Tweet
حادثة ( فيرنا - فيفا ) وش في وش
السلام عليكم ورحمه الله وبركاتة
صديقين من أصدقائي حصلهم حادثة العربيتين [overline]فيرنا - فيفا [/overline][overline][/overline]
وش في وش
طبعا في واحد منهم كان ماشي مخالف( الفيفا ) وفجأة ظهرله واحد من وراه ايضا مخالف وبيسابقة علي طريق سريع وضيق لا يسع الا سيارتين
ومكنش شايف اللي جاي في طريقة الصح ( الفيرنا )
ولحسن حظة ان كان في فتحة في الرصيف فعرف يهرب للطريق العدل
والعربيتين خبطوا وش في وش وطلع هوا منها زي الشعرة م العجينة
طبعا صديقي بتاع الفيرنا لما شاف المنظر وقف يستني قدرة وكان علي يمينة رصيف عالي وجمب الرصيف ترعة
صديقي الاخر بتاع الفيفا ضرب فرامل قبل الاصطدام بحوالي 20 متر ، طبعا العربية كانت معدية ال 80 كم / س فخبط وش في وش
العربية الفيرنا طلعت علي نص الرصيف الموازي للترعة بالملي ورجعت للخلف حوالي 15 متر
صديقي صاحب الفيرنا كان معاه ركاب في الكرسي الخلفي ( ام وبنتها الصغيرة ) الام اتخبطت في البربريز الامامي والبنت اتحدفت بس صديقي لحقها قبل ما تخبط في البربريز الامامي واخد هو الخبطة كلها في صدرة ورأسة في الزجاج وركبتة اتخيطت واشتباه بشرخ في عظام القدم
صديقي صاحب الفيفا حالتة صعبة اوي شفاه الله وعافاه
وحالتة غير مستقرة وتم سفرة الي المنصورة
الخسائر في السيارات
كل سيارة هتحتاج نصف امامي كامل بالفتيس بالموتور بكل شئ ( عفشة وكاوتش وكبالن ) الغرفة كلها عموما
اسأل الله العظيم رب العرش العظيم ان يشفيهم
كم تكلفة النصف الامامي كامل لكل من العربيتين
قدر الله وماشاء فعل
واسألكم الدعاء لهم ولي
ولا اراكم الله مكروه في عزيز لديكم
والسلام عليكم ورحمه الله وبركاتة
Comment