أرجو المساعده، شقى عمرى فى السياره دى.

[Eng. Amer]

أنا حجزت سياره فيرنا 2014 من غبور كامله مانيوال فاميه، فى حد عنده ملاحظات على السيارة ولا اتوكل على الله، علما بأنى عاوز سيارة عمليه مشاكلها قليله وصيانتها سهله.
ارجوا الاهتمام

[moe gawad]

رينا يبارك لحضرتك فيها انشاء الله

[omaranes77]

اولا الف مبروك ياباشا ربنا يباركلك فيها
العربية عملية جدا وصيانتها سهلة قطع غيار متاوفرة متوفرة اية دي موجودي في السوبر ماركت والف مبروك مرة تانية

[monamize4]

اختيار موفق جدا ,, عربية جميلة و مصاريفها بسيطة و صيانتها سهلة

[Eng. Amer]

أنا حجزت سياره فيرنا 2014 من غبور كامله مانيوال فاميه، فى حد عنده ملاحظات على السيارة ولا اتوكل على الله، علما بأنى عاوز سيارة عمليه مشاكلها قليله وصيانتها سهله. طب وبالنسبه لموضوع انها واطيه وبتحرق بنزين كتير والامان فيها سئ والتقفيل سيئ، ايه رأى الخبراء فى الحاجات دى هل يمكن تلفيها أو التغاضى عنها؟؟؟؟
ارجوا الاهتمام.

[hossamalsadik]

أختيار موفق لأحتياجاتك
مبروك ويباركلك فيها ربنا

[Silent~Dream]

الامان سى و ثباتها وحش لكن معاك لحد 120 تكون فى الامان حاول متزودش عن كده و تمشى بالعقل و استخدامها داخل البلد افضل من السفر بسبب سهوله الصيانه و رخص قطع الغيار و الف مبروك و تستلم على خير ان شاء الله

[J A G U A R]

اختيار موفق ان شاء الله

[دعبدالرحيم]

اهم شي قطع الغيار والصيانه والفيرنا هي اشهر عربيه في فئتها ..مش هتندم ابدا علي اختيارك وربنا يباركلكلك فيها ويكفيك شرها ومين قال بتستهلك بنزين العربيه مع زمايلي زي الفل

[بيشوى_رمزى]

عربية جميلة الف مبروك يا باشا

[moh_rag_abd]

الفيرنا اشهر واكثر سيارة انتشارا في مصر
وده بسبب فئتها السعرية والاعتمادية بتاعتها
ولكل عربية عيوب ومميزات
مزايا الفيرنا الاعتمادية بتاعتها وبتعيش كويس
وكمان قطع الغيار بتاعتها متوفرة في كل حته واي صنايعي يشتغل فيها
واعاده البيع بتاعها برضك ممتاز
بالنسبة للعيوب (وفي بعض العيوب بتتحل)
الفرامل سيئة الي حد ما
الثبات ضايع بعد 120
شكلها قديم بتدفع 80 الف وبتاخد عربية مش ماشية مع التطور في العربيات
وتفتقر برضك للكماليات حتي في الفول اوبشن

بس في المجمل الفيرنا عربية ممتازة اعتمادية موفرة للبنزين
ويعتمد عليها ومشاكلها قليلة
وان شاء تستلمها علي خير وربنا يباركلك فيها ويكفيك شرها
وعلي فكرة في الفئة السعرية دية كل العربيات زي بعضها ده اللي اكتشفتو بعد ما كنت محتار اسبوعين كاملين اختار ايه وفي الاخر قررت اشتري byd انسب عربية بالنسبالي
بالتوفيق

[devil_storm]

الفيرنا عربيه ممتازه و افضل عربيه في الفئه دي خصوصا لو معظم طريقك داخل البلد لكن لو معظم طريقك سفر و طرق سريعه شوف حاجه فيها وسائل امان
عن نفسي بحب جدا الفيرنا بعد تجربه ٣ سنوات

[johnior]

العربيه كويسة موتورها كويس سرعتك بس ما تزيدش عن 120 علشان stability. مش موفره اوى فى استهلاك النزين. قطع غيارها فى كل حته. صيانتها سهلة وهو فعلا ممكن تكون واطيه شوية انت بس خلى بالك
وبالتوفيق مبروك عليك