تغيير أطارات الألنترا md - أي نوع أفضل ؟؟

[Samir Elshahawy]

الاخوة الكرام / مالكي سيارات هيونداي ألنترا md

أسعد الله يومكم بكل الخير ...

يمكن الموضوع مش جديد و لكنه يهم مالكي الالنترا md تحديدا و هو تغيير أطارات الألنترا md
بنوع أخر بديل

الاطارات الموجودة بالالنترا md هي من أنتاج شركة هانكوك الكورية و مواصفات الاطار كالتالي :

Kinergy eco K425
Size : 195/65/R15 H91

أهم خصائص هذا الاطار :
1. الكبح علي الاراضي الجافة : 7.8 / 10
2. الكبح علي الاراضي الرطبة : 7.1 / 10
3. القيادة علي الاراضي الرطبة : 7.5 / 10
4. الانزلاق المائي : 9.0 / 10
5. الثبات علي الطريق : 8.8 / 10
6. امتصاص العوارض : 7.2 / 10
7. الضوضاء : 6.6 / 10
8. طول العمر : 5.9 / 10
9. توفير الوقود : 6.7 / 10

هذا هو التقييم الحاصل عليه هذا الاطار من بعض النشرات المتخصصة و طبقا لبعض القياسات الاوروبية و لكن بالنسبة لي و من خلال أستخدام لمسافة تزيد عن ال 57,000 كم في مدة تراوحت السنتين و النصف تقريبا و بمقارنته بالبريدجستون البوتنزا أو التورانزا اللذان كانا متوفران لدي في السيارات السابقة و علي نفس الطرق و نفس ظروف القيادة :
1- الكبح علي الاراضي الجافة : جيد جدا
2- الكبح علي الاراضي الرطبة : جيد جدا
3- القيادة علي الاراضي الرطبة : جيد جدا
4- الثبات علي الطريق : جيد جدا
5- أمتصاص الصدمات : جيد و لكنه أقل بقليل من التورانزا و البوتنزا
6- الضوضاء : مزعج مثل البوتنزا
7- طول العمر و معدل التأكل : جيد جدا و بصراحة هو يكمل معايا كمان مابعد ال 60,000 كم و لكني أرغب في تغييره للأمان
8- توفير الوقود : جيد جدا

بأختصار هذا الاطار أرتحت له بالرغم من عيوبه الظاهرة في الضوضاء و لكنه مميز في الثبات و الاداء علي الطرق السريعة في مختلف الظروف و أخشي من تغييره بنوع أخر لايحقق هذا الاداء لسيارتي الالنترا

المشكلة أن هذا الاطار غير متوافر بالسوق و لا حتي لدي الوكيل (هانكوك بمصر) لذا فأنا ابحث عن البديل المناسب الذي يحقق نفس معدلات الاداء أن لم تكن أكثر و أميل حقيقة الي البريدجستون

لذا فقررت ان أشرككم معي في البحث و التفكير لأنه لاخاب من أستشار و في نفس الوقت سيكون البحث فرصة لباقي الاعضاء مالكي نفس السيارة كي تتوافر لهم المعلومة عند الرغبة في التغيير

أرجو فقط من الاخوة المشاركين عند المقارنة أو أقتراح نوع أطار أخر كتابة مواصفاته و معدلات أدائه كما سبق و ذكرت في أطار الهانكوك أعلاه

[MR A7MED]

انا عندى نفس الكاوتش فى الألنترا 2014 وفعلا صوته مزعج
واعتقد البريدجستون افضل
سؤال بسيط هو العمر الفتراضى للأطار ده كام كيلو ؟
انا بفكر اغيره ان شاء الله على 40 الف كيلو بناء على نصيحه شخص مقرب لى وهاجنط 16 ان شاء الله

تحياتى لحضرتك

[Samir Elshahawy]

انا عندى نفس الكاوتش فى الألنترا 2014 وفعلا صوته مزعج
واعتقد البريدجستون افضل
سؤال بسيط هو العمر الفتراضى للأطار ده كام كيلو ؟
انا بفكر اغيره ان شاء الله على 40 الف كيلو بناء على نصيحه شخص مقرب لى وهاجنط 16 ان شاء الله

تحياتى لحضرتك

المفروض يتغير علي 40,000 كم (يعني 4 مرات تدوير) أو 3 سنوات أيهما أقرب
أو علي حسب نسبة التأكل للأطار أو لو حصل فيه اي عيب مثل التشققات

نصيحتي لك تعمل تدوير للاطارات كل 10,000 كم كما هو موصي به في الكتالوج (الكتالوج كل 12,000 كم) و تكشف عليه كشف دوري كل شهر عند مركز خدمة أطارات

[A.Saad]

هانكوك اتنقل توكيلها لغطاطى
الوكيل السابق
مصر للتجارة العالمية
الدقى
33356420

جرب تسألهم باشمهندس سمير ممكن تلاقى عندهم

[ibnmoaz]

http://www.nilemotors.net/Nile/396952-md.htmlساء الخير يا سمير بيك .... انا كنت تواصلت مع حضرتك بخصوص الموضوع ده قبل كده ياريت تراجع الموضوع

[Samir Elshahawy]

http://www.nilemotors.net/Nile/396952-md.htmlساء الخير يا سمير بيك .... انا كنت تواصلت مع حضرتك بخصوص الموضوع ده قبل كده ياريت تراجع الموضوع

متشكر جدا لحضرتك
انا أتصلت به بالفعل النهاردة و قال لي أن الكاوتش عنده ب 500 جنيه للفردة
أن شاء الله هأروح له و اتأكد منه

بالمناسبة لينك الموضوع المظبوط :

http://www.nilemotors.net/Nile/396952-md.html

[svneleven]

أنا كنت غيرت الهانكوك علي 10000كم ل بيريللي P7 Cinturato و كان الصراحة حاجة تاني خالص و كنت جبت مقاس 215/55R16 بدل ال 205/55R16 و الصراحة كان جميل جدا و ريح العربية قوي و ما حستش بفرق في الثبات. غطاطي وكيل ل بيريللي بردو لكن أنا كنت جبته من السعودية.

[Mohab555]

قول واحد مع احترامى للهانكوك ... احسن اختيارات موجوده هم :
1- كونتننتال ContiProContactالمانى ..
2- بردجستون تورنزا GR90 فرده رائعه يابانى
3- يوكاهاما c drive يابانى

عن تجربه بعد الهانكوك و الكومهو فى عربيات كتير لا وجه للمقارنة

[Samir Elshahawy]

قول واحد مع احترامى للهانكوك ... احسن اختيارات موجوده هم :
1- كونتننتال contiprocontactالمانى ..
2- بردجستون تورنزا gr90 فرده رائعه يابانى
3- يوكاهاما c drive يابانى

عن تجربه بعد الهانكوك و الكومهو فى عربيات كتير لا وجه للمقارنة

حضرتك ذكرت أنواع أخري من الاطارات كبديل للهانكوك kinergy eco k425
ياريت حضرتك تقول لي أحسن من الهانكوك في أيه بالارقام مثلما ذكرت أنا في أول الموضوع
علشان أقدر أحكم و أخد قرار نهائي

و شكرا لك علي مشاركتك

يا جماعة الخير ...

البريدجستون التورانزا أو البوتنزا أنا شخصيا جربتهما من قبل في الكورولا و الياريس و لكن بعض الاخوة هنا أشتكوا من التورانزا في الالنترا و قالوا أن العربية اصبحت انشف

في أعتقادي أن الاطار قد يكون جميل جدا لعربية و غير مناسب لعربية أخري

[mahmoud_afifi]

الTuranza GR90 جميل جدااا و معمر. جربته في عربيه سيراتو والكاوتش عامل فوق ال60 الف كيلو واداءه زي الجديد ماشاء الله

[Samir Elshahawy]

الturanza gr90 جميل جدااا و معمر. جربته في عربيه سيراتو والكاوتش عامل فوق ال60 الف كيلو واداءه زي الجديد ماشاء الله

برضه الهانكوك اللي راكب عندي في الالنترا عامل قرابة ال 60,000 كم و حالته و أدائه كالجديد و معدل تأكله أقل من 15 %

و بالمناسبة البريدجستون البوتنزا عمل معايا 70,000 كم و لم تتغير حالته أو أدائه

و لكني أخشي من تغير الاداء العام للسيارة بعد تغيير الكاوتش حتي لو كان ماركة شهيرة مثل الميشلان أو الكونتيننتال أو غيرهما

العبرة ليست في الماركة أو الاسم بقدر ماهي بتوافر المواصفات الموضوعة وفقا لكل سيارة
حاجة كمان مهمة ..
كل نوع من الاطارات (الكينيرجي أيكو في الهانكوك علي سبيل المثال) له بديل مماثل له في المواصفات و الاداء بماركة أخري و هذا هو ما أقصده من الموضوع

[mahmoud_afifi]

برضه الهانكوك اللي راكب عندي في الالنترا عامل قرابة ال 60,000 كم و حالته و أدائه كالجديد و معدل تأكله أقل من 15 %

و بالمناسبة البريدجستون البوتنزا عمل معايا 70,000 كم و لم تتغير حالته أو أدائه

و لكني أخشي من تغير الاداء العام للسيارة بعد تغيير الكاوتش حتي لو كان ماركة شهيرة مثل الميشلان أو الكونتيننتال أو غيرهما

العبرة ليست في الماركة أو الاسم بقدر ماهي بتوافر المواصفات الموضوعة وفقا لكل سيارة
حاجة كمان مهمة ..
كل نوع من الاطارات (الكينيرجي أيكو في الهانكوك علي سبيل المثال) له بديل مماثل له في المواصفات و الاداء بماركة أخري و هذا هو ما أقصده من الموضوع

فاهم قصدك و النوع ده انا جربته عشان كده بقولك عليه. انما مش هرشحه عشان اسمه انما هو فعلا رائع
واداء العربيه مش بس هيبقى نفسه انما هيتحسن و صوت الكاوتش مش مسموع.

سؤال على جنب. مش انت كنت ناوي تجنط لما تيجي تغير الكاوتش ؟

[Samir Elshahawy]

فاهم قصدك و النوع ده انا جربته عشان كده بقولك عليه. انما مش هرشحه عشان اسمه انما هو فعلا رائع
واداء العربيه مش بس هيبقى نفسه انما هيتحسن و صوت الكاوتش مش مسموع.

سؤال على جنب. مش انت كنت ناوي تجنط لما تيجي تغير الكاوتش ؟

بس أفتكر أن الكفراوي كان ركب التورانزا نفس النوع و قال أن العربية بقت أنشف
عموما هاحط كلامك برضه في الاعتبار و هأسأل عليه في بريدجستون

بصراحة موضوع التجنيط مش دلوقتي لأني مش جاهز له ماديا , كمان مش لاقي شكل الجنط اللي في مزاجي
نفسي في الجنط الجديد اللي نازل في الفيس ليفت

[mahmoud_afifi]

بس أفتكر أن الكفراوي كان ركب التورانزا نفس النوع و قال أن العربية بقت أنشف
عموما هاحط كلامك برضه في الاعتبار و هأسأل عليه في بريدجستون

بصراحة موضوع التجنيط مش دلوقتي لأني مش جاهز له ماديا , كمان مش لاقي شكل الجنط اللي في مزاجي
نفسي في الجنط الجديد اللي نازل في الفيس ليفت

هو جرب النوع ده بعد الكومهو بتاع الفبريكا ؟ بتاع الفبريكا كان ناعم فعلا ومريح بس في الفرامل كان زفت.

جنط الفيس ليفت لسه بدري عبال ما تلاقيه متوفر :d
بالتوفيق يا كبير

[MohamedSamy06]

السلام عليكم
انا غيرت الكومهو بعد 50 الف في عربيتي md وكانت حالته سيئه جدا ومشقق (خصوصا من الداخل لان شكل الاطار كان سليم من الخارج) وعندى تجربه معاه ان فرده منهم ضربت فجأه وانا ماشى بدون اى مقدمات وغالبا مدوستش على اى حاجه .. ومكنتش مرتاح اطلاقا مع النوع دا

المهم انا اشتريت البريدجستون السوبر سيلنت gr 90 والنوع دا بالنسبه ليا حكايه
الصوت اقل بكتير جدا من السابقه
القياده على الطرق الجافه والثبات تحفه
الفرامل سواء على ارض جافه او رطبه ممتاز جدا عن تجارب (انا من هواه الجرى السريع كمان)
محستش خالص ان العربيه بقت ناشفه زى ما حضرتك بتقول ان زميل عزيز ذكر مع كامل احترامى طبعا لرايه

بصراحه انا عندى حساس عالى بالثقه وانا بجرى بالنوع دا حتى لو سرحت وفرملت هتحس بالعربيه هتفرق كتير

احيرا انا بعت رشاله على ميل حضرتك المسجل هنا برجاء الاطلاع عليها :)