ألنترا فيس ليفت زي ما الكتاب بيقول

[Samir Elshahawy]

الاخوة و الاخوات الكرام / مالكي و محبي سيارات هيونداي

اسعد الله اوقاتكم بكل الخير ....
أحييكم من الكاميرون

بعد رحلة عناء طويلة استمرت أكثر من 12 ساعة وصلت الي مطار "دولا" بدولة الكاميرون لأجد مفاجأة سارة في انتظاري فور نزولي من الطائرة ذهب معها كل التعب و العناء و أزالة سخونة الجو الحار هناك

نعم ...
ألنترا سوداء اللون ... فولي لودد (زي مابنقول عليها في مصر) و ايه كمان ... الفيس ليفت

طبعا كسرت كل القواعد و جلست بالكرسي الامامي بجانب السائق و لولا الملامة كنت قعدت مكانه و سوقتها انا

العربية حاجة تانية خالص غير اللي عندنا هنا في مصر , زي ما كتاب الالنترا بيقول و زي ما الخواجة هيونداي عملها

طبعا مش هأتكلم عن الشكل الخارجي بس كفاية الجنوووووووووط اللي أول ماتشوفها تدوب فيها و تبقي عايز تنزل علي الارض تبوسها (زي فؤدا المهندس رحمة الله عليه لما كان غاوي جزم الستات ههههههه)

المهم من الداخل :
- التابلوه : شيك شيك جدا غير اللي عندنا و الخامات جلد , أه و الله جلد
- الكراسي طبعا جلد و مريحة
- التابلوه أبو ثلاجة
- تكييف خلفي
- اوتو ستارت
- شاشة بكاميرا خلفية و سنسور و نظام ملاحة
- أوتو باركينج (المعلومة دي من السائق)
- 6 أيرباجز

لا و خدوا بقي المفاجأة التانية : المحرك 1800 سي سي

بجد عماااااااااااااااااار يا كاميرون , و فعلا انا شوفت مصر خلاص

[profimh]

شكرا على المشاركة و حمدلله على السلامة
يعنى الكاميرون فيها المواصفات الأمريكى
و إحنا لنا المواصفات الغبورى...... عمار يا مصر

[hossam_elwani]

شكرا على المعلومات الصادمه دى

الكاميرون !!!!!!!!!!!!!

وحمد الله على السلامه

بص كويس ان احنا راكبين اربع عجلات احنا حننهب السيسى بيقول لازم نمشى على رجلينا عشان نتقشف وانا بتقولى جلد وجنوط وتلاجه وتكييف خلفى ياراجل ايه الطمع ده

ولسه حنشوف مصر !!!!!!!!!!!!!

[S O P H O S]

حتي الكاميرون
الحمد الله علي كل شئ