الماتركس لسة مخبوطة حالا ممكن الافادة بسرعة

[ashraf122]

السلام عليكم كل عام و انتم بخير انا عديتى السنة دى هى ان عربيتى ماتركس 2008 لسة ة مخبوطة و هى راكنة تحت البيت طبعا فيها رفرف يمين و فنوس و شنطة والله واعلم العفشة فيها حاجة ولا لا و العربية متامن عليها و عملت محضر ، انا مشترى العربية من مصرية و متامن عليها من شركة الجمعية التعاونية للتأمين التعاونى ممكن تدلونى على الخطواط اللى اتبعها يعنى التوكبيل الاول ولا اروح شركة التامين ولا احسن اروح مركز صيانة معتمد زى ابوغالى علشان ماتخدش وقت طويل وبعد كدة سمعت ان شركة التأمين دى بتاخر الفلوس للناس اكتر من سنة هل حد اتعامل معاهم قبل كدة
واخير اتمنى لكم جميعا السلامة و ان ربنا يبعد عنكم شر الطريق والحوادث

[nourhassanien]

لاحول ولا قوة إلا الله العلي العظيم

بسم الله الرحمن الرحيم

ياخى لا تحزن ... قدر الله وماشاء الله خير
والحمدلله انك بخير

ورينا يسترها معاك ومعانا ومع كل الناس

[sasatony]

قدر الله وماشاء فعل
الحمدلله علي كل شئ احمد ربنا علي الي حصل
وباذن الله الاعضاء يفيدوك

[AhmedSarhan]

أول حاجة بتتوجه لأقرب نقطة شرطة أو قسم و تعمل محضر اثبات حالة و متنساش تاخد رقمه و انت ماشى

تانى حاجة بتتوجه لأقرب مركز صيانة معتمد يعملك مقايسة بالتلفيات و تكاليف الاصلاح

تالت حاجة بتتوجه لشركة التأمين و هما بيدولك استمارة تملأها و بترفق معاها المقايسة

بعد كدا تتوجه لأقرب مركز صيانة معتمد تسيب عربيتك عنده لحد المهندس بتاع شركة التأمين مييجى يعاين العربية و يناقش مهندس مركز الصيانة فى تفاصيل المقايسة و تكلفتها وبعدها يبدأ العمل الفعلى فى الاصلاح

بطء الاجراءات بيبقى من شركة التأمين اللى ممكن تأخر ارسال المهندس لمركز الصيانة فلازم تقرص عليهم...كمان متنساش تنسخ صور من كل الأوراق اللى سبق و اتكلمنا عنها دى

أخيرا هيأ نفسك ان العربية بالميت هتاخد حوالى من اسبوعين لثلاثة عشان متحرقش فى دمك و أعصابك

قدر الله و ما شاء فعل...و ان شاء الله ربنا يعوضك

[ashraf122]

السلام عليكم اشكرك جميعا على ردودكم الجميلة و اشكر الاخ ahmedsarhan
على الافادة بس كان فية سوال يعنى المركز المعتمد اللى حيعمل المقايسة لازم هو اللى حيعمل الاصلاح ، يعنى مثلا فية مراكز معتمدة جنب البيت عندى اعمل فيها المقايسة و بعد كدة اصلح فى ابو رواش

[AhmedSarhan]

من قال لا أدرى فقد أفتى

آسف النقطة دى معرفهاش...ممكن حضرتك تتصل بأبو رواش و تسألهم عن النقطة دى

[bassam nagy]

قدر الله وماشاء فعل
حضرتك ممكن تتصل بشركة التامين وتشوف اية المراكز بتاعت الخدمة الية بيتاعملوا معاها لان التوكيل حضرتك هاتصلح على حسابك وبعدين توديلهم الفاتورة وهما هايحاسبوة حضرتك بعديها
بالنسبة للمقايسة بتتعمل بمقابل مادى حسب المركز حضرتك بتدفعة ولو هاتعمل عندوا هايتخصم تمن المقايسة من تمن الاصلاح

[thegreatnileman]

قدر الله وماشاء فعل

ربنا يستر علينا جميعا

[COLDMAN]

الله يأجرك في مصيبتك ويخلف لك خيرا منها بإذن الله ،،

[mondy2010]

قدر الله وماشاء فعل

[a_tantawy7]

قدر الله وما شاء فعل
بس عايز أقولك عادي جدا ولا تضايق نفسك, أنا لسة حاصلة معايا موقف مشابه من أسبوعين نزلت لقيت غطاء العربية مقطوع والعربية أخدة واحدة حلوة في الباب اللي ورا وأن بقى مش مأمن على العربية,قول الحمد لله كله خير.

[ashraf122]

السلام عليكم - اشكرك جميعا على الردود الجميلة ، اما اخر الاخبار انى خلاص عملت معاينة التأمين فى التوكيل ومقايسة الاصلاح و وفية انتظار حتى العربية تدخل تتصلح 21 يوم بس مش عايز اقولكم قطع الغيار اسعارها عاملة ازاى حاجة تفرح بصحيح وربنا يكون فى عون اللى مش مأمن على العربية