اخرة الشد والحرق نصيحه

[megaman]

شباب حصلت معايه مشكله وعايز احكيهالكو علشان نستفيد عريبتى اكسنت 2009 ماشيه 152000 من ناحية الصيانه مفيش احسن من كده زيت تخليقر وقطع غيار اصلى وما بسيبش الهوا الا لما بعمله مشكلتى بقى الشد والحرق وعامل فيها شوماخر المحور واكتوبر كنت بحرق على الاول والتانى والتالت وما برحمش وكنت مشرف الاكسنت قوى مكنش فى 1600 بيعدى منى وفاكر ان دى بطوله المهم المكنه رزعت بدون مقدمات ال ايه الكرنك اتشرخ ولا اتكسر مما ادى حلوه مما ادى دي لتلف الموتور واشتريت واحد غيره استيراد 4500 غير المصنعيه والنثريات والذي منه ولسه بقى هوسة تسجيل الموتور فى المرور وهى دي اخرة قلة العقل والافترا بجهل وهى دي نصيحتى ليكم والحمد لله على كل شيء ولا ااراكم الله مكروها فى موتور عزيز عليكم وشكرا وسلام

[MOTOR HEAD]

عندى ليك سوال هو انت ليه مغيرتش الكرنك بس ؟

ثانيا انا معايا شاهين و نيو اكسنت

نيو اكسنت و العربيات اللى زيها مبتستحملش البهدله فنصيحه غيرها عشان اللى فى داء مش هيبطله (الشد)

و هات حاجه تستحمل

وربنا يعوض عليك

[mahmoud_ali]

ربنا يعوض عليك

[tameem2010]

الكوري مش للشد اول حاجة هيضرب طقم شنبر ده غير البساتم ممكن تشرخ والصبابات هتخشن ناهيك عن طقم الدبرياج اللى مع السلامه
الكوري عاوز حنيه في التعامل يعنى رجل حريمي
عاوز تحرق وتشد يبقى الاوربي تحديدا بيجو والالماني بكل انواعه والفولفو ديه عربيات للشد مش ببتتاثر
انما الكوري وخاصة اكسنت فيرنا النترا ريو سيراتو ديه عربيات الشنبر بتاعها خفيف لوحده مش حمل شد وحرق

[monamize4]

اللى فى داء مش هيبطله (الشد)

[J A G U A R]

ربنا يعوضك ان شاء الله

[monamize4]

شباب حصلت معايه مشكله وعايز احكيهالكو علشان نستفيد عريبتى اكسنت 2009 ماشيه 152000 من ناحية الصيانه مفيش احسن من كده زيت تخليقر وقطع غيار اصلى وما بسيبش الهوا الا لما بعمله مشكلتى بقى الشد والحرق وعامل فيها شوماخر المحور واكتوبر كنت بحرق على الاول والتانى والتالت وما برحمش وكنت مشرف الاكسنت قوى مكنش فى 1600 بيعدى منى وفاكر ان دى بطوله المهم المكنه رزعت بدون مقدمات ال ايه الكرنك اتشرخ ولا اتكسر مما ادى حلوه مما ادى دي لتلف الموتور واشتريت واحد غيره استيراد 4500 غير المصنعيه والنثريات والذي منه ولسه بقى هوسة تسجيل الموتور فى المرور وهى دي اخرة قلة العقل والافترا بجهل وهى دي نصيحتى ليكم والحمد لله على كل شيء ولا ااراكم الله مكروها فى موتور عزيز عليكم وشكرا وسلام

ربنا يكرمك و يجعل النصيحة دى فى ميزان حسناتك
شكلك يا باشا انسان ذكى و بتتعلم من اخطائك
و الحمد لله انك اتعلمت بعد ما دفعت ال 4500 جنية مش بعد ما ,,,,,,,,,,,,,,,,,,,,,

[megaman]

والله يا جماعه متشكر ليكم جدا على ردكم واهتمامكم وذوكم والحمد لله على كل شى وانشاء الله اللى فى داء يبطله لانه داء يعنى مرض زى السجاير كده الحمد لله بطلتها بعد 21 سنه تدخين هى نفس مده ادمانى للشد الواحد خلاص كبر ولازم يعقل ولا لا زم نتقرص الحمد لله مموتش نفسى او موت حد تلنى وجت على قد الفلوس وبالنسبه ليه مغيرتش كرنك بس لان البساتم والشميز تاثرو من كسر الكرنك وفعلا العربيات الكورى مش عربيات سبق ولا حرق انا مش راكب مرسيدس يا راجل ده اللى راكب مرسيدس مبيغملش كده بيبقو اعقل ناس فى سواقتهم ومحافظتهم على العربيه غاليه بقى وبتاع ولو مش عاجبك جسمى كفايه اسمى يعنى مش محتاجين يثبتو ان عربياتهم قويه وسريعه وشكرا لكل انسان محترم رد باحترام وربنا يديم الاخوه والمعروف

[كريم kok]

شباب حصلت معايه مشكله وعايز احكيهالكو علشان نستفيد عريبتى اكسنت 2009 ماشيه 152000 من ناحية الصيانه مفيش احسن من كده زيت تخليقر وقطع غيار اصلى وما بسيبش الهوا الا لما بعمله مشكلتى بقى الشد والحرق وعامل فيها شوماخر المحور واكتوبر كنت بحرق على الاول والتانى والتالت وما برحمش وكنت مشرف الاكسنت قوى مكنش فى 1600 بيعدى منى وفاكر ان دى بطوله المهم المكنه رزعت بدون مقدمات ال ايه الكرنك اتشرخ ولا اتكسر مما ادى حلوه مما ادى دي لتلف الموتور واشتريت واحد غيره استيراد 4500 غير المصنعيه والنثريات والذي منه ولسه بقى هوسة تسجيل الموتور فى المرور وهى دي اخرة قلة العقل والافترا بجهل وهى دي نصيحتى ليكم والحمد لله على كل شيء ولا ااراكم الله مكروها فى موتور عزيز عليكم وشكرا وسلام

ربنا يعوض عليك بس قولي كنت بتنقل علي الحرق علي اربي ام كم يعني

[S O P H O S]

ربنا يعوضك خير
وكلامك والنصيحة طبعا سليمة تماما

[megaman]

ربنا يعوض عليك بس قولي كنت بتنقل علي الحرق علي اربي ام كم يعني

كنت بنقل على 5.5 وساعات 6 المشكله انه اولانى تانى تالت رابع كله جايب اخر الموتور لما جبت اخره فعلا

[تامر راغب]

ربنا يعوض عليك ويكفيك الشر المستخبى

[كريم kok]

كنت بنقل على 5.5 وساعات 6 المشكله انه اولانى تانى تالت رابع كله جايب اخر الموتور لما جبت اخره فعلا

وﻻ يهمك فداك بس كتير جدا جدا جدا انك تنقل علي السرعات دي

[megaman]

يا باشا مابنقلش كده علطول ده لما واحد بيكوم بيجرى بعربيته ويحرق فبشد معاه وبالذات انا طريقى من مهندسين لاكتوبر يعنى فى مجال للجرى والشد وكمان فى محطات توقف اللى هى المطبات الصناعيه عند هايبر وبعد هايبر هو ده اللى كان بيخلينى اشد من الاول للرابع بس خلاص كده كفايه العادى بتاعى لوحدى كده محدش يسخنى ولا يشد بنقل على 3 -3.5 وساعات 2.5 يعنى فلى الشده شديد وفى الحنيه حنين شكرا

[fouaa]

انا بقى اكسنت 2010 لحد دلوقتى اربع مكنات وخمس فتايس هههههههههه ولسه