طلب مساعده بخصوص موتور هيونداى أكسيل 94

[Eng.safwat]

الحقيقه أنا مليش خبره فى العربيات ولسه متعلم جديد وأشتريت عربيه من حوالى 3 شهور هيونداى أكسيل موديل 94 والحقيقه انى أنضحك عليا فيها نتيجه لعدم خبرتى وثقتى فى احد الأشخاص اللى ساعدنى فى شرائها ومن أول ما اشتريتها وانا بأصرف عليها ولحد دلوقتى صرفت 6000 جنيه و اخر حاجه عملتها كانت من أسبوع وهى كانت نص عمره للموتور (شنبر ) وبرضوا الموتور جاب طحينه والميكانيكى بيقولى انها كده عايزه موتور فأرجوا منكم أنكم تدلونى على مكان كويس أشترى منه موتور 1500 وياترى سعره كام ؟
شكرا وأسف للإطاله عليكم

[moe gawad]

على الجعفرى فى اخر شارع المرسيدس فى الحرفيين من ناحية جمال عبد الناصر
السعر مش متاكد منه بس مش غالى اوى. بس عموما الميكانيكى قالك ايه على الموتور. روح عند حد متخصص يكشفلك عليه. انك تعمر موتورك احسن . بس المهم انى حد فاهم اللى يعمرهولك

[haissam24h]

الماتور فى حدود 3000 ج

ولو ماتورك سليم لما يفك والشمايز سليمه عمرة اهم حاجه يكون مكانيكى محترم

[omaranes77]

طب باشا في مكانيكي معرفة كان بيزبطلي الاكسل ايام ما كانت معايا لو حضرتك عايزو اقولو لحضرتك

[sayed2077]

حضرتك انا متوافر عندى ماتور اكسيل 1500 سى سى ب 3000 ومتوافر عندى فتيس ب 900 ومتوافر عندى الماتور بالفتيس ب 4000 ده رقمى 01007490168

مع العلم انا سيد عصام ادمن جروب Hyndai Excel على الفيس بوك وممكن حضرتك تدخل تشوف الجروب وتشوف باقى اسعار قطع الغيار الاستيراد لهيونداى اكسيل

وده رابط الجروب على الفيس بوك

https://www.facebook.com/groups/HyundaiExcel/