هام وعاجل نقص المياه في اكسنت ار بي 2012

[avocato]

السلام عليكم
ارجو الافاده من اصحاب الخبره من فضلكم العربيه اكسنت ار بي 2012 كل شويه المياه بتنقص في الاربه وروحت التوكيل 3 مرات لان العربيه في الضمان ومش عارفين يحلو لي المشكله اخر مره كانت امبارح ومهندس الاستقبال قاللي احتمال يكون جوان وش السلندر هو اللي عايز يتغير وداني ميعاد علي بكره .... هل الكلام ده صحيح ؟؟؟ و ينفع عربيه 2012 تحل وش السلندر لتغيير الجوان عشان نقص المياه ؟؟؟؟
ارجو الافاده ضروري جزاكم الله خير

[moe gawad]

بص انا كان عندى عربيه ار بى فيها نفس المسشكله . وقبلها واحده فيها نفس المشكله. فتقريبا ده عيب شائع فى الموديل ده
فماتضيعش حقك . و خليك وراهم فى التوكيل و شوف ايه اللى هايحصل معاك وقولى.
و ياريت تبعتلنا تطمنا

[Ashraf_Ibrahim]

العيب مش شائع ابدا ولا حاجة :]
غالبا هو جوان وش سلندر فعلا
هتلاقي العربية سخنت منك وانت مخدتش بالك
بس عموما ما دام ضمان هيعملوهالك متقلقش اطلع عليهم وخليهم يعملوها ولا تقلق ابدا :]

[moe gawad]

اعتذر جدا للدكتور اشرف. انت فهمت كلامى غلط. انا بقول تقريبا العيب شائع . بسبب تكراره ثلاث مرات فى اقل من خمس شهور فى نفس الموديل .