تجربة اصحاب السيارات الألنترا فقط

[Ahmed Hassan]

العربيه فيها abs + eps +esp

ممكن حضرتك تقولي اي فئه و كمالياتها ايه و سعرها كام؟؟ انا ركبت الخليجي بفتحه سقف و جنوط و مكانش فيها abs و المصري كان موجود في اعلى فئه فقط و معنتش بشوفها خالص.

[smartman]

0101
ارجو فى هذه المداخلة ان كل صاحب سيارة النترا فقط يكتب عن تجربته معاها و اهم مميزاتها و اهم عيوبها و ذلك للآستفادة العامة لكل من عنده النترا و ابداء النصيحة لكل من يريد شرائها.

[sixsixsixsix]

دي االصوره بتاعت دليل المستخدم
وان شاء الله في اقرب فرصه هتاكد من قرايات الطبلوه

[red_elantra]

اقول اية المميزات كتيرة اوى فى العربية دية وسبق ذكرها.على قد خبرتى اكتر من عيوبها.اول مابتتطلع بيها بتحس انك راكب حصان لدرجة ان عندى علبة المناديل بتوقع من على التابلوة اول مابطلع بيهازلكن لو شديت جامد بيها بتحس ان العربية مكنتها اتقل من حجمها زبمعنى ان العربية خفيفة لكن مكنتها اقوى من الحجم اعتقد ان دة فى الكورى كلةز ودية العيب اللى شيفة حتى الان وكمان انا من طنطا والمطبات بيتوصوا شوية بينا فيها اوى اوىزيعنى لو مطب عالى وراكب لوحدى اعدى من اغير متحك فى المطب لكن لو راكب انت وتلاتة بس فى العربية بتحك لو عملت قرد ودية مشكلة بردة ودية مواصفات السيارة.........
اولا: 1600 c.cضمان غبور2008
تكيف بكر
مانيوال
اريال مدمج مع الزجاج الخلفى
espفقط
والفرامل مش اي بى اس بس تكنولجيا جديدة من هيواندى ودة لسة مفهمتهاش
العربية انا جايبها من 10 ايام فقط عملت 623 كليو فقط ولسة مشتش بقيت العيوب
بس انا شايف انها حتى الان جيدة جدا بالنسبة لثمنها وبالمناسبة السيارة انا جايبها كاش 103.550 جنية فقط لاغير من الكمونى

[red_elantra]

sorry 3ala el ketba 3alshan baktb bosr3a

[hano_elmorsy]

الحمد لله العربيه عملت معايا 8500 كم وزى الفل

[Kisho]

عربيتى معايا من 17شهر
عامله 33500 كيلو
العربيه من التوكيل - الاريال مدمج فى الزجاج الخلفى - صالون و شنطه واسعين بطريقه غير طبيعيه - خامات داخليه ممتازه - عزل فوق الممتاز - باور خرافى - تابلوه شيك جدا - موتور جبار بتوكنولوجيا (continuous Variable Valve Timing (CVVT - مساعدين غاز - سير كاتينه جنزير

جبت بيها 200 كم/س فى طريق مصر اسكندريه بدون اى معاناه

قطع الغيار تقتصر على الزيت و فلتر الزيت كل 10000 كيلو
العفشة : كالزيرو
الموتور: كالزيرو
النعومة : كالزيرو

على المستوى الشخصى لا يوجد اى شكوى
عيبها يقتصر فقط على قله الكماليات و هو بالطبع ليس عيب سياره و لكن عيب وكيل

تتميز الخليجى بلمبه STOP خلفيه - AIR BAG
تتميز الوكيل بتقفيل الموتور اشيك بكتير

عربيه فى منتهى الهدوء و الاحترام و الثبات و الاعتماديه

[smartman]

يا جماعة حد اشترى النترا 2009؟ هل هى نزلت؟ و يا ترى فيه فرق فى الموتور زى ما بيقولوا؟

[حماده المصري]

انا مش عارف ايه شغل الاشتغالات بتاع المعارض ده

برضو واحد صحبي لسه جايب اي 30 جديد والاقيه يقولي الفرامل بتاعتها eps

وده استحاله الكلمه دي اختصار ل electronic power steering

يعني باور كهربا

esp دي معناها نظام تحكم في الثبات ودي مش موجوده نهائي ولو موجوده هتلاقي ليها رزار في العربيه يتقفل او يشتغل منه

ارجوكم يا جماعه خدوا بالكم

والعربيه الي فيها ايرباج وabs ليهم لمض بتور في التبلوه بينوروا كل ما تشغفل العربيه ولو فضلوا منورين يبقى في حاجه فيهم غلط

-----------------------------------------------

اعتقد ان نظام الهيونداي الجديد وده من خلال تجربتي للاي 30 انه لما تدوس فرامل على سرعه عاليه الدركسيون بيتقل جامد وده اعتقد لتلافي عيوب الباور الكهربا من عدم قدره على التحكم

اتمنى الناس تاخد بالها وميضحكش عليها

واتمنى من اصحاب المعارض وكمان التوكيلات يبطلوا فتى على الناس

[sixsixsixsix]

العربيه فعلا فيها eps ومفيهاش aps ولا esp

[smartman]

00000000000000000000000

[big big]

يا جماعة انا عاوز اشتري سيارة النترا بس تكون توكيل

هشتريها مانيوال ولي اوتوماتيك وكمان اي الي موجود فيها وافرئها ازاي من الخليجي ارجوكو ساعدوني

[dody_nany]

انا معايه عربية النترا 2008 مشيت 25000كيلو هية عربية ممتازه وشيك من جوة ومن بره و الصالون واسع جدا وارخص عربية بالمواصفات ده والموتور بتعها 120 حصان وبتقنيه جديده بتحس بيها فى السرعات العليه العربية نعمه جدا وبجيب بها 200 على اسكندريه الصحراوى ومن غير ما حس ان العربيه ماشيه بسرعه

ما شاء الله علشان مبيحسدش المال الا اصحابه :D
العيوب : انا سكنه فى مدينة نصر و الشوارع وحشة جدا و المطبات بحس بيها فى العربيه جامد عكس عربيه زى اوكتافيا تقيلة على الارض وعفشتها جمده بس اكيد اوكتافيا ب 150الف علشان كده
:k20:

[big big]

شكرا جدا للأفادة بس الاوتوماتيك فيها احسن ولي المنويال وانت عندك التوكيل ولي الخليجي