ايه سبب ان العربيه بتحتاج دوسه بنزين زياده في الطلعات

[alpoka779]

ايه سبب ان العربيه بتحتاج دوسه بنزين زياده في الطلعات -- بمعني كل اول طلعه

[amrelsaqqa]

هو مش لازم ولا حاجة انت ممكن تطلع بالدبرياج بس واحدة واحدة اوى وببطء ، لو الار بي ام مظبوط عندك العربية مش هتبطل بس لازم تطلع بالراحة ، انما كل ما كنت محتاج تطلع اسرع ( تسيب الدبرياج بعنف اكتر ) يبقى لازم تدوس بنزين اكتر عشان الموتور يتغلب على الحمل الفجائى بعزم كبير من غير ما يبطل

طبعا الطلعة بالدبرياج بس مش دايما بتبقى عملية لانها غالبا لازم تبقى بطيئة اوى ومش هتنفع لو محتاج انطلاقة سريعة شوية وفي نفس الوقت الطلعة السريعة او العنيفة زيادة عن اللزوم غلط برضه

فالطلعة العادية انك بتزود سنة بنزين خفيفة في نفس الوقت اللى بتسيب فيه دبرياج ، لحد ما الاسطوانة تلقط ، تثبت نص ثانية وبعدين تشيل رجلك عادى ويبقى كدة العربية طلعت وتكمل بالبنزين زي ما انت عاوز

يعنى من الاخر مقدار دوسة البنزين مرتبط بسرعة رفع رجلك من على الدبرياج والحمل الاضافى اللى ع العربية ( مطلع مثلا)

[enghany]

ايه سبب ان العربيه بتحتاج دوسه بنزين زياده في الطلعات -- بمعني كل اول طلعه

الزميل الفاضل
اعتقد ان حضرتك محتاج تضبط فصل الدبرياج هتلاقيه عالي عندك وطيه الفصل هيظبط نعالك و السحب هيتحسن

[alpoka779]

الزميل الفاضل
اعتقد ان حضرتك محتاج تضبط فصل الدبرياج هتلاقيه عالي عندك وطيه الفصل هيظبط نعالك و السحب هيتحسن

فعلا انا بعد تغيير طقم الدبرياج البدال بقي عالي وكمان كانت بتسحب بدون مدوس بنزين دلوقتي لازم اضعط بنزين

[enghany]

فعلا انا بعد تغيير طقم الدبرياج البدال بقي عالي وكمان كانت بتسحب بدون مدوس بنزين دلوقتي لازم اضعط بنزين

زي مابقول لحضرتك وطي الدبرياج و هتلاقيها ظبطت

[alpoka779]

طيب انا ممكن اوطيه بنفسي -- فيرنا

[windofchange]

خليه زي وضع الفابريكة وضع المصنع لان تعليه اوي او توطيه اوي اعتقد غلط وبيهلك طقم الدبرياج بسرعة

[abogoda]

فعلا عندك مشكلة في البرياج انت راكب فيرنا يعني مجرد ما تديها الاول وترفع رجلك عن الدبرياج هتجري لوحدها

[enghany]

طيب انا ممكن اوطيه بنفسي -- فيرنا

لا لازم ميكانيكي هيوطيه من تحت رجلك عند الماستر بتاع الدبرياج باضبط نص دقيقه

[alpoka779]

لا لازم ميكانيكي هيوطيه من تحت رجلك عند الماستر بتاع الدبرياج باضبط نص دقيقه

تمام كده يبقي ميكانيكي