عندي صوت تاكيه عالي

[medo_omara2009]

لما بغير زيت العربيه بتبقي حلوة لما بيعدي الغيار تقريبا 1000كم صوت تاكيه يعلي وبيبقي صوته وحش اوي انا بحط زيت شيل 5000 فانا باضطر اغيره بدري جدا عن معاده العربيه عامله 200000كم عشان انا شغلي كله سفر بس مش عارف ايه الحل ممكن اعمل ايه يا خبراء الفيرنا

[tameem2010]

شوف يا عزيزي
اولا الفيرنا مفيهاش تاكيهات (ديه تكنولوجيا قديمه ) انما الفيرنا اللى فيها بلوف او كوستبانات على حسب ما الناس بتسميها

ثانيا ده شيئ طبيعي جدا في الفيرنا والماتريكس ان بيحصل خشونه في الكوستبانات بتاعتهم وبيظهر الصوت لما تدور على البارد تكتكه واول ما العربهي تسخن خلاص مبيبقاش فيه حاجة وده لايؤثر على المحرك او الكامه اطلاقا كل مشكلته رزالة الصوت والعربيه بارده
نصيحه بقى
طالما شغلك كده سفر يبقى حرام تغير الزيت بدري لان الزيت مش بيهلك او يتاثر لو مشاوير العربيه كلها طوالي على السريع انما الزيت بيتعب من القياده البطئية زي وسط البلد ووبيتعب من المشاوير القصيرة انما المشاوير الطويلة مش بياثر قوي على الزيت ...يعنى من اكتر الحاجات اللى تتعب الزيت انك كل خمس دقايق تطفي وتدور الخ الخ
ارجو ان اكون قدمت افادة

[medo_omara2009]

شوف يا عزيزي
اولا الفيرنا مفيهاش تاكيهات (ديه تكنولوجيا قديمه ) انما الفيرنا اللى فيها بلوف او كوستبانات على حسب ما الناس بتسميها

ثانيا ده شيئ طبيعي جدا في الفيرنا والماتريكس ان بيحصل خشونه في الكوستبانات بتاعتهم وبيظهر الصوت لما تدور على البارد تكتكه واول ما العربهي تسخن خلاص مبيبقاش فيه حاجة وده لايؤثر على المحرك او الكامه اطلاقا كل مشكلته رزالة الصوت والعربيه بارده
نصيحه بقى
طالما شغلك كده سفر يبقى حرام تغير الزيت بدري لان الزيت مش بيهلك او يتاثر لو مشاوير العربيه كلها طوالي على السريع انما الزيت بيتعب من القياده البطئية زي وسط البلد ووبيتعب من المشاوير القصيرة انما المشاوير الطويلة مش بياثر قوي على الزيت ...يعنى من اكتر الحاجات اللى تتعب الزيت انك كل خمس دقايق تطفي وتدور الخ الخ
ارجو ان اكون قدمت افادة

شكرا يا باشا علي المعلومه بس في ناس نصحتني احط زيت تقيل زي شل الاحمر وهوه بيتغير كل 2000كم هل ده كويس ولا لا ياريت حد يفيدني

[drcobra]

متابع لان عندى نفس المشكلة فى ار بى 2012 وبحط شل 5000

[medo_omara2009]

يا خبراء الفيرنا افيدونا انا كنت بحط موبيل 5000 وش عارف غاعمل ايه دلوقتي العربيه عايزه تغير زيت دلوقتي اغير شيل التقيل 2000كم الاحمر ولا ليها حل تاني

[moe gawad]

يافندم لو حضرتك حطيت شيل الترا ا
لصوت هايمنع انشاء الله، لو مش كده لازم حضرتك تشوف طقم الكوستبان

[medo_omara2009]

يافندم لو حضرتك حطيت شيل الترا ا
لصوت هايمنع إن شاء الله، لو مش كده لازم حضرتك تشوف طقم الكوستبان

متشكر علي الرد يا هندسه بس الزيت ده تمنه كام اعتقد انه غالي

[medo_omara2009]

ياريت حد يفيدني يا جماعه

[drcobra]

مهندس محمد عبدالجواد
ازاى حضرتك
انا حبيت اعرف لو المشكلة دى ليها حل بدون فك وتركيب لكن تقريبا رأى حضرتك هو الصح لازم تغير

[moe gawad]

سعر الشيل الالترا فى السوق 300 جم ، وده بيمشى 10000 كم، ، ولو الصوت مامنعش لازم تبص على عمود التاكيهات او على الكوستبانات، ويتراجع عليهم ، هى عربية حضرتك 1500 ولا 1600 اسف اصلى مش حافظ موديل السياره،

دكتور ، انا ايه اخبار حضرتك، والله ليك وحشه ،
لازم لما تيجى اجازه تعدى علينا تشرب معايا قهوه، وتكمل فطارك اللى مكاملتوش، والمره ديه هانجيب السندويتشات متغيره ، محدش هايفهم الموضوع ده غيرك،
الموضوع عندك انت مختلف، انت عندك اطباق، لازم حضرتك تراجع التوكيل علشان الضمان فاهمنى

[medo_omara2009]

طيب بالنسبه لطقم الكستبان ده ثمنه كام تقريبا وممكن اجيبه منين انا في اسكندريه ولو حضرتك يا بشمهندس تعرف حد كويس في القاهرة ياريت تدلني علي مكانه

[medo_omara2009]

متابع

[drcobra]

سعر الشيل الالترا فى السوق 300 جم ، وده بيمشى 10000 كم، ، ولو الصوت مامنعش لازم تبص على عمود التاكيهات او على الكوستبانات، ويتراجع عليهم ، هى عربية حضرتك 1500 ولا 1600 اسف اصلى مش حافظ موديل السياره،

دكتور ، انا ايه اخبار حضرتك، والله ليك وحشه ،
لازم لما تيجى اجازه تعدى علينا تشرب معايا قهوه، وتكمل فطارك اللى مكاملتوش، والمره ديه هانجيب السندويتشات متغيره ، محدش هايفهم الموضوع ده غيرك،
الموضوع عندك انت مختلف، انت عندك اطباق، لازم حضرتك تراجع التوكيل علشان الضمان فاهمنى

بشمهندس محمد
انا الحمد لله بخير وكله تمام والله حضرتك واحشنى والقلوب عند بعضها فى ناس قلبك يطمن لما تشوفهم وحضرتك واحد منهم
بالنسبة بقى للافطار ياباشا انت اديتنا خدمة فول بورد وانا اساسا بحب الكوكتيل فاستمتعت جدا
وقهوتك ياباشا فيها البركة كفاية انى روحت الغربية بدون صداع بعد القهوة

وان شاء الله اول ما نزل القاهرة هعدى ولازم اطمن على حضرتك
ربنا يرزقك الحلال

[m7md 3tya]

يافندم لو حضرتك حطيت شيل الترا ا
لصوت هايمنع إن شاء الله، لو مش كده لازم حضرتك تشوف طقم الكوستبان

انا فاكر لما قريت الكتالوج بتاع العربيه ان الشيل الالترا اللي هو 0w-30 غير مناسب للفيرنا في جو مصر و لو انا فاهم غلط ياريت حضرتك تصحح ليا غلطي شكرا

[medo_omara2009]

انا حطيت شيل احادي التكافؤ 50 ولسه العربيه في حالة التجربه بس ياريت حد يفيدني في موضوع الكسبانات بالنسبة لسعرها كام والميكانيكي ممكن ياخد كام مصنعيه
العربيه 1500 يا بشمهندس