الفيرنا و مشكلة الزيت

[Loay94]

يا رجالة الهيونداي عندي العربية كان حصل ظرف ربنا ميحطش حد فيه و انتهي بتغيير شورت بلوك و بعد ما استلمت العربية كان فيها موبيل 5000 و مشيت بيه فترة و بعد كدة نقص عل مقياس و علي مدار ال 4500 كيلو اللي مشيتهم بيه نقص لتر كامل و زودته ولما سألت الميكانيكي اللي غير الشورت بلوك قالي غير زيت لان دة يعتبر غسلة للموتور كان المفروض تغيره علي طول قولت تمام قولت اغير بقي لنصف تخليقي استعدادا للتخليقي الكامل جبت فالفولين انجين ارمور 10w-40 10000 كيلو نصف تخليقي مع انجين فلاش للموتور الزيت كان ماشي كويس و صوت العربية حلو و ناعمة و مقياسه مظبوط فجأة بدون مقدمات بشوف المقياس فمرة ملقتش زيت عل مقياس طلعت عل ميكانيكي شاف من تحت مفيش تسريب طب خرطوم الهواء مع تزويد البنزين مفيش حاجة قالي الزيت وحش قولتله والحل قالي تطلع تجيب زيت قولتله طب زود الريت و حطلع اجبلك زودنا الزيت بنشوف المقياس مفيش استنينا شوية بص يابني بردو نفيش طب يا عم الميكانيكي تنصح بايه قالي موبيل او شل 5000 انا مكنتش عايز كدة بس اضطريت و جبتله شل الاصفر المفجإة بقي نزل الزيت قد ايه يا عمي اتنين كيلو بتقووول كام اتنين كيلو الراجل منزل الزيت بيقولي مفهوش اي لزوجة 215 ج اترموا في الارض مكملش 4000 كيلو
دلوقتي الاستفسار المكنة كدة اقلق منها ¿! مع ان مفيش تسريبات ولا دخنة بيضاء!! دلوقتي اعمل ايه و اكشف علي ايه لأن مش عايز اكمل في المعدني ¿!
معلش طولت عليكم و منتظر نصايحكم

[moe gawad]

كده عربية حضرتك لازم يتكشف عليها عند متخصث.

[Loay94]

كده عربية حضرتك لازم يتكشف عليها عند متخصث.

اولا اهلا وسهلا بيك استاذ محمد ثانيا طب ممكن يبقي ايه المشكلة ¿! واقلق علي المكنة ولا لأ¿! و هل لو حبيت اجي المركز محتاج حجز ولا اي وقت ¿! و لو عايز اعمل كشف كامل علي العربية الموضوع دة متوفر عندكوا¿! و لو فيه اسعار يبقي شاكر لحضرتك
شكرا مقدما

[moe gawad]

طبعاً حضرتك تنورنى بأى وقت يافندم , وفيه فحوصات كامله أكيد ,
بس أسف جدا ممكن حضرتك تبعتلى داخل موضوعى الأعلانى للأستفسار , ومافيش حجز ولا حاجه لو كشف , الميعاد المناسب لحضرتك تنورنى فيه , كلمنى قبلها بس ياريت
رقمى 01210555631
مكانك يا فندم

[Loay94]

متشكر لحضرتك علي المتابعة
مفيش مشكلة انا كتبت رد في الموضوع بتاع المركز و بعد ردك و توضيح الدنيا حظبط مع حضرتك و اجيلك في اقرب فرصة إن شاء الله