فيرنا فيفا 2008 ولا فيرنا مصري 2008

[Omar2017]

السلام عليكم يا فيرناوية انا معايا لانوس 1 و عايز ابيعها علشان مسافر و المدام اللي هتركبها و انا عايز اجيب عربية كويسة يكون سعرها حنين لقيت دول افضل خيارين قدامي و في كلا الحالتين هتبقى كاملة مانيوال
ياريت مقارنة كاملة في كل حاجة لأن انا برة هركبها
شكرا

[ibrahimsaad]

هى الفيرنا عربيه حلوه وجميله لكن عيبها الوحيد والقاتل ان فراملها وحشه جدا وده السبب اللى خلانى ابيعها ونصيحه منى لو هتجيب قدامك خيار تانى بنفس السعر بل اقل كمان وفيها امكانيات افضل وفرامل اى بى اس وايرباج وكل اللى تتمناه وواخده 4 من 5 فى سلامه الركاب فى اختبار ايرو ان سى كاب
هات امجراند 7 افضل ب 84 الف كامله مانيوال

[Ahmed_m7md_A5]

هى الفيرنا عربيه حلوه وجميله لكن عيبها الوحيد والقاتل ان فراملها وحشه جدا وده السبب اللى خلانى ابيعها ونصيحه منى لو هتجيب قدامك خيار تانى بنفس السعر بل اقل كمان وفيها امكانيات افضل وفرامل اى بى اس وايرباج وكل اللى تتمناه وواخده 4 من 5 فى سلامه الركاب فى اختبار ايرو ان سى كاب
هات امجراند 7 افضل ب 84 الف كامله مانيوال

بلاش امجراند قسم جيلى بتاعها خربان بلاوى من العربية دى

[Omar2017]

لاانا معيش غير 55 يا دكتور ابراهيم

[ibrahimsaad]

لاانا معيش غير 55 يا دكتور ابراهيم

بس الفيرنا كامله مانوال باكثر من كده تقريبا حاجه وثمانين

مفيش قدامك بقى غير حاجه موديلات 2008-2010

انا بفضل المصرى لان سمعت ان الفيفا فيها صدى

[J A G U A R]

الفيرنا المصرى افضل كفايه الانتشار

[hugan]

الفيرنا المصرى افضل كفايه الانتشار

كلام سليم

[Omar2017]

مش بالانتشار يا استاذ j a g u a r انا عايز عربية ذات نفسها

[S O P H O S]

الفيرنا المصري

[Omar2017]

فيرنا فيفا is better

[hugan]

فيرنا فيفا is better

ازي يعني

[J A G U A R]

فيرنا فيفا is better

ده الحاجه العدله اللى فى الفيرنا ماتورها .. فى الفيفا بقى 1500 cc و 95 حصان يعنى فى الضياع ده غير الشكل التعبان

[A_A_ELAZIZ]

السلام عليكم ورحمة الله وبركاته
انا هدي حضرتك راي وخصوصا انى من ملاك الفيفا ووالدى يمتلك سيارة فيرنا اتوماتيك
مميزات الفيفا :-
1- جودة التقفيل الهندي من حيث الأبواب والسقف .
2- صوت ماتور هادي حتى سرعة 130 كم يبدأ صوت الماتور في العلو بعد ذلك لإرتفاع عدد لفات المحرك .
3- اتزان عالى على السرعات العالية بعد 120 كم
4- لون تابلوه انيق جدا حيث ان لون التابلوه بيج .
5- كاسيت اصلى هيونداي وسماعات امامية اصليه .
6- فرامل ممتازه جدا جدا بمجرد لمسه خفيفة العربية بتقف
7- عفشة قويه وممتازة بجانب جودة تعليق السيارة
8- شكمان السيارة مرفوع ولا يحك في المطبات .
9- استهلاك بنزين معقول بدون استخدام التكيف .
اما بالنسبة لعيوب الفيفا :-
1- ارتفاع اسعار قطع الغيار التى لاتسخدم إلا في الفيفا مثل الإكصدام الأمامى والخلفى - الفوانيس -....إلخ
2- السيارة gls تفتقر إلى جهاز انذار ووحدة رفع واريال كهرباء.
3- كاسيت السيارة شرائط وليس سي دي
4- مجموعة زراير الزجاج الكهربي لا توجد بها لمبة .
مميزات الفيرنا المصري :-
1- السيارة منتشرة انتشار سريع وقوى
2- سعر إعادة البيع اعلى من نظيرتها الفيفا
3- توفر قطع الغيار وتوفر عدد الميكانيكين الملمين بها .
4- ماتور قوي 1600 سي سي .
5- السيارة بها حهاذ انذار وسنتر وكاسيت سي دي
عيوب الفيرنا لمصري :-
1- السيارة غير متزنة بالمرة على السرعات العالية بعد 120 كم
2- فرامل السيارة ليست بجودة وكفاءة الفيفا بتاتا وهذا اكبر عيب بالسيارة بل يكاد هو العيب لبرئيسي بها
3- سوء التقفيل المصري ثل ظهور بنط اللحام -سماع صوت تزييق في ابواب السيارة .
4- لون التابلوه الرمادى (طبعا ديه اذواق)
5- شكمان يتأرجع عمري ماشفت فيرنا شكمانها ماسك نفسه
6- عفشة السيارة قوية ولكنها ليست كعفشة الفيفا
7- جهاز الإنذار بيعلق مع شنطة السيارة
اتمنى انى اكون وفقت في المقارنة وخلاصة القول
جودة التقفيل يبقى فيفا
جودة الماتور يبقى فيرنا
انا كنت زيك كده في الأول وصليت استخارة وربنا هدانى للفيفا وصدقنى المقارنة ديه والله مفترتش حاجة على اي من العربيتين حيث انى بركب العربيتين بصفة دائمة واسف على الإطاله

[tifa2015]

الفيرنا المصرى افضل والمبلغ يجيبلك حاجه محترمة جدا وحالتها كويسه

[nezamy]

الفيرنا فيفا بدون تفكير
موافق على المقارنه اللى فوق وارشح الفيفا بشده خاصة انى كان عندى عربيتين فيرنا مصرى وواحده فيفا
التقفيل بتاع الفيفا احسن 7000 مره وكذلك استهلاك البنزين وقطع الغيار بتاعة الموتور هى نفسها بتاعه اكسنت 1500

من وجهة نظرى المتواضعه الفيفا احسن مليون مره ما عدا افوانيس والأكصدامات لأنها كقطع غيار اغلى شويه