النترا 2010 .. مؤشر السرعة

[Hany1979]

السلام عليكم و رحمة الله و بركاته.
دي اول مشاركة لياو كنت حابب استفسر عن حاجة انا معايا النترا 2010 مانيوال شاريها من حوالي سنه المهم كنت مرة ماشي بيها ع الطريق حدود110و مشغل التكييف و فجأة دون مقدمات لقيت مؤشر السرعة بيبروح و يجي و 80 و 140 و حاجات غريبة كدة المهم استمر كدة شوية لحد مفصل خالص. بطلت العربية و انا ماشي و ركنت دورت و مشيت نفس الكلام
المهم بطلت العربية و طفيت التكييف خالص( لا مروحة و لا كمبيرسور) جربت تاني لقيت مؤشر السرعة اشتغل. مع العلم ممكن تجيب 200 بدون مشاكل في المؤشر المشاكل بتظهر لما اشغل التكييف و مش علي طول برد ه . ايه تفسيركم للموضوع ده عيب دينامو ولا بطارية ولا ايه؟

[moe gawad]

ده لازم يتكشف على الضفيره بتاعة الصالون . او الفيوزات ممكن تكون عامله ارضى .
نصيحه منى خليك مع مهندس متخصص . يعنى بلاش اى حد يلعبلك علشان ديه 2010 مش قديمه يعنى . ممكن يكون حساس السرعه فيه مشكله

[Hany1979]

شكرا م. محمود عالرد .
متابع

[moe gawad]

شكرا م. محمود عالرد .
متابع:u_thin1[1]:

حبيبى بس انا اسمى محمد مش محمود

[Hany1979]

اسف جداا... العتب ع النظر
و اشكرك مرة تانية م. محمد

[Hany1979]

متابع

[Hany1979]

متابع

[omaranes77]

طب جربت تشيل البطارية وتحطها تاني بعد ربع ساعة
وروح لحد متخصص وتحطها علي الكومبيوتر

[Hany1979]

طب جربت تشيل البطارية وتحطها تاني بعد ربع ساعة
وروح لحد متخصص وتحطها علي الكومبيوتر

اولا اشكرك ع المرور و الرد انا فعلا شيلت البطارية قبل كده و لفترة طويلة و رجعتها و جربت لقيت المشكلة زي ما هي.
بس اللي انا فاهمه و عايز رأيك فيه انا الموضوع مبيحصلش الا اذا شغلت التكيف او حتي شغلتو مروحة بس فهل ممكن يكون السبب الدينمو و الامبير اللي بيطلعو مش مظبوط اللي يخليها تهيس كده مع زيادة الاحمال .. عموما فكرت ان شاء الله اجرب كل الاحمال بتاعة العربي نور عالي و اطي و زينون و اكيد التكيف و هقيس علي الدينمو هو المفروض خرجه حدود 14فولت؟ و بفكر اشيل البطارية و هي شغالة واقيس خرج الدينمو لان البطارية ضعيفة شوية و شاكك انها مع وضعهاده بتسحب امبير عالي . عموما هجرب و اقولك ان شاء الله

[Hany1979]

اولا حابب اشكر الاخوة اللي اهتموا و ردو
ثانيا المشكلة اخيرا اتحلت بفضل الله و حابب اتكلم شوية عنها عشان لو قابلت اي حد من الاخوة ,
المهم انا فكرت لو كابل البطارية مهوي ممكن يزود الامبير المسحوب بصيت عليه لقيته مهوي فعلا شوية وفي اعتقادي مع حركة العربية و المطبات كان بيتحرك عموما نضفته و عملتله تخشينه و ربطته قمت بقياس كهره العربية و هي واقفة (كهربة البطارية) لاقيتها 12.8 فولت المهم شغلت العربية و قست الكهربا لقيتها 14.2 تقريبا دا معناه انا الدينامو شغال المهم سخنت العربية و شغلت النور كله بتاع الغربية لقيت الفولت بقي 13.8 شغلت التكيف علي اخره الفولت بقي 13.2 وثابت
طلعت بالعربية ع الطريق بره و جربتها وهي بنفس الاحمال ماشاء الله الدنيا تمام مؤشر السرعة معدي ال 180 بدون اي مشاكل .
الحمد لله المشكلة طلعت بسيطة