رجاء المساعدة

[ahmed21782]

يا جماعة انا معايا نيواكسنت 2008
المشكلة عندى بقالها سنة وهى كلاتى : اجى اشغل العربية تدور عادى وتمشى شوية وبعدين افاجئ ان لمبة
abs نورت والدركسيون تقل ولازم عشان تطفى اللمبة والدركسيون يرجع يخف تانى اطفى العربية واشغلها تانى ويتكرر الموضوع ده مثلا فى اليوم 3 او 4 مرات فى اليوم ويختفى بقية اليوم
طبعا روحت كشفت فى التوكيل قالولى العربية عاوزة تتبرمج على الكمبيوتر وبرمجوها وراحت المشكلة لمدة شهر فقط ورجعت تانى
ارجو من اهل الخبرة يقولولى سبب المشكلة وطريقة حلها

[moe gawad]

حضرتك محتاج تغير حساس ال abs اللى بيعلق، وهو مش غالى، سعره استيراد مثلا 100 جم بالكتير .
وبرده اكشف على الترس اللى ورا الطنبوره

[mazeen]

اعتقد حضرتك تقصد لمبة ebs Electronic power steering
وده معنه وجود مشكله فى حساس الباور الكهربائى لما المبه بتنور الباور بيفصل فالدركسيون بيتقل معاك وده ليه حل من اتنين
1 تغيير قطمة الدركسيون بواحده استيراد بس احتمال يبوظ تانى ( القطمه فى التوكيل كانت ب 7000 جنيه )
2 تغيير نظام الباور بالكامل الى هيدروليكى زيت ( وده افضل )
وده للاسف من عيوب النيو اكسنت 2006 - 2008 لان ده كان الجيل الاول من الباور الكهربا فى الهيونداى
وبرده اعمل سكان وشوف جهاز كشف الاعطال هايقول ايه

[mazeen]

اعتقد حضرتك تقصد لمبة ebs Electronic power steering
وده معنه وجود مشكله فى حساس الباور الكهربائى لما المبه بتنور الباور بيفصل فالدركسيون بيتقل معاك وده ليه حل من اتنين
1 تغيير قطمة الدركسيون بواحده استيراد بس احتمال يبوظ تانى ( القطمه فى التوكيل كانت ب 7000 جنيه )
2 تغيير نظام الباور بالكامل الى هيدروليكى زيت ( وده افضل )
وده للاسف من عيوب النيو اكسنت 2006 - 2008 لان ده كان الجيل الاول من الباور الكهربا فى الهيونداى
وبرده اعمل سكان وشوف جهاز كشف الاعطال هايقول ايه