أرجو المساعده، شقى عمرى فى السياره دى.

[Eng. Amer]

أنا حجزت سياره فيرنا 2014 من غبور كامله مانيوال فاميه، فى حد عنده ملاحظات على السيارة ولا اتوكل على الله، علما بأنى عاوز سيارة عمليه مشاكلها قليله وصيانتها سهله. طب وبالنسبه لموضوع انها واطيه وبتحرق بنزين كتير والامان فيها سئ والتقفيل سيئ، ايه رأى الخبراء فى الحاجات دى هل يمكن تلفيها أو التغاضى عنها؟؟؟؟
ارجوا الاهتمام.

[MR A7MED]

هات ايمجراند 7 احسن وافضل واوبشن اعلى بكتيير وثبات افضل بمراااحل بخلاف المساحه الداخليه ضعف الفيرنا
بالتوفيق

[svneleven]

الاميجراند فيها مشاكل في الدهان الداخلي. ناس شالو فرش الباب و لاقو صدي كتير في الابواب و الشنطة من الداخل. الفيرنا عربية عملية بكل ما تحمله الكلمه من معاني.

[johnior]

الفيرنا افضل من الايميجراند بكتير جدا. انا ركبت دى ودى. الفيرنا ممكن تكون اصغر فى الحجم من جود.الايمجراند كراسيها صلبة جدا ومتعبه جدا العفشه ناشف بتاعتها. وطبعا بما انه صينى قطع غياره متوقع انه يكون غالى.

[hamada6050]

انا كنت زيك ولوعايز نصحتى
لو عايز تجيب زيرو هات سبرانزا m11 من غير تفكير
لو عايز تجيب مستعمل هات النترا
شكراااا

[profimh]

بالنسبة للجديد و عن تجربة اللى افضل منها الاسبيرنزا و البريليانس ال إف أر فى ممتازة
اما بالنسبة للمستعمل بالسعر ده فبصراحة الميتسوبيشى اللا نسر البومة أو الالنترا 2007 - 2011 نقلة تانية خالص و أحلى بكتير و فلوسك محفوظة و بجد هتستمتع بشقى عمرك

[mohamed.kamal]

بص انا من تجربتى مع الفيرنا بصراحه عربيه سيئه جدا
ميزتها ان قطع غيارها رخيصه و ناس كتير بيشتغلو فيها انما مقابل كدا الحاجات دى بتبوظ بسرعه !
طيب لو جبت عربيه قطع غيارها غاليه هتتركب هتنساها بجد
و بعدين فى مشاكل فيها شبه ملهاش حل زى الفرامل و الامان
انا راىء لو عايز تجيبها تعيش معاك و تبقى مبسوط يبقى صيانتها تتعمل اول باول فى التوكيل فقط لا غير
و بالتالى هتكون ضامن قطع الغيار كلها اصلى و عليها ضمنها
و انسى انك تجرى بيها "خلى بالك بتستفزك عشان تجرى " العربيه موتورها قوى و سحبها قوى جدابس لو جريت بيها مش هتعيش معاك كتير !
دا راى من واقع تجربتى
اما لو فكرت تجيب عربيه تانيه ممكن تدور و تسال على حاجات الصينى زى لى واى دى و اسبرنزا الضخمه شويه دى و منتشرة منها تاكسى بس دى معتقدش ان فى منها 2014
وربنا معاك ان شاء الله

[samihanwar]

عربيه مش اعتماديه وتقفيل زى النيله
وعاوزه التحسيس
ده رأيى

[mshmshm3]

الفيرنا عملية جدا بس التقفيل مش حلو
بما انها موديل بعد 2009 سوست زيادة لفة و علبة شكمان صغيرة ان شاء الله مش هاتحك معاك في مطبات ولو حكت مش مشكلة ماتقلقش
العربية دي بتستحمل

[eltanamly]

هوة الفيرنا بكل بساطة عربية سيئة جداً
مفيش أمان ومفيش أي رفاهية فالعربية
الميزات : سعر إعادة بيع كويس - قطع غيار رخيصة - أي مكانيكي بيدوس فيها - حجمها مناسب
عيوبها : مفيش أي أمان أنا أخاف اركبها والله - فرامل أي كلام - ثبات مش موجود فالوجود - جودة الخامات رديئة جداً - حتى ال-cd والسماعات سيئة جداً - عيوب تقفيل بالجملة - مش مريحة فالسفر أو مشاوير طويله - عربية ورق.

و ده بس إلي أنا أعرف عنها أنا سقتها 3 مرات بس في حياتي ومش ناوي أسوقها تاني بصراحة