مساعده النترا رجه فى العربيه 2008

[drttemon]

السلام عليكم
النهارد ظهرت رجه فى العربيه معرفشى ايه السبب

الرجه بتحصل لما اكون نازل من سرعه 80 الى 60 وبتقل الرجه لو ضربت فرمله امال لو شيلت رجلى من على البنزين وسيبتها تنزل لوحدها الرجه ديه بتحصل
ومش بتحصل وانا طالع من ستين والى 170 ولا وانا نازل لحد 80 او من 60 الى زيرو

ايه ممكن السبب
مع العلم
1: ناس بتقلى البوجيهات
2: ناس بتقول قرت قواعد الموتور
3: ناس بتقلى رصص الكاوتش مع انه جديد ولسه مترصص

اي ممكن يكون السبب
شكرا

[hamada6050]

بالنسبة للبوجيهات هى بتتأخر فى الدوارة ؟
بالنسبة للقواعد العربية وهى واقفة وانت ماسك فرامل بتترج ؟

[drttemon]

حسيت رجه خفيفه جدا فى العربيه لما اخدت الدى وانا ماسك فرامل

[hamada6050]

بسيطة
ارفع العربية عند اى مركز او حتة بنزينة وخلى اى حد يبصلك على القواعد من تحت وانت كمان بص معاه واطمن عشان لو قاعدة مقطوعة ممكن تعمل الرجة دى
وكمان بص على الطنابير بالمرة و الترصيص يكون عند حد محترم زى بردجستون
اخر مرة عملت صيانة امتى وكانت شاملة ايه ؟

[drttemon]

المفروض انى هعمل صيانه 100 الف الشهر دا ومجهزلها يجى 1000 جنيه علشان اشد العربيه كلها

[hamada6050]

كويس انا لما جيت عملت صيانة ال80 رحت لحمزة اوتو سيرفس ليه موضوع على المنتدى الراجل ده محترم وفاهم

[J A G U A R]

احتمال طنابير

[mummy_47]

حسيت رجه خفيفه جدا فى العربيه لما اخدت الدى وانا ماسك فرامل

بفرض ان الكهرباء وسير الكاتينة وطرمبة البنزين وفلتر البنزين كله مضبوط:

1-الرجة بتحصل على السلانسية= قواعد موتور.
2- الرجو بتحصل وانت ماشي لحد 60 كم تقريبا وبتخف لما تشيل رجلك من ع البنزين= كبالن داخلية وده الاحتمال اللي انا برجحة بنسبة 85% ولو طلع هو العطل متنسانيش في الحلاوة اما لو مطلعش منه فيكفيني شرف المحاول والمساعدة
3-الرجة بتحصل لما تدوس فرامل على السرعات العالية=طنابير امامية.
4-الرجة بتحصل مع السرعات العالية=ترصيص كاوتش.

[mummy_47]

المفروض انى هعمل صيانه 100 الف الشهر دا ومجهزلها يجى 1000 جنيه علشان اشد العربيه كلها

زود شوية لانك عامل كم كتير فاحتمال تغير قواعد موتور والقاعدة الكبيرة ثمنها حوالي 500 او 600 ج تقريبا او تغير كبالن داخلية ودول تقريبا 400 ج او اكثر... ولو عايز شدة تمام يبقى غير مساعدين غير الماندو الاصلي ....لكن بقلك من باب الاحتياط وان شاء الله تكون بسيطة

[moe gawad]

حضرتك كده يافندم محتاج تكشف على الاتى،
الكهرباء اللى خارجه من كل موبينه،
طقم البوجيهات

وانشاء الله هايكون الموضوع بسيط جدا

[drttemon]

تم عمل الآتي
1. الرجه ظهرت عن زياده السرعه من 60 إلى 80 واختفت عند تقليل السرعه من 80 إلى 60
2. تم تغير طقم الكبالن ولكن المشكله مستمره فتم اعاده القديم
3. تم التأكد من تمام قواعد المأمور
4. تم تغير أماكن الجنوط بس الرجل زادت نسبيا 5
5. تغير الجنوط جه في نفس الوقت اللي ركبت فيه الكبالن القديمه
ايه الحل

[drttemon]

تم عمل ترصيص لسه الرجه موجودة
ايه مساعده ياشباب
ملحوظة الرجه بتزيد لما امشي بالعربيه مسافر كبيره أو في الحر