مركز حمزة اوتو سيرفس.. كل واحد لازم ياخد حقه

[sasa44]

السلام عليكم ورحمة الله وبركاته
يا جماعه انا كنت بدور على عربية مستعملة وشفت امبارح عربيتين وعاوز احكيلم التجربة والدروس المستفادة

و مبدأيا كده اقسم بالله انا معرفش المهندس محمد عبد الجواد (حمزة اوتو سيرفس)وأول مرة اشوفه امبارح
واسمحولي احكيلكم قصتي معاه علشان كل واحد ياخد حقه

انا كلمته امبارح الصبح علشان كنت عاوز اكشف على عربية وسألته قالي احنا بنكشف على كل حاجه دهان وكهرباء وميكانيكا وعفشة.. فقلتله طيب حضرتك هتاخد كام..قالي ولا مليم..قلتله ازاي..قالي دي خدمة لاعضاء نايل موتورز.. قلتله والله يا بشمهندس متشكرين احضرتك على الخدمة دي ..
وفعلا رحت شفت العربية وكشف عليها والعربية مطلعتش كويسة والعداد بتاعها ملعوب فيه ومش فبريكة زي ما الراجل بيقول والحمد لله ان ربنا كشفلي الحق ولقيت البشمهندس محمد بيقولي متاخدش العربية دي.. انا طبعا مفهمتش ايه السبب وقلتله ماشي.. ومشيت على كده

المهم بعد شوية لقيت عربية تانية للبيع برضو فى النزهة الجديدة فقلت اروح اكشف عليها علشان حتى اديله اي فلوس يبقي عوضت المرة الاولانية بس الراجل الشهادة لله مرضيش ياخد ولا مليم لأ وايه ده جابي قهوة (يعني مأحدش منى فلوس وغرمته وكشفلي على عربيتين) وقعدت معاه فى المكتب فقلتله انت ليه قلتلي متاخدش العربية الاولانية الصبح.. قالي بصراحة الراجل صاحب العربية لقيته جاي بيديني 200 جنيه علشان اقول ان العربية كويسة.. انا طبعا اتذهلت شوية وقلتله ازاي قالي اه والله ده اللى حصل علشان كده قلتلك متاخدهاش... بصراحة مفيش اي كلام يوصف مدي احترام وامانة واخلاص الراجل ده... اعتقد اللي عمله معايا ميعملوش غير الاخوات مع بعض.. بجد انا بشكره ومهما اشكره مش هوفيه حقه.. ربنا يباركله يارب ويكرمه

الدروس المستفادة من مشاوير النهارده:
1- اوعي متكشفش على العربية عند مركز متخصص ومضمون علشان ميبعكش
2- متصدقش نص الكلام اللى صاحب العربية بيقوله
3- اوعي تشتري من تاجر
4- شراء العربية ده نصيب واوعي تزعل على عربية ماشتريتهاش وراحت منك

طبقا علشان منظلمش حد فيه ناس محترمة بتبيع عربيتها وبتبقي صادقة فى كل كلمة بيقولوها.. ربنا يوقعنا فى حد منهم

المهم بقي اللى كنت بشتري منهم مش تجار وبصراحة اول واحد ده اللى لاعب فى العداد وبيقولي فابريكة وهيا مخبوطة ورشه نفسي احط عنوان الاعلان بتاعه على كونتاكت كارز هنا علشان احذر الناس منه بس مش عارف ينفع ولا ممنوع..

معلش بقي انا طولت عليكم بس كان لازم ادي للراجل حقه واشكره قبل ما انام وتصبحون على خير

[Khaled Lanos]

تحياتي للأستاذ حمزة انت راجل محترم وربنا هيكرمك ان شاء الله عشان أمانتك دي.

[Abo Yasso]

ربنا يكرمه ان شاء الله بصراحه هو فى منتهى الامانه وعن تجربه

[fepsceasar]

ممكن مكان المركز على الخاص او لو ليه موضوع تبعتلى الرابط
يا سلام بقى لو تبعت كمان اعلان صاحب العربية اللى بينصب

[abohend]

لازم تدفع

الحمد لله لسه في ناس محترمة و تعرف ربنا
بس لازم تدفعله
ده حقه
{ ولا تَبْخَسُوا النَّاسَ أَشْيَاءهُمْ }

لازم تصر و تدفعله
أنا كشفت في توكيل هيونداي ب200 جنيه
و في توكيل كيا ب300 جنيه


يعني على الأقل تدفعله 250 للكشف على العربيتين
و حتى لو قالك لأ
في النهاية ده مشروع تجاري بيصرف على عائلات و من حقه و حقهم إنك تدفعله


و إن شاء الله تلاقي عربية كويسة قريب
تحياتي

[Abo Yasso]

ممكن مكان المركز على الخاص او لو ليه موضوع تبعتلى الرابط
يا سلام بقى لو تبعت كمان اعلان صاحب العربية اللى بينصب

http://www.nilemotors.net/Nile/401867-a.html

[moe gawad]

السلام عليكم ورحمة الله وبركاته
يا جماعه انا كنت بدور على عربية مستعملة وشفت امبارح عربيتين وعاوز احكيلم التجربة والدروس المستفادة

و مبدأيا كده اقسم بالله انا معرفش المهندس محمد عبد الجواد (حمزة اوتو سيرفس)وأول مرة اشوفه امبارح
واسمحولي احكيلكم قصتي معاه علشان كل واحد ياخد حقه

انا كلمته امبارح الصبح علشان كنت عاوز اكشف على عربية وسألته قالي احنا بنكشف على كل حاجه دهان وكهرباء وميكانيكا وعفشة.. فقلتله طيب حضرتك هتاخد كام..قالي ولا مليم..قلتله ازاي..قالي دي خدمة لاعضاء نايل موتورز.. قلتله والله يا بشمهندس متشكرين احضرتك على الخدمة دي ..
وفعلا رحت شفت العربية وكشف عليها والعربية مطلعتش كويسة والعداد بتاعها ملعوب فيه ومش فبريكة زي ما الراجل بيقول والحمد لله ان ربنا كشفلي الحق ولقيت البشمهندس محمد بيقولي متاخدش العربية دي.. انا طبعا مفهمتش ايه السبب وقلتله ماشي.. ومشيت على كده

المهم بعد شوية لقيت عربية تانية للبيع برضو فى النزهة الجديدة فقلت اروح اكشف عليها علشان حتى اديله اي فلوس يبقي عوضت المرة الاولانية بس الراجل الشهادة لله مرضيش ياخد ولا مليم لأ وايه ده جابي قهوة (يعني مأحدش منى فلوس وغرمته وكشفلي على عربيتين) وقعدت معاه فى المكتب فقلتله انت ليه قلتلي متاخدش العربية الاولانية الصبح.. قالي بصراحة الراجل صاحب العربية لقيته جاي بيديني 200 جنيه علشان اقول ان العربية كويسة.. انا طبعا اتذهلت شوية وقلتله ازاي قالي اه والله ده اللى حصل علشان كده قلتلك متاخدهاش... بصراحة مفيش اي كلام يوصف مدي احترام وامانة واخلاص الراجل ده... اعتقد اللي عمله معايا ميعملوش غير الاخوات مع بعض.. بجد انا بشكره ومهما اشكره مش هوفيه حقه.. ربنا يباركله يارب ويكرمه

الدروس المستفادة من مشاوير النهارده:
1- اوعي متكشفش على العربية عند مركز متخصص ومضمون علشان ميبعكش
2- متصدقش نص الكلام اللى صاحب العربية بيقوله
3- اوعي تشتري من تاجر
4- شراء العربية ده نصيب واوعي تزعل على عربية ماشتريتهاش وراحت منك

طبقا علشان منظلمش حد فيه ناس محترمة بتبيع عربيتها وبتبقي صادقة فى كل كلمة بيقولوها.. ربنا يوقعنا فى حد منهم

المهم بقي اللى كنت بشتري منهم مش تجار وبصراحة اول واحد ده اللى لاعب فى العداد وبيقولي فابريكة وهيا مخبوطة ورشه نفسي احط عنوان الاعلان بتاعه على كونتاكت كارز هنا علشان احذر الناس منه بس مش عارف ينفع ولا ممنوع..

معلش بقي انا طولت عليكم بس كان لازم ادي للراجل حقه واشكره قبل ما انام وتصبحون على خير

بارك الله فى حضرتك يا فندم ,
انا بس حابا اقول لحضرتك انى اى حد مكانى هايعمل كده, الله سبحانه وتعالى يأمرنا بعدم شهادة الزور ,
اما بخصوص الراجل بتاع العربيه , ارجو من سيادتكم عدم نشر موضوعه عشان كده بقى فيه حرمانيه , ربنا سبحانه وتعالى يمهل ولا يهمل ,

اشكرك جدا وانا تحت امر حضرتك فى اى وقت لو احتجت اى حاجه فى اى وقت , وكمان تحت امر اى عضو من اعضاء نايل موتورز , عشان مظلة نايل موتورز اللى بتحمينا كلنا هى اللى خلتنا اخوات فعلا , مسلم ومسيحى , كلنا اخوات ,

بارك الله فيكم يا اكبر عيله شوفتها فى حياتى ,

أخوكم محمد عبد الجواد

[moe gawad]

الحمد لله لسه في ناس محترمة و تعرف ربنا
بس لازم تدفعله
ده حقه
{ ولا تَبْخَسُوا النَّاسَ أَشْيَاءهُمْ }

لازم تصر و تدفعله
أنا كشفت في توكيل هيونداي ب200 جنيه
و في توكيل كيا ب300 جنيه


يعني على الأقل تدفعله 250 للكشف على العربيتين
و حتى لو قالك لأ
في النهاية ده مشروع تجاري بيصرف على عائلات و من حقه و حقهم إنك تدفعله


و إن شاء الله تلاقي عربية كويسة قريب
تحياتي

سيدى الفاضل المحترم,,,,,,

أشكر حضرتك على كلامك الجميل جداً , بس انا احب اقول انى جديد جداً على منتدى نايل موتورز , واللى عرفنى على المنتدى كان شخص بيشتغل فى نفس المجال , ومحترم جداً
بس انا احب انى اقول انى نايل موتورز فعلا خلت ليا اخ فى كل بيت فى جمهورية مصر العربيه , وهو ما يزيدنى شرف ,
و بارك الله فيكم جميعا , ويخلينا دايما تحت نفس المظله اخوات متحابين

[moe gawad]

ممكن مكان المركز على الخاص او لو ليه موضوع تبعتلى الرابط
يا سلام بقى لو تبعت كمان اعلان صاحب العربية اللى بينصب

موقع المركز فى الأعلان بتاعى اللى فى توقيعى ,
واتمنى انك تنورلى مركزى المتواضع (حلوه المتواضع ديه مش كده ولا ايه)

[moe gawad]

تحياتي للأستاذ حمزة انت راجل محترم وربنا هيكرمك ان شاء الله عشان أمانتك دي.

ربنا يخليك يا خالد بيه ,
بس حمزه ده ابنى , وانا محمد عبد الجواد ,
ونفسى اطلب طلب من كل اعضاء المنتدى اللى بيقروا الموضوع ده , استحلفكم بالله تدعولى الايام ديه , عشان هو ده اللى اى واحد فى الدنيا محتاجه ,

واشكر كل واحد بيقول كلمه حلوه فى حقى , واقول انى ده رضا من عند الله وحده , الف حمد وشكر لله وحده

[sasa44]

تحياتي للأستاذ حمزة انت راجل محترم وربنا هيكرمك ان شاء الله عشان أمانتك دي.

ربنا يكرمه ان شاء الله بصراحه هو فى منتهى الامانه وعن تجربه

هو فعلا والله راجل محترم جدا وبيتقي ربنا فى شغله... ربنا يباركله يارب ويرزقه بالحلال

الحمد لله لسه في ناس محترمة و تعرف ربنا
بس لازم تدفعله
ده حقه
{ ولا تَبْخَسُوا النَّاسَ أَشْيَاءهُمْ }

لازم تصر و تدفعله
أنا كشفت في توكيل هيونداي ب200 جنيه
و في توكيل كيا ب300 جنيه


يعني على الأقل تدفعله 250 للكشف على العربيتين
و حتى لو قالك لأ
في النهاية ده مشروع تجاري بيصرف على عائلات و من حقه و حقهم إنك تدفعله


و إن شاء الله تلاقي عربية كويسة قريب
تحياتي

والله حاولت ياباشا كتير بس هو صمم انه مياخدش فلوس خالص

ربنا يخليك يا خالد بيه ,
بس حمزه ده ابنى , وانا محمد عبد الجواد ,
ونفسى اطلب طلب من كل اعضاء المنتدى اللى بيقروا الموضوع ده , استحلفكم بالله تدعولى الايام ديه , عشان هو ده اللى اى واحد فى الدنيا محتاجه ,

واشكر كل واحد بيقول كلمه حلوه فى حقى , واقول انى ده رضا من عند الله وحده , الف حمد وشكر لله وحده

انا هعمل بنصيحتك يا باشمهندس ومش هفضح الراجل.. وانت بأمانة راجل محترم وربنا يجعل اللى بتعمله فى ميزان حسناتك.. ولك منى كل الاحترام وبالتوفيق دائما

[moe gawad]

بارك الله فى حضراتكم جميعاً واشكر حضرتك على كل الكلام الجميل ده

[moe gawad]

اشكرك يا بشمهندس عاصم. والله انت واحشنى اكترررر
وسلملى على الضاهر بكره هاااا. وبالله عليك لو عديتوا على كشرى السلام او محلات العدوى ابقو افتكرونىىىى فى ميدان الحيشششش

[moe gawad]

بارك الله فيك وعليك .
1وانا قرات اليوم التفسير لاية سورة الانفال . الخاص بموضوع فوق كل زى علم عليم . بس هو ايه اللى جاب سورة الانفال فى الموضوع .
ارجو من الاداره انها تشيل الايه الكريمه حيث ان القران الكريم وكلام الله ليس محل مهاترات . والخطأ يبدأ من وضعها بهذه الصوره التى لا يسمح بها احد