اخذت بنصيحة احد اﻻعضاء و ياريتنى ما عملت بيها

[ahmedalaa88]

القصة و ما فيها و باختصار ان فى ناس بتفتى فى موضوع تنظيف البوابة بماده متخصصه و كلام كتير كده و اعمل و سوى و دوس و حط و رش و افتح و اقفل المهم انى عملت كده و حساس ال idle كان هيبوظ و بعد كده قلت ﻻ مابدهاش كلمت البشمهندس هانى فى سبيد سيرفيس ربنا يباركلو ياب الحقنى يا بشمهندس المهم فى اﻻخر قالى اه الى حصل قلتلة حصل 123 قالى طب اوك فهمنى الصح و الحمد لله انقذنى و خل المشكلة لى حصلت عن طريق انه نظف البوابة بال w d40 و الحمد لله المشكلة اتحلت بس رجاء كفاية فتى ابوس ايد الناس الفتاية .طالما مش عارف اسكت احسن
شكر خاص للبشمهنس هانى و لسبيد سيرفيس .

[Ashraf_Ibrahim]

هو مين اللي فتى وقالك ايه بالضبط ؟!

[Ayman-Ahmed]

لا حول ولا قوة الا بالله.

طب ايه اللى حصل اصلا وانت عملت ايه وكان هيبوظ السنسور؟

[ahmedalaa88]

بدون ذكر اسماء هو احد اﻻعضاء عامل موضوع عن تنظيف البوابة بماده مخصصه للبوابة عملت زى ما قال باضبط و حصل الى حصل بس الحمد لله ربنا ستر

[Ayman-Ahmed]

بلا الحمد لله حصل خير وكويس انك معاك رقم المهندس هانى ودللك على الصح.بس ممكن تبعتلى لينك موضوع تنضيف البوابة؟وان كان حتى على الخاص.

[ysamerlabib]

ابتسم انت في مصر
بس في حاجة صغيرة .... لما انت معاك نمرة المهندس هاني وهو مبيتأخرش على اي حد سواء يعرفه او ميعرفهوش ليه تمشي ورا كلام الفتايبن ...
انا كفاية اكلم المهندس هاني وهو يقولي الصح ... مهما كان حيكون هوه الصح

انا عندي العربية فيها حاجة او مفيهاش اروح لمهندس هاني ... ده انا مرة روحت له بعربية مراتي اللوجان وخليته يعملي الصيانات بتاعتها غلاسة كده وخلاص
نصيحة خليك مع المهندس هاني وسيبك من البلية. ... احنا دافعين تمن العربيات من دم قلبنا مش لاقين الفلوس في الشارع علشان اي حد يفتي

[monamize4]

بدون ذكر اسماء هو احد اﻻعضاء عامل موضوع عن تنظيف البوابة بماده مخصصه للبوابة عملت زى ما قال باضبط و حصل الى حصل بس الحمد لله ربنا ستر

خلينا نفترض حسن النية ,, اكيد الراجل مش عامل موضوع مخصوص عشان يأذى الناس
اكيد الراجل كان عنده تجربة و استفاد منها و حب يشاركها مع الاخوة هنا ف المنتدى لتعميم الفايدة
و طبعا كلامه مش ملزم لحد و اى حد بيعمل حاجة بتكون على مسئوليته الشخصية

و بعدين انت بتقول ان الراجل ((عامل موضوع عن تنظيف البوابة بماده مخصصه للبوابة))
و الصراحة مش شايف حاجة غلط ف كدة ,, فا ياريت توضحلنا المشكلة فين بالظبط
و ياريت تبعتلى لينك الموضوع ع الخاص

[Khaled Lanos]

ياريت تحط لينك الموضوع طيب عشان لو فيه حاجة غلط نقول.

[ضى القمر]

لو حضرتك فى اتهام لحد ياريت تحط اسم والموضوع اللى غلط فيه لان الجميع بيستخدم المنظف ده فعلا

[J A G U A R]

يا ريت تحط لينك الموضوع ...

[بيشوى_رمزى]

ياريت اللينك

[msobhy]

انا مش من هواة انى اهاجم اى حد
وفعلا انا معرفش حضرتك
لكن حضرتك بدأت موضوع ملوش اى ملامح
حضرتك عربيتك نوعها ايه
ايه المشكله اللى كانت عندك
فين الموضوع اللى قرأت منه حل مشكلتك
بعد مع جربت الحل ايه اللى زاد على مشكلتك
المهندس هانى قال لحضرتك تعمل ايه بالظبط ؟؟؟؟؟؟؟؟؟؟؟؟؟

[moe gawad]

اسف جدا على التدخل. بس انا الشخص المتهم بالفتاى .
المهم احب اوصل رساله من خلال تعليقى ده على الموضوع. بس هابدأها احب ابدأها ب ايه من دينى الحنيف . وكلام المولى عز وجل الواحد بكل الكتب السماويه.
بسم الله الرحمن الرحيم
وقل اعملوا فسيرى الله عملكم ورسوله والمؤمنون
صدق الله العظيم

المهم احب ان انوه لعنايتكم انى اول مره ارد على سيناريو من السيناريوهات و كم الاتهامات التى تحيطنى بسبب انى ارتكبت خطأ من وجهة نظر بعض الاشخاص بالمنتدى وهو انى عملت موضوع خلى الحكر للصفحه يختلف. وعمل فيها مشاكل كتير ابتدت بوقفى اكثر من مره لحين اقتناع البعض ممن ينحازو لشخص انى المنتدى ليس لحكر.

اما بالنسبه لقصة السيناريوهات المصنوعه فحمدا لله انى بعتبر انى ده حرام. و خطأ لا حاجة لى لتحمل عقابه من الله . مع انى اتعرض على اكثر من مره عمل سيناريوهات كتير و انا اقسم بالله برفض. بالرغم من كم الاتهامات الرهيب . والاهانات الرهيبه التى لا يتقبلها سوى الشخص المهين نفسه.
فانا لا اعلق على الاهانات بغرض واحد فقط هو رغبتى فالحسنه الوارده منها. و خوفا من تحمل نتيجة خطأ لسان ممكن اشيل عقابه يوم القيامه .
حتى لا اطيل عليكم فالتجربه انا قرأتها بأحد المواضيع التى تخص السيارات الاكسنت فى النمسا . والمتعارف عنها باسم الفيرنا فى مصر . واكررها اكثر من 5 مرات يوميا بدون اى جوانب سلبيه .

اما بخصوص الخطأ فى استخدام اسبراى wd40 فده رأيي انا الشخصى عند قرائة التعليمات الموجوده على ظهر العبوه الخاصه به . و بدل الاتهام بالفتاى فى سيناريو واضح جدا . كان ممكن حضرتك انك تكون كسبت شرف المحاوله ونرجو من سيادتكم عجم تكرارها و عدم قرائة مواضيع تخصنى مره اخرى . واعتذر ياسيدى انى حبيت اساعد و عموما انا مش هاحاول انزل معلومه تفيد حد تانى . وبالفعل توقفت منذ يومان . وهاحتفظ بالمعلومه لنفسى عشان احافظ على مكسبى الخاص. مش ده اللى انت عاوز توصلوا فى النهايه .
اما رسالتى للشخص الذى يضحك الان عند قرائة تعليقى هو انه فى ظل كل هذه الحروب محاولة منك لسحب عميل و و و و . اود افادتك بان تقسيم الرزق لا يخصك . و لا يخص اى شخص . سهل جدا انى ااذى شخص و انت تعلم انه سهل جدا عمل بلبله . واللى ملوش ظهر بيشترى . بس ده لاصحاب التغيب واللا وعى . لكن مهما حصل انا مقتنع تماما بما ترفض انت الاقتناع به ان الرزق من عند الله. و ممكن تراجع كتابك السماوى مهما كان دينك هتلاقى كلامى جواه .

واعتذر مره اخرى على اطالة التعليق ولكن لن اعتذر على نقل التجربه اللى انا متأكد من صحتها بالتجارب الشخصيه .

فيه بس حاجه واحده بس احب اوصلها لشخص اعتقد انه محتاح يقرأها بس يسامحنى . الدكتور ........ بدون ذكر اسماء اللى حاول يهادينى ادانى مرهم يضر ابنى اللى عنده 5 شهور مع انى كنت ايامها لسه حبيبه حسبيا الله ونعم الوكيل فيك . وانت عارف ليه . بس خد بالك اللجوء اللى الله بالدعاء ليس ضعف منى . ولكن عشان انا شايف انى مالهاش لذمه المشاكل و المناغشات .

و لكم فائق الاحترام والتقدير ،،،،،،،،،،،،،،،ل

[ahmedalaa88]

العربية صنى 2010 و الحكاية انى عملت صيانة ال30 الف و غيرت زيت و كلو تمام الحمد ﻻقيت المنظف المخصوص لتنظيف البوابة رحت اشتريته و هو نوعة ليكوى مولى المهم عملت و الله العظيم الخطوات كلها زى ما العضو المحترم ما بيقول و حصل ان ال rpm لما تزود عن 1500 لفة و هو نازل يقف عند ال1300 و يطلع تانى و بعد كده ينزل عادى فى الحركة دى العربية بتنخع طبعا و بتبان فى التهدية جدا هى دى كل المشكلة فكلمت المهندس هانى قلى تعالى انا اساسا ساكن فى الهرم لما اجى من الهرم لجسر السويس يبا الموضوع مش سيناريو زى ما بيقول العضو المحترم ﻻن انا مش فاضى لما يقوله العضو المحترم بس الحمد لله هو عارف نفسه و انا ملياش غير سﻻمة عربيتى و انا مش عارف ده بدل ما يقولى المشكلة اه عندك و تعالى احلهالك ..ده لو عايز المصلحة العامة زى ما بيدعى لكن هو داخل يعلق على الموضوع من الواضح لتوجيه رساله ﻻن فيه كلام انا مفهمتوش وواضح انه لحد معين و من فضلك متلعبش بالكلام علشان دى صفه مش حلوه لما تكون فى الرجاله و متدعيش التقوى و الايمان علشان عيب كده زى ما اﻻخوان المسلمين عملو مع مصر من فضلك اهتم بالموضوع من الناحية المهنية اكثر و سيبك من ما قلته حضرتك علشان احس انك عاوز تفيدنى و تفيد المنتدى كله . شكرا و اسف على اﻻطاله

[moe gawad]

معلش انا مش بلعب بالفاظ . بس انا بوجه رساله . ده اولا . ثانى حاجه احب اسال حضرتك فيها. هى عربية حضرتك فيرنا . طيب انا الموضوع ده عامله على السيارات الفيرنا لمنتدى الفيرناويه
اسف لو حضرتك فهمتوا غلط و عملتوا فى الصنى ( مع انى برضوا مش لاقى فيها مشكله لانى بعملها فى عربيتى ) بس ايديال الفيرنا من داخله 2 منافول حديد و الصنى من داخله بلاستيك . مع انى برضوا مش شايف ضرر فى اللى حصل . ممكن حضرتك ترجع للتوكيل و تسال هل معلومتى ديه مضره ولا لأ .
و كمان انا مابرسمش التدين. والموضوع ليس له علاقه بالاخوان ولا بمصر . انا بذكر كلمات دينيه صحيحه . ولم ادخل الدين بالموضوع . فارجوك بلاش حضرتك تدخلوا فى الموضوع عشان انا و انت اقل من اننا نفتى فىامور دينيه