مين معاعه نيو اكسنت

[osos_lion]

1/ايه رايك فيها
2/بتستهلك بنزين قد ايه
3/ايه هي عيوبها

[BooDElGn]

بسم الله ما شاء الله العربية اكتر من رائعة انا لسه شاريها من شهرين و الحمدلله العربية لحد دلوقتى ثابتة كفائتها و التكيف رائع و استهلاك البنزين اكتر من ممتاز عيبها بس ان المرش تيقل حبة و ان العفشة ناشفة حبيتن بس دلوقتى بقيت اترى من الاول فشكلها كده بتترى بالتدريج

[حماده المصري]

انا وعربيه حلوه بس عفشه ناشفه شويه

[Bubbles]

العربيه ممتازه عدا ااكنبه الخلفيه ضيقه شويتين غير كده كويسه و عمليه جدا.

[Hassan Khalil]

عربية جيدة بالنسبة لسعرها .. و امكاناتها
صناعة جيدة .. شكل مقبول جدا..موتور محترم .. تكييف قوي .. ثبات جيد ..صالون ضيق من الخلف .. شنطة متسعة بالنسبة لحجم السيارة.. عفشة ناشفة
انا اخترت الاختيار الثاني في التصويت

[tarekkasaby]

طب مين اللى اختار انه ندم على شراءها و ياريت يقولنا ليه لان فى كتير يحبو يعرفو تجربته معاها و انا اولهم

[asdasd]

انا بقارن بينها وبين السراتو . عربيه جميله بس مش عارف ليه مش منتشره

[karvata]

فى البداية احب اقوول ان العربية ابتدأت تنتشر ودة نتيجة الاقبال عليها وانا عن نفسى بشفها كتير لانها فعلا عربية كويسة بالنسبة لمقارنتها بفئاتها وانا اقيمها تقيم شامل بنسبة 96% ال 4% اللى باقيين السبب فيهم (الكاسيت والسنترلوك) عشان هما تأفيل محلى.
1-الموتور: DOHC - 4-cylinder CVVT (Continuously Variable Valve Timing) -Injection-1600 CC - 112 HP
بالنسبة لل cvvt هى تقنية جاءت فى الجيل الثالث من مواتير شركة هيونداى ومعناها (استمرارية التوقيت المتغير للصبابات) وهذة التقنية تساعد على التقليل من معدل استهلاك الوقود وتساعد ايضاً على زيادة سرعة ال Acceleration (التسارع) فى السيارة ولذلك نجد ان كفاءة الموتور تزداد من خلال هذة التقنية.
ويبدأ الموتور باستخدام ال112HP كاملة عند الوصول الى 4200 RPM
فتيس السيارة سالس وناعم هو بس محتاج معاملة مظبوطة يعنى متنتش الغيار بسرعة - ريح الفتيس فى حراتة المظبوطة بسالاسة وهو يبقى هوى معاك عشان انا سمعت ناس بتقول انه تقيل..... ابداً الموضوع عكس كدة تماماً
السيارة ذات اداء رياضى قوى يحقق التسارع من 0 الى 100 km فى خلال 10.2 ثانية.
2-العفشة والشاسية: بمأن السيارة ذات طابع رياضى فلابد من احتياجها الى تعليق رياضى وعفشة رياضية ثقيلة وشاسية قوى يتحملا اداء السيارة ، وبالطبيعى العفشة لازم تكون نشفة لكى تقوم بالعمل المريح للسيارة وعلى فكرة النوع دة من العفشة بيعيش اكتر من اى عفشة تانية.
3- السيارة بصفة عامة من الخارج: السيارة عالية شوية بس عادى ودة مهم فى مصر طبعا عشان المطبات الحلوة بتعتنا - شكل السيارة من الخارج جميل وجديد ومقدمة السيارة ملمومة حيث تأخذ انطباع السحر والجمال والاناقة ومؤخرتها توحى بالهدوء ، ويأخذ صندوق الامتعة (الشنطة) حيز صغير من هيكل السيارة الخارجى مما يعطيها ثبات اكثر على الطريق.
4-السيارة بصفة عامة من الداخل: تأخذ (عجلة القيادة) فى سيارة النيو اكسنت الانطباع الانيق المائل الى الطابع الرياضى سالسة فى التعامل من خلال الية المؤازرة (power steering) وقابلية الاماله ، وتبلوه السيارة كبير يوحى بفخامة السيارة عن باقى منافسيها فى فئتها وهو ذات وجهين او نصفين يأخذ النصف الاعلى اللون الغمق اما النصف الاسفل فيأخذ اللون الفاتح وعلى حسب لون السيارة يتم تحديد لون التبلوة فا الالوان الفاتحة فى النيو اكسنت ياخذ التبلوة اللونين الرمادى الغامق والرمادى الفاتح ، اما الالوان الغامقة فيأخذ التبلوة فيها اللونين البنى الغامق القاتن واللون البيج الفاتح الجميل ومن خلال اللون الاسفل للتابلوه يتم تحديد الابوب والصالون والسقف على نفس اللون ، السيارة مريحة من الداخل لجميع الركاب الامام والخلف ، تكيف السيارة قوى زو كفاءة عالية وجودة عالية جدا يرجع هذا الى قوة موتور السيارة ، الكاسيت يدعم مشغلات mp3 وهو CD ويوجد بة خاصية ال usb ومن خلال هذة الخصية يمكن تشغيل ملفات mp3 بواسطة فلاشة (flash memory) من خلال وصلة يتم استلامها عند استلام السيارة ولاتنسوا هذه الوصلة لانها نزلة للكاسيت مخصوص ومش حتلاقوها فى اى حتة ولا فى اى مكان ومن غيرها مش حتقدر تشغل الفلاش ميمورى على الكاسيت ، النور الداخلى للسيارة واضح وقوى فيوجد 1 لمبة فى الصالون و2 لمبة قراءة فى الامام وعندما يتم ضبط خاصية door فى الانوار عندما يقف باب السيارة يتم خفض الانوار تدريجياً على طريقة النظام الاوروبى للسيارت.

......................................وشكرا....... .......................

[Ahmed.TV]

كان نفسى فى العربية دى يكون فراملها abs
وبصراحة بعد كدا حتكون طلقةةةةةةةةةةةةةة

[tarekkasaby]

اللى ندمانين على شراء العربيه بقو 2
لو يتكرمو ويقولو لينا السبب نكون شاكرين جدا

[asdasd]

شكرأ علي الرد و الافادة يا مان "kravta

[sword77]

انا معايا العربية بقالها 4 شهور وهى الصراحة ممتازة جدا , بس صوت الموتور عالى شوية على السرعات العالية

[AboMaro]

للاسف

اللى ندمانين على شراء العربيه بقو 2
لو يتكرمو ويقولو لينا السبب نكون شاكرين جدا

للاسف لما الموضوع بيكون متعلق بهيونداي ونظرا لكره الكثيرين لغبور ممكن نلاقي حد دخل و صوت لصالح ندمان على الشراء وهو معندوش اكسنت اصلا ولا حتى هيونداي

لذلك من المفيد ان الاستطلاع يظهر فيه اسم اللي بيصوت وده عشان اللي زي حالاتي و بيبحث عن مميزات و زعيوب سياره زي دي لاني حاببها وعايز اجيبها ملاقيش نفسي شايف ناس ندمانه عليهم و انا مش عارف الناس دي حقيقي ولا وهميه

يا ريت فعلا لو حد ندمان ع السياره يخش ويقول ليه لاني حتى الان مش لاقي عنها كلمه وحشه حتى الان

فياريت لو فيها مشاكل وصلت ال حد الندم نعرفها ليعم الجميع الفائده


وشكرا

[tarekkasaby]

للاسف لما الموضوع بيكون متعلق بهيونداي ونظرا لكره الكثيرين لغبور ممكن نلاقي حد دخل و صوت لصالح ندمان على الشراء وهو معندوش اكسنت اصلا ولا حتى هيونداي

لذلك من المفيد ان الاستطلاع يظهر فيه اسم اللي بيصوت وده عشان اللي زي حالاتي و بيبحث عن مميزات و زعيوب سياره زي دي لاني حاببها وعايز اجيبها ملاقيش نفسي شايف ناس ندمانه عليهم و انا مش عارف الناس دي حقيقي ولا وهميه

يا ريت فعلا لو حد ندمان ع السياره يخش ويقول ليه لاني حتى الان مش لاقي عنها كلمه وحشه حتى الان

فياريت لو فيها مشاكل وصلت ال حد الندم نعرفها ليعم الجميع الفائده


وشكرا

كلامك مظبوط 100 *100
كان لازم فعلا اسماء اللى صوتو تظهر
على العموم غالبا هما مش من ملاك العربيه
وشكرا جزيلا ليك

[hishamnasr]

نيو اكسنت

العربيه عيبها

1. العفشه نشبه جدا
2. التكييف عادي
3. التوكيل