النترا 2013 md وهبده فى الفتيس عند الرجوع للخلف

[hossam_elwani]

بسيطة بأمر الله طالما مفيش تخريف و لا تأخير في النقلات أو نقلات ما بتجييش أو العربيه بتطلع من السكون علي غيار عالي
هايبقي حساس بسيط و بيتغير في الضمان (هما حساسين و بيغيروهم في الضمان )
و أسباب تلفهم بيبقي من دخول مياه للحساسين أو حساس منهم مش راكب
خلي المهندس يراجع قبل أي شغل علي قرايات حساسات (output sensor &input sensor )
و طمنا عملت أيه
بالتوفيق بعون الله

انا مجرب العربيه بنفسى والهبده واضحه جداااااااا بشكل قوى ومن الثبات على n والعربيه فى النقلات الطوالى زى الفل وجميله جداااااااا الحكايه دى فقط فى حالة الرجوع للخلف

لا توجد اطلاقا...

شكرا

الحمد لله مافيش أي حاجة
بس خلي بالك ممكن تكون العربية واقفة علي مطلع أو الارض مش مستوية فتشعر بالتقل ده أو الهبدة دي

جرب كده علي أرض مستوية و شوف

الصح أنك تمور و تجيب الفتيس علي ال n و بعدين تشد فرامل اليد
و بعد كده تنقل الفتيس من ال n الي ال p

شكرا م /سمير

ردى اعلاه + انا مجرب على ارض مستويه ومن حالة الثبات فقط وجربت كذا مره

والى قولته فعلا كنت عامل حسابه ومع ذلك نفس الهبده

حضرتك سمعت الهبدة هل هى قوية جدا فعلا ؟؟
ولا ممكن يكون صاحبها بيبالغ و يطلع فى الاخر الشيفت لوك :d

مجرب بنفسى

[Moabdelkader]

نفس الموقف ده حصل معايا في نيو اكسنت٢٠٠٩ كنت ماشي تقريبا زيك من الاخر كدة ده سينسور اسمه a وb شوية وهتلاقي العربية نقلاتها مش منتظمة خد بالك كمان ان في التوكيل هيحط العربية على الجهاز ويعمل ديليت ل error بتاع السينسور عشان انا طلع عيني جوا الضمان لحد ماغيرو السينسور ده والعربية ماشية ٤٥الف كم !!!! وفي الاخر غيروه بعد ماقليت ادبي عليهم وطلع سعره ٨٠٠ج طبعا اكيد الأسعار اختلفت دلوقتي وربنا معاك

[sewefy]

لا انا عندى حاجه لسه ظاهره امبارح وانا بشيل رجلى من على البنزين ولسه بضرب فرامل حسيت بنتشه خفيفه اتكررت مرتين بس ده بعد ما رحت ربطة عفشه

[mummy_47]

انا مش عارف اقول ايه.حاجة تغيظ فعلا ...يعني عربيات حديثة وجديدة ويكون فيها المشاكل ديه....وفي الفتيس....انا قعدت معايا النوبيرا مو 99 اوتوماتيك لمدة 6 سنين مفيش اي شكوى من الفتيس ما شاء الله.. واللي مجنني ..ان الهيونداي عليها اقبال شديد ..
طيب كلمت م.هاني 01060900088 اكيد هيقولك على المفيد

[hossam_elwani]

متابع معاكم ان شاء الله بالمفيد

[kbarema]

متابع وربنا يسترها معاك

[elwaa_2007]

سيدى الفاضل
بعد التحية
المشكلة موجودة بالفعل ببعض دفعات الالنترا وحلها بسيط جدا فى التوكيل يتم الكشف على حساسات الفتيس وتغيرة فى الضمان حساس انهبتور او حساس سلونيد
برجاء المتابعة مع التوكيل وسيتم عمل اللازم
وشكرا

[mummy_47]

سيدى الفاضل
بعد التحية
المشكلة موجودة بالفعل ببعض دفعات الالنترا وحلها بسيط جدا فى التوكيل يتم الكشف على حساسات الفتيس وتغيرة فى الضمان حساس انهبتور او حساس سلونيد
برجاء المتابعة مع التوكيل وسيتم عمل اللازم
وشكرا

يعني ينفع الكلام ده.....العميل هو اللي بيجرب العربية ويعرف مشكلتها ..يعني التوكيل مش بيكشف على العربية قبل ما يبيعها ...منتهى الاستهتار بالبشر...وارجع واقول احنا اللي نستاهل عشان احنا بنتعامل مع توكيل مش بيحنرم زباينه بدل ما نروح للتوكيلات النظيفة اللي بتحترم الناس ....
ودمتم