يا جماعة انقاذ سريع انا عطلان على الدائري

[tantawy13]

سلام عليكم انا واقف بالعربية على الدائري باختصار كنت ماشي عادي وبطلت العربية ودورتها لقيت لمبة الانتشيك منورة والمروحة شغالة على السرعة العالية ومؤشر الحرارة عمال ينزل حد يقولي ايه اللي حصل وامشي بيها ولا لاء انا بصيت على القربة فيها مية ومؤشر الزيت عادي بيقول ان في زيت

[enghany]

لو المياه في الرداتير سليمه امشي لحد اقرب حته

[tantawy13]

يعني افتح الريداتير ولا اشوف من القربة ؟ وامشي لاقرب مكان واركن العربية يعني دة المقصود ؟

[r0xer]

أفتح وبص عالمياه بتاعت الرادياتير وانسى القربة دلوقتي.

وبص على الزييت واتاكد انه مش ناقص اهم حاجة!!

وبص على الكبوت وحط ودنك والعربية دايرة واتأكد ان مفيش صوت مش مظبوط ولاحاجة..

لو كل دا سليم؟ امشي بالعربية لحد أقرب مركز خدمة او لحد بيتك.

واحنا متابعين معاك..

[Mohamed_Ayman]

خد باللك دى شكلها المياة خلصت والرداتير مش واصل على القربة ، شيك وربنا معاك وان شاء الله خير

[tantawy13]

طيب انا مستني كمان نص ساعة كدة وابقة كدة واقف سايب العربية بقالها حوالي ساعتين الا ربع وافتح اشوف الرداتير بس لو لقيت المية سليمة والزيت سليم ممكن يكون ايه اللي حصل عمل كدة يعني لو ساعة الحرارة بايظة تعمل كدة ؟

[J A G U A R]

لو فى مياه فى الريداتير والزيت مش ناقص دور عربيك وامشى عادى وعلى اقرب مركز خدمه روحله بس اهم حاجه عينك على مؤشر الحراره الا يرفع للاخر وابقى اتأكد كل شويه فى ميه فى الريداتير ولا لا

[tantawy13]

مؤشر الحرارة بينزل مش بيعلى يعني العربية المفروض بتبرد والمراوح شغالة على السرعة العالية دايما

[J A G U A R]

طيب انا مستني كمان نص ساعة كدة وابقة كدة واقف سايب العربية بقالها حوالي ساعتين الا ربع وافتح اشوف الرداتير بس لو لقيت المية سليمة والزيت سليم ممكن يكون ايه اللي حصل عمل كدة يعني لو ساعة الحرارة بايظة تعمل كدة ؟

احتمال ترموستات الكوعه فيها حاجه

[enghany]

حضرتك هتلاقي الرداتير فاضي استني لما تهدا و افتح الغطا و دور العربيه و زود المياه

[hema010]

ربنا معاك ويسهل لك الطريق والمشكلة تتحل بسرعة

[moe gawad]

ولو لقيت الريداتير فيه مياه وده احتمال ضعيف هايكون حساس الحراره فيه مشكله
ولو مالقتش فيه مياه دور وزود مياه واقفل واجرى على البيت . والصبح انزل على اقرب مركز خدمه يشوفلم الريداتير ايه مشكلته

[moe gawad]

ولو احتاجتنى كلمنى انا هافضل معاك على التليفون ولو احتجت ونش يوصلك لاقرب مركز خدمه منك كلم شركة الفرسان . وقولهم انك من طرف مركز حمزه المهندس محمد عبد الجواد هايبعتولك ونش فى ظرف 15 دقيقه يوصلوك لاى مكان انت عاوزه .

موبيلى رقمه 01210555631

[EngAhmedSayed]

معنى انى المؤشر بينزل دة حضرتك مفيش مياه
علشان كدة الترومستات مش حاسه انى فى مياة سخنة فبتنزل
راجع على المياة

هو انتا حضرتك كنت راكن على دائرى صفط فى اتجاه الدائرى بتاع المرج اوكتوبر و العربية لونها ابيض

بالتوفيق ان شاء الله

و ربك يستر

[mahmoud_ali]

لو مفيش ميه فى الردياتير معنى كده ان المؤشر يطلع مش ينزل اصل ينزل معناها ان العربيه بارده جدا وغالبا ثرومستات الكوعه او حساس الحراره وربنا يسترها معاك