اشتريت فيرنا 2012

[nenoo418]

بسم الله الرحمن الرحيم

الحمد لله ربنا اكرمنى وجبت فيرنا 2012 مستعملة استعمال خفيف من اسبوع من زميلى فى الشغل
العربية عاملة 40 الف كيلو وبصراحة العربية حلوة وجرايا بس بحاول اخلى بالى فى موضوع الجرى ده
خصوصاً انى اول مرة اسوق وبرضو عشان فى مرة حاولت اقرص بيها واعدى سرعة ال100
لقيتها بتترقص بيا وبتقولى لو جدع زود عن كده
وده غير ان فى ناس حذرتنى ان المفاجئ بتاع الفيرنا وحش وانها مش بتلم نفسها بسرعة لو قابلتك حاجة فجأة وانت ماشى عادى.
عموماً ربنا يسترها عليا وعليكو ويكفينا شر الطرق
انا عاوزكو تقبلونى واحد من اسرة الفيرنا وخصوصا دى اول عربية ليا , واول عربية ذى مانتو عارفين بيبقى ليها فرحتها

[Omar Mahmoud]

الف مبروك.ربنا يباركلك فيها و يكفيك شرها

[mummy_47]

الف مبروك...ربنا يكفيك شرها ويديك خيرها.....انا اول عربية جربت فرحتها...كنت عامل زي العبيط بالظبط وعايز ابات فيها او احطها جنبي في السرير..ولما بركنها كنت افضل اتلفت ورايا احسن حد يخربشها واو يحط ايده عليها يوسخها ....هههههههههههه

[tameem2010]

ربنا يبارك لك فيها ويكفيك شرها بس بخصوص الفرامل اولا حافظ على مسافة امان بينك وبين العربيه اللى ادامك بلاش شغل انك تلزق في العربيه اللى ادامك لانه مع الفيرنا هيوديك المولد
ثانيا الفرامل تكون من غير دبرياج يعنى تدوس على الفرامل بدون دبرياج ومتستخدمش الدبرياج الا لما العربيه تقرب تقف تماما عشان تستفيد engine break
الاهم بقى لما تدوس فرامل دوس بقوة وببطء على الفرامل يعنى تكبس جامد على الفرمله من غير ما تعمل انغلاق كامل تنزل بالتدريج على الدواسه وبقوة في نفس الوقت
كده هتلاقي الفرامل افضل ما يكون باذن الله
من واحد فيرناوي زميل !!!

[S O P H O S]

مبروك يا باشا
والفيرنا مش عاوزة جري بلا داعي

[mshmshm3]

ربنا يباركلك فيها و يكفيك شرها
بلاش جري لا بفيرنا ولا اي حاجة تانية
ببساطة لان الطرق غير ممهدة لكدة و الطرق اللي المفروض قال يعني انها طرق ممهدة تعد علي اصابع اليد
غير كدة ممكن تلاقي اي مفاجأة ساعتها مش هاتعرف تلحق نفسك لو ماشي بسرعة اوي

[verna2008auto]

بسم الله الرحمن الرحيم

الحمد لله ربنا اكرمنى وجبت فيرنا 2012 مستعملة استعمال خفيف من اسبوع من زميلى فى الشغل
العربية عاملة 40 الف كيلو وبصراحة العربية حلوة وجرايا بس بحاول اخلى بالى فى موضوع الجرى ده
خصوصاً انى اول مرة اسوق وبرضو عشان فى مرة حاولت اقرص بيها واعدى سرعة ال100
لقيتها بتترقص بيا وبتقولى لو جدع زود عن كده
وده غير ان فى ناس حذرتنى ان المفاجئ بتاع الفيرنا وحش وانها مش بتلم نفسها بسرعة لو قابلتك حاجة فجأة وانت ماشى عادى.
عموماً ربنا يسترها عليا وعليكم ويكفينا شر الطرق
انا عاوزكو تقبلونى واحد من اسرة الفيرنا وخصوصا دى اول عربية ليا , واول عربية ذى مانتو عارفين بيبقى ليها فرحتها

الف مبروكل .. وبالمناسبه السعيده دي ..
ادعوك للانضمام لرابطه الفيرناويه

http://www.nilemotors.net/Nile/363842-a.html

[nenoo418]

الف مبروك...ربنا يكفيك شرها ويديك خيرها.....انا اول عربية جربت فرحتها...كنت عامل زي العبيط بالظبط وعايز ابات فيها او احطها جنبي في السرير..ولما بركنها كنت افضل اتلفت ورايا احسن حد يخربشها واو يحط ايده عليها يوسخها ....هههههههههههه

الله يبارك فيك ياباشا بس هو واضح ان الاحساس ده بيبقى واحد ههههههههههه

[nenoo418]

ربنا يبارك لك فيها ويكفيك شرها بس بخصوص الفرامل اولا حافظ على مسافة امان بينك وبين العربيه اللى ادامك بلاش شغل انك تلزق في العربيه اللى ادامك لانه مع الفيرنا هيوديك المولد
ثانيا الفرامل تكون من غير دبرياج يعنى تدوس على الفرامل بدون دبرياج ومتستخدمش الدبرياج الا لما العربيه تقرب تقف تماما عشان تستفيد engine break
الاهم بقى لما تدوس فرامل دوس بقوة وببطء على الفرامل يعنى تكبس جامد على الفرمله من غير ما تعمل انغلاق كامل تنزل بالتدريج على الدواسه وبقوة في نفس الوقت
كده هتلاقي الفرامل افضل ما يكون باذن الله
من واحد فيرناوي زميل !!!

الله يبارك فيك ياباشا وعلى فكرة انا استفدت من نصيحة الفرامل قوى لأنى مكنتش بعملها وكنت بدوس الدبرياج عمال على بطال

[J A G U A R]

الف مبروك

[nenoo418]

ربنا يباركلك فيها و يكفيك شرها
بلاش جري لا بفيرنا ولا اي حاجة تانية
ببساطة لان الطرق غير ممهدة لكدة و الطرق اللي المفروض قال يعني انها طرق ممهدة تعد علي اصابع اليد
غير كدة ممكن تلاقي اي مفاجأة ساعتها مش هاتعرف تلحق نفسك لو ماشي بسرعة اوي

ويبارك فيك ويسترها علينا كلنا ويكفينا شر الطرق
وانا عموما اخدت عهد على نفسى انى مش هاعدى سرعة ال90 جوه القاهرة ده اساساً لو عرفت اوصلها بسبب الزحمة الغريبة اللى البلد فيها

[nenoo418]

الف مبروكل .. وبالمناسبه السعيده دي ..
ادعوك للانضمام لرابطه الفيرناويه

http://www.nilemotors.net/Nile/363842-a.html

اكيييد ياباشا من غير ماتقول انا ليا الشرف انى انضم للرابطة