يا اهل الخبره انا هادفع بكره 40000 جنيه مقدم فيرنا 2014

[Eng. Amer]

ياجماعه انا هادفع بكرة ان شاء الله مقدم فيرنا 2014 أتوكل على الله ولا حد عنده ملاحظات عاوز يقولها؟
ولو فى عيوب ظهرت فى السياره دى والموديل ده تحديداً ؟؟؟
ياريت تبلغونى هاكون شاكر جداً.

[insurancebroke]

استخير ربنا وتوكل علي الله

[كريم kok]

اتوكل علي الله الفيرنا معايا من2009 والحمد لله بس اهم شيء لو انت بتجري غير الكوتش بتاعها لنه مصري سيء جدا
وبالتوفيق يارب

[J A G U A R]

مفيش عيوب جديده ظهرت

[Samir Elshahawy]

الفيرنا هي هي نفس الفيرنا مافيش فيها جديد

[Merooxx]

بصراحة العربية دي حرام فيها الفلوس. هي عاملة زي الورقة ولا فيها اي سيفتي ولا ايرباج.
راي ان حضرتك تشوف اي سيارة مستعملة وتقسطها. ( نيسان صني او سوبارو٢٠١٠ او لانسر شارك)
لان الفيرنا ب ٩٠ الف. حراااااااااااااام

[Saef Kh]

انا لسه جايبها من شهرين 2014 بردو و ماشى لحد دلوئتى 3000 كيلو. بس الحمد لله لسه مشفتش منها حاجه.

[shiko85]

طيب ما تقولنا رايح تدفع المقدم فين و الساعه كام ؟ علشان نبقى عرفنا المبلغ و المكان و الزمان و
ربنا يسترها معاك

[S O P H O S]

الفيرنا زي ما هي مفيش جديد طرأ
عموما ربنا يوفقك

[mody112]

لو انت مقتنع بيها توكل على الله
وبصراحة لو انا منك مدفعش فيها المبلغ ده ( رايي الشخصى )

[mummy_47]

المبلغ اللي انت هتدفعه واللي لسيه هتدفعه ..ممكن تجيب عربية استعمال افضل من الفيرنا الف مره (لانسر بومه2006-كرولا 2008 ...الخ)
او ممكن تجيب شيفروليه لانوس زيرو ..عربية محترمة جدا ومتينة
او تدفع المقدم ده في شيفرولية اوبترا زيرو او مستعمل..عربية حكاية وحترمة جدااااااااااااااااا
الفرنا بالنسبالي هي التطور الطبيعي لل 128 (راي شخصي)

تحياتي

[devil_storm]

العربيه دي فضلت معايا ٤ سنين مصرفتش عليها مليم غير الصيانه في التوكيل و لما بعتها كانت الناس بتتخانق عليها ... بصراحه عربيه ناعما جدا و جميله جدا جدا علي سعرها و انا لو مكانك مش حتردد لحظه
يا راجل انا اوقات بندم اني بعتها هاهاها