عاوز اشغل مراوح التبريد قبل ميعادها

[alpoka779]

بمعني انها لو بتشتغل عند 90 تبقي 80

[enghany]

بمعني انها لو بتشتغل عند 90 تبقي 80

اتصدق ان انا عمري ماتسالت سؤال ده ؟

ازاي هتعمل كده و بعدين هو حضرتك فاكر ان التبريد الزياده ده مفيد للسياره؟؟؟؟؟؟

[ayam7]

فيه ساعات حرارة بتشتغل على درجات حرارة أقل من 90 محتاج تسأل بتوع قطع الغيار ولازم الساعة اللى هتركب تكون تنفع تركب فى نفس مكان القديمة

[ضى القمر]

جديدة
دى

[enghany]

فيه ساعات حرارة بتشتغل على درجات حرارة أقل من 90 محتاج تسأل بتوع قطع الغيار ولازم الساعة اللى هتركب تكون تنفع تركب فى نفس مكان القديمة

حضرتك دي في العربيلت القديمه اللي بيكون ترموستات المروحه متثبت في الرداتير

[aw2100]

حرام انك تشغل المراوح على درجه حرارة اقل من ال90 علشان ترموستات الكوعة حتفضل قافلة علشان تسخن الموتور والنتيجة ان المراوح عندك مش حتفصل وتفضل شغاله مباشر وده حمل على الدينامو وموتور المروحه نفسة وحيقصر عمرها نظام التبريد فى اى عربية مصمم على تثبيت درجة الحرارة على 90 ودى الحرارة المثالية ولو عربيتك بتسخن ممكن تغير الرادياتير او مية التبريد لكن مانصحكش تلعب فى نظام التبريد وبراحتك !!

[moe gawad]

هو فيه حساس حراره بيفتح المروحه بدرى اسمه حساس 80. بس اصلا ده غلط جدا. هو صحيح مش هايعمل مشكله وقتيه للموتور. لكن بعد مراجعة الابحاث التى تتعلق بهذه المشكله على الانترنت . ( لو تحب ابعاتلك لينكات) مع الامد الطويل هاتسبب مشاكل بغرف مياه وش السلندر . بسبب عدم اكتمال سخونية المياه داخلها ووصولها لدرجة الحراره المطلوبه وهى 90.1 . وعندها المروحه بتشتغل لحد ما توصل ل 89 تفصل وهاكذا
هو انت ايه سبب انك عاوزها تفتح بدرى

[alpoka779]

السبب اني مره فتحت الردياتير لقيت قبل متشتغل المروحه بثواني الميه تطلع بره بحس ان في غليان -- ففكرت ان المراوح تشتغل بدري شويه

[enghany]

لا تعليق

[moe gawad]

يعنى درجة الحراره وصلت ل 90 . وحسيت انى فيه غليان
طيب فين المشكله

[alpoka779]

يعنى درجة الحراره وصلت ل 90 . وحسيت انى فيه غليان
طيب فين المشكله

يعني كده طبيعي

[Ahmed Saad]

طبعا الطبيعي 90 درجه لان الشركه عايزه كده يبقي ده الصح واي حاجه غير كده غلط وعلي قكره العربيات اللي عندتا مصممه لدول الشرق الاوسط فبتناسب درجه الحراره بتاعتنا فمتخافش وبالنسبه لموضوع الفوران ده اكيد ححضرتك كنت حاطط ميه عاديه او ميه خضرا مضروبه فبتغلي اما الميه الخضرا الاصلي مش بتغلي خالص في العربيه

[aw2100]

السبب اني مره فتحت الردياتير لقيت قبل متشتغل المروحه بثواني الميه تطلع بره بحس ان في غليان -- ففكرت ان المراوح تشتغل بدري شويه

كده يبقى العيب عندك فى مية التبريد قديمة وبايظة او نوعها مضروب وده اللى بيخليها تغلى ممكن تستعمل مية توتال ال4 لتر ب70 جنية ولونها برتقالى تركيز 33% 10/10 ونزل المية اللى فى العربية !!

[alpoka779]

صح جدا ديه كانت ميه من (طرمبه) مياه جوفيه هههههههه