تركيب فوج لايت - النترا 2010

[msobhy]

السلام عليكم ورحمة الله وبركاته
نويت والنيه لله انى اركب الفوج لايت
نزلت الحرفيين علشان هما ارخص مكان
الشهاده لله مرتع للنصابين
وعايزين واحد يفاصل من نار
بالاضافه وده الجميل - واحد حيوان هناك كان عايز يبيع لى فانوسين صينى على اساس انهم اصلى - زطبعا ده كان باين من خامتهم جدااااااااااااااااااااااااااااااااااااااااااا
المهم
انا كل واحد اروح له اسأله على فانوسين و ضفيره و ذراع
الغريبه كذا واحد سألنى انت عربيتك موديل كااااااام - اقولهم 2010 - يقولوا لى يبقى انت مش محتاج الضفيره - هاتلاقيها عندك
المهم المعلومه ديه كذا واحد أكدها لى - لكنهم بيقولوا ان كل اللى بيجى من بره بيبقى مجهز لكنهم مش عارفين اللى هنا بيبقى فيها ولا لأ - ومن كلامهم ان العربيات موديل 2009 - 2010 و بالتباعيه 2011 بتيجى مجهزه
ارجوكم لو فيه حد معاه عربيه 2010 أو 2011 وركب فيها فوج لايت يقول لنا هل فعلا كانت مجهزه لتركيب فوج لايت على طول ولا لأ
برجاء الرد

[KamalShawqi]

السلام عليكم

أنا معايا إلنترا 2011 مصري، في مرة سألت عن تمن الفوجات لاقيتها استيراد ب350 جنيه ل500 (ها تتفك من عربية قدامي)

مرت الأيام وظبطت الميزانية ورحت أجيب الفوجات

بس رحت لمحل معروف باسم الشيخ في إمبابة وجبت منه فوجات نضيفة صينية ب100 جنيه وفيها اللمبتين (عشان ممكن تتباعلك من غير اللمبتين)

بعدين رحت لكهربائي اسمه هاني في إمبابة، وعشان العربية اصلا ما كنش فيها فوجات، فطلب مني 6 متر سلك 1 ملي (بحوالي 5 جنيه لو انا فاكر) وشريطين لحام (ب2 جنيه) و8 كلبسات (ب2 جنيه) وركبلي الفوجات على لمبة التابلوه (مش بزرار منفصل)، وجاب كتاوت من عنده (ب40 جنيه) ومصنعية 30 جنيه، ومخدش اكتر من نص ساعة !! تسلم ايده بصراحة

يعني الإجمالي: 179 جنيه والعربية مش معمول حسابها على فوجات، يا بلاش

صورة العربية في النهار:


صورتها بليل:


واتمنى اكون فيدتك :)

[moe gawad]

بص لازم كهربائى اللى يفصلك الضفيره موحوده ولا لا . سيبك من كلام الناس اللى عاوزه تبيعلك زى الحرفيين. اتجه لكهربائى . ورائى اسمع بالنصيحه و ركب الصينى علشان لا قدر الله لو اتكسرو و انت بتركن مع الحديد اللى بقى فى كل حته فى شوارعنت ماتزعلش اوى . ولقيت نورها ضعيف غير اللمبه الداخليه وهات الاغلى .
بس على فكره كل العربيات اللى قابلتنى مش مستورده كانت محتاج يتزود ضفيرتها لدعم الشبوره

[msobhy]

احب اشكر كل الاخوه اللى ردوا على الموضوع
عن تجارب الفوانيس اللى مش أصليه مشاكلها كتيره .... بتصفر .... وبتتكسر من أقل خبطه .... بتطوص بعد 5 او 6 شهور
ليه عايز اجيب الاصلى علشان هاركب عليهم زينون وعايزهم يستحملوا درجة الحراره


بخصوص الضفيره هابقى انزل ابص على العربيه ولو مفيش هابقى اشوف هاعملها ايه

بخصوص المفتاح لازم هاجيب الدراع او مفتاح منفصل .... مش هاينفع اشغلها مع النور الصغير

ان شاء الله انا اللى هاشتغل بأيدى .... ربنا يستر

[mazeen]

احب اشكر كل الاخوه اللى ردوا على الموضوع
عن تجارب الفوانيس اللى مش أصليه مشاكلها كتيره .... بتصفر .... وبتتكسر من أقل خبطه .... بتطوص بعد 5 او 6 شهور
ليه عايز اجيب الاصلى علشان هاركب عليهم زينون وعايزهم يستحملوا درجة الحراره


بخصوص الضفيره هابقى انزل ابص على العربيه ولو مفيش هابقى اشوف هاعملها ايه

بخصوص المفتاح لازم هاجيب الدراع او مفتاح منفصل .... مش هاينفع اشغلها مع النور الصغير

ان شاء الله انا اللى هاشتغل بأيدى .... ربنا يستر

ربنا معاك ركبها بنفسك وما تقلقش انا عملتها قبلك بنفسى كذا مره

[msobhy]

ربنا معاك ركبها بنفسك وما تقلقش انا عملتها قبلك بنفسى كذا مره

طيب فين النصائح والصور وطريقة التركيب
اكتر حاجة عايز اعرفها فردة الكهرباء بتاعة الفوج بتوصل على اى مكان فى علبة الفيوز

[mazeen]

لازم تعملها كتاوت بفيوز خارجى بعيداعن ضفيرة العربيه أأمن يعنى من الزرار هتدخل للكتاوت +
ومن البطاريه للكتاوت +
ومن الارضى للكتاوت --
ومن الكتاوت للفوجات هايخرج +

[msobhy]

لازم تعملها كتاوت بفيوز خارجى بعيداعن ضفيرة العربيه أأمن يعنى من الزرار هتدخل للكتاوت +
ومن البطاريه للكتاوت +
ومن الارضى للكتاوت --
ومن الكتاوت للفوجات هايخرج +

حلو الكلام
المشكله انى عايز امشيها فابريكه
علبة الفيوز اللى فى العربيه فيها ريلاى أو كتاوت بتاع فوانيس الشبوره
المفروض فيه فرده اشتغل عليها وهاخد الارضى من اى حته .... انهى فرده بقى
السؤال التانى
فيشة دراع النور البنه 3 و4 هما اللى بيقفلوا الدايره بتاعة الشبوره
لو لاقيت مكانهم فاضى فى رأيك اعمل ايه

[roland_yamaha]

احب اشكر كل الاخوه اللى ردوا على الموضوع
عن تجارب الفوانيس اللى مش أصليه مشاكلها كتيره .... بتصفر .... وبتتكسر من أقل خبطه .... بتطوص بعد 5 او 6 شهور
ليه عايز اجيب الاصلى علشان هاركب عليهم زينون وعايزهم يستحملوا درجة الحراره


بخصوص الضفيره هابقى انزل ابص على العربيه ولو مفيش هابقى اشوف هاعملها ايه

بخصوص المفتاح لازم هاجيب الدراع او مفتاح منفصل .... مش هاينفع اشغلها مع النور الصغير

ان شاء الله انا اللى هاشتغل بأيدى .... ربنا يستر

أنا كنب شاري فوجين جداد كوري أصلي من سنة ب 375 جنيه من ابراهيم البنا في التوفيقية وجبتلهم طقم زينون من عند لهيطة وعايشين تمام

[msobhy]

أنا كنب شاري فوجين جداد كوري أصلي من سنة ب 375 جنيه من ابراهيم البنا في التوفيقية وجبتلهم طقم زينون من عند لهيطة وعايشين تمام

طيب بعد أذنك اللى الفانوسين لسه بحالتهم ولا اصفروا
فى رأيك فيه فارق بينهم وبين الفابريكه
لو الاستيراد ب 350 اخدهم ولا بلاش
نوع الزينون اللى جيبته ايه وبكام

[roland_yamaha]

طيب بعد أذنك اللى الفانوسين لسه بحالتهم ولا اصفروا
فى رأيك فيه فارق بينهم وبين الفابريكه
لو الاستيراد ب 350 اخدهم ولا بلاش
نوع الزينون اللى جيبته ايه وبكام

حالتهم لسة أكنها جديدة مفيش اصفرار خالص والزينون كان ب 300 جنيه تقريبا ماركة vision هتأكد واقولك

[monamize4]

ليه عايز اجيب الاصلى علشان هاركب عليهم زينون وعايزهم يستحملوا درجة الحراره

atmi ان الزينون درجة حرارته اقل من الهالوجين

و بجد فوجات الالنترا ال hd تستاهل يدفع فيهم لان شكلهم شيك
و ع فكرة فوجات الالنترا من اقوى الفوجات و معاها الفانتازيا كمان لان الاتنين
العاكس فيهم كبير و بيخلوك فعلا تستغنى عن النور الواطى

[azwoz65]

::: متابع :::

[msobhy]

بجد انا عاجز عن الشكر لكل اللى تفضلوا وساعدونى بمشاركتهم ومعلوماتهم وفى انتظار المزيد
قريب جدا عندى هديه صغيره لنجوم الهيونداى
بس يا رب يبقى فيه تفاعل

[msobhy]

ايه
مفيش جديد