باركوللي بقييت النتراوي .....

[M.ABDEEN]

السلام عليكم
اخيرا وبعد حيرة ولف ومقارنات اشتريت النترا كوبيه بعد سلسلة التردد مابين النيو سيراتو والالنترا والكوبيه والفلوانس بس اللي حسم الموضوع الامكانيات برده المهم العربية اشتريتها من عند اباظه فرع التجمع ....ناس محترمة جدا جدا والعربية موديل 2013 انتاج شهر 6 او 9 2013 والسعر 160 الف بعد العرض اللي عامله غبور وطبعا بصراحة انا كان نفسي في حاجة سبور فتحة وجنوط و......الخ علشان كده المقارنة اخيرا رسيت للهيونداي وبرده عرفت ان 2014 ككوبيه لكيا وهيوانداي اسعارهم هتعدي ال 190 الف جنيه ... .
المهم انطباعي على العربية ما شاء الله ممتازة والعزل الداخلي رائع بس طبعا لسه مشديتش بيها بس العفشة ناشفة شوية علشان جنط 17 المهم يعني لسه برده هقيمها بالتفصيل واديكم انطباعي .....
بس السؤال هي هتحتاج تليين اول 1000كيلو وكمان اول صيانة بتكون عند قد ايه 1000 ولا 5000 ...

[Kareem.ElAraby]

مبروك عليك
الله يباركلك يها و يكفيك شرها
الفئه بتاعتك فيها abs ?
فيها كام اير باج ؟!

[M.ABDEEN]

فيها 2 ايرباج واي بي اس وسنسور بارك خلفي وبلوتوث وفتحة سقف ومثبت سرعة وطارة ملتي ومرايات ضم ومريات كهرباء وجنوط سبور 17 وسمارت كي وفرش جلد ....الله يبارك فيك وربنا يسترها علينا جميعا ....الفتيس جلد والطارة جلد متحركة والتابلوه من الداخل ومساند الابواب كروم فضي غامق

[moe gawad]

مبروك يا باشا, وانشاء الله تعالى ربنا يكفيك شرها و شر العين,,,,,
وانشاء الله تعالى محدش يشوفك فى المركز خالص , او نشوفك فقط للسلام علينا , لكن بعيداً كل البعد عن كافة الأعطال

[J A G U A R]

الف مبروك وربنا يباركلك فيها ومستنيين صور وتقرير ..
حاول اول 1000 كيلو متعديش ال 100 ومتقرصش عليها وصيانه 1000 كيلو انا بعتبرها مش مهمه اوى بس لو عاوز تروح روح هايربطولك عفشه وهايظبطو الهوا وهايغيرو زيت .

[S O P H O S]

الف مبروووك يا باشا
ربنا يبارك

[M.ABDEEN]

الله يخليكوا جميعا ....والحمد لله العربية زي الفل لكن التعليق بس اللافت للانتباه هو نشوفية العفشة بشكل واضح ومحسوس غير كده العربية الحمد لله كويسة وطبعا الباور الالكتروني واضح جدا وبيتحس مع زيادة السرعة .....برده حضراتكم مقولتولييش اول صيانة عند قد ايه واروحها فين وايه المكان الكويس

[تامر راغب]

مليووووووووون مبرووووك
وربنا يكفيك شر طريقها وشر
غباوة الآخرين

[mahmoud_afifi]

ماشاء الله. الف مبروك يا باشا وربنا يباركلك فيها
ماقولتلناش لونها ايه بقى :d

اول صيانة عند ال1000 كيلو. واعملها في فرع العبور لأنه اقرب حاجه من التجمع الخامس وكمان انضف فرع فيهم.

[M.ABDEEN]

شكرا ليكم جميعا واللون اسود

[devil_storm]

مبروك يا زعيم و بخصوص نشوفيه العفشه شيك علي ضغط العجل و اتاكد انه علي ٣٢

[Ahmed.Essam]

مبروك عليك العربية ربنا يحفظهالك ويكفيك شرها مستنيين تقرير عنها بالصور ان شاء الله :)

[M.ABDEEN]

الله يبارك فيكوا وفعلا ضغط الكاوتش مطلوب انه يكون 32 بس انا قلقت وخليته 30 مش عارف كده صح ولا ايه ولا ايه راي حضراتكم

[hossam_elwani]

الف مبروك عليك