيانة

[J A G U A R]

اطلع على التوكيل

[كريم kok]

السلام عليكم
انا معايا اكسنت ار بي 2012 ونورت معايا لمبة brake والفرامل هربانه خاااالص
ولما بصيت لقيت فيه تسريب في زيت الفرامل عند الماسوره الخارجه من الماستر ورايحه للعجل الخلفي
رحت لميكانيكي زود زيت وربط وقاللي دي كانت واخده هواء وخد مني 45 جنيه غير تمن الزيت
المهم بعدها بيوم حصل تسريب برده رحت لميكانيكي تاني ربط برده
ولسه برده التسريب موجود واللمبه نورت تاني والفرامل ضايعه
هل اروح التوكيل ولا اعمل ايه
نرجو من اخواني المساعده

بدون تفكير طبعا اطلع علي التوكيل بدون تردد

[AHMEDCAR]

ياماستر عمومى او بلوف ماستر باى حال من الاحوال ماتمشيش بيها مده انت تطلع على التوكيل فورا

[moe gawad]

خد هواء ايه منه لله. العربيه ديه مابيتخدش منها هواء. اسمع كلام الناس و على التوكيل او على الاقل ماتروحش لميكانيكى. روح لحد فاهم
حرام عليه هايبهدلك عربيتك. يا سيدى الفاضل وصلوا انى ديه مش 128

[yoyoteto]

جزاكم الله خيرا
وشكرا علي النصيحه
ان شاء الله بكره هاتصل احجز ميعاد في التوكيل
بارك الله لكم جميعا

[body7733]

التوكيل هو الحل غبوووووووور

[enghany]

السلام عليكم
انا معايا اكسنت ار بي 2012 ونورت معايا لمبة brake والفرامل هربانه خاااالص
ولما بصيت لقيت فيه تسريب في زيت الفرامل عند الماسوره الخارجه من الماستر ورايحه للعجل الخلفي
رحت لميكانيكي زود زيت وربط وقاللي دي كانت واخده هواء وخد مني 45 جنيه غير تمن الزيت
المهم بعدها بيوم حصل تسريب برده رحت لميكانيكي تاني ربط برده
ولسه برده التسريب موجود واللمبه نورت تاني والفرامل ضايعه
هل اروح التوكيل ولا اعمل ايه
نرجو من اخواني المساعده

الاخ الكريم
بص انا واجهتني المشكله دي في عربيتين rb ان الماستر كان بيهرب لازم تروح التوكيل و ماتضيعش حقك في الضمان اما بالنسبه للهوا دا غلط علشان ماتلحقش اصلا يحصل فيها كده انما هي بيتاخد لها هوا عادي زي اي عربيه يعني لو مثلا حضرتك غيرت الماستر لازم ياخدوا هوااا عادي

[atyam]

بص يا باشا انا عربيتى كانت فيها نفس المشكله بالظبط ويمكن عربيتى واحده من الاتنين اللى يقصدهم البشمهندس هانى وهو قالى روح التوكيل وروحت وفعلا لقيت ماستر الفرامل بايظ وغيرهولى فى التوكيل على الضمان فى فرع العبور بس المشكله انى لما روحت قالولى مش موجود وبعتو جابوه واتصلو بيا روحت ركبته ومشيت بالعربيه كده حوالى 10 ايام بس الحمد لله بعد مركبته اتظبطت

الاخ الكريم
بص انا واجهتني المشكله دي في عربيتين rb ان الماستر كان بيهرب لازم تروح التوكيل و ماتضيعش حقك في الضمان اما بالنسبه للهوا دا غلط علشان ماتلحقش اصلا يحصل فيها كده انما هي بيتاخد لها هوا عادي زي اي عربيه يعني لو مثلا حضرتك غيرت الماستر لازم ياخدوا هوااا عادي

[Ahmed Saad]

التوكيل هو الحل ممكن تعرف المشكله في ايه بالضبط وتغيره افضل في التوكيل لو سمعت رقم خرافي جيبه استيراد من الحرفيين

[mummy_47]

يعني ينفع كده.....التوكيل مبيعملش تشيك على الفرامل...عربية زيرو يحصل فيها كده ....ديه فرامل يعني ارواح ناس....روح التوكيل ولازم تعمل شكوى في جهاز حماية المستهلك وتعمل مشكلة في التوكيل ايضا..ده رايي ...لانه ببساطة شديدة ربنا سترها معاك

[yoyoteto]

جزاكم الله جميعا خيرا
الحمد لله رحت التوكيل وغيرو لي لاكور كده خارج من الماستر (زي صاموله يعني)
وطبعا لاني في الضمان ما اخدوشي فلوس
والمهندس قال لي لما استلمها مني لو طلعت المشكله في الماستر هاحجزها لبكره لانه مش عنده في المخزن بس الحمد لله لقاه اللاكور بس
المهم الحمد لله بقت تمام جدا
وأشكر كل من رد عليا ونصحني