المياه بتنقص كل شوية

[shady Mohammed]

السلام عليكم يا جماعة
انا لسه عامل دورة تبريد من شهرين و مغير المية و عامل وش سلندر
و من حوالي 10 ايام كده لقيت المية نقصت بتاع كوبية مياه بعد ما مشيت بيها حوالي 2000 كيلو في خلال الشهرين دول و بعد كده بقيت بزود كل يوم بتاع 20 مل كده بس مرة الصبح فتحت غطاء الردياتير و دورت لقيت المياه علت لفوق
و المياه بتنقص من القربة و الردياتير نفسه الاتنين
مع العلم ان
الحرارة مبتعلاش
المروحة بتشتغل على الواطي و بتفصل عادي
الزيت مش مطحن ولا المياه مطحنة
مفيش فقاقيع هوا بتطلع من الرداتير و انا مدور و فاتح الغطا
حاطط مياه خضرا اسباني
العربية النترا 2008

[michohat]

متابع معاك لاني برضه ملاحظها عندي ( بس مش عملت تغيير للمياه لسه)

[blazer]

متاكد ان مفيش اى تسريب
من الردياتير
الخراطيم
طرمبة المية سليمه
طبب الميه
مشترك الفيبر
وصله السخن
غطا القربه

[shady Mohammed]

متاكد ان مفيش اى تسريب
من الردياتير
الخراطيم
طرمبة المية سليمه
طبب الميه
مشترك الفيبر
وصله السخن
غطا القربه

لا الصراحة مش متأكد و هروح اشيك عليهم
بس انا كل خوفي من وش السلندر تاني !
انا النهاردة ضغط على خرطوم الردتير اللي رايح للمكنة الكبير ده المياه علت في الرداتير ده طبيعي ؟
و شكرا لردك

[moe gawad]

لو ضغطت ده طبيعى. بس اكشف عند حد و خليك جانبوا و تاكد من عدم وجود تسريب فى اى مكان

[shady Mohammed]

لو ضغطت ده طبيعى. بس اكشف عند حد و خليك جانبوا و تاكد من عدم وجود تسريب فى اى مكان

شكرا لرد حضرتك يا بشمهندس

[samihanwar]

هو انت قشطت الوش ولا غيرتو بواحد استيراد ولا جديد ؟
ممكن توضيح أكتر

[shady Mohammed]

هو انت قشطت الوش ولا غيرتو بواحد استيراد ولا جديد ؟
ممكن توضيح أكتر

قشطت ياباشا لانه كان مقفع بس مخرطتش