جيتز Vs أكسنت RB

[Samir Elshahawy]

الاخوة و الاخوات الكرام / مالكي و محبي سيارات هيونداي

أسعد الله يومكم بكل الخير ...

ووقانا ووقاكم من شر الطريق و شرور أنفسنا ...

-----------------------------

اليوم كنت نازل مشوار كده صغير لحد سوق الرحاب و يا دوب عديت الدوران اللي أمام النادي و دخلت يمين و عند أول مطب صناعي هديت خااااااالص علشان أخد المطب علي مهلي و كنت علي الشمال و فجأة ....

ظهرت جنبي أكسنت RB سايقها شاب صغير

المهم طلعت من علي الطب و الشارع طالع , هو طالع معايا و بدأنا نزود السرعة و لاحظت أنه بدأ يعمل كيك داون علشان يطلع مني و بالتالي أنا كمان عملت كيك داون و بدأت الشداية بين

الأكسنت RB

Vs

و الجيتز

و هووووووووووووووووووووب

طلعت منه بالجيتز بفرق عربية تقريبا

لحد أخر الشارع و بدأت أهدي علشان فيه مطب صناعي و كنا داخلين علي دوران تاني

طبعا انا دخلت شمال و هو كمل علي طول

و لما بصيت له لاقيته بيبتسم و بيشاور لي

و أنا شاورت له

يا جيتز يا جااااامدة

[MEMODINA1]

بطلع منها بالفيرنا .. بس دا ميمنعش انها عربية سريعة وجميلة ولعلمك موتور الفيرنا والجيتز واحد ..
بس برضة لو الى سايق اربى سواق ومتحكم فى عدد لفات الماتور هيطلع منك ومنى لانها اسرع مننا احنا الاتنين لكن هى برضة ترجع للسواق
يعنى مرة النترا 2010 شدت معايا وانا طلعت منة ومرة تانى النترا زيها والله ما عرفت حتى احصلة بالفيرنا رغم انى عارف عربيتى كويس وبنقل امتى الغيار فيها عشان تجيب عزمها صح
لكن هو برضة عارف عربيتة وجاب عزمها مظبوط

[atyam]

لا معلش يا بشمهندس السواق على قده ومتظلمش الrb

انا مزعل جيتز قبل كده والنترا 2012 كمان :d

[toty_305]

ال jetz أسرع و أخف عربية شفتها في حياتي لو مانيوال كمان أنسى....

[semmsem]

عاش رجالة الجيتز

[lanos2004]

الجيتز اسرع من الار بى جريت مع الاتنين والجيتز اشد بكتير

[svneleven]

الجيتز تخلص علي أي عربية 1600 من الأخر.

[lanos2004]

الجيتز تخلص علي أي عربية 1600 من الأخر.

اخرها 160 وبتهدى انما قبل 160 مجرمه صراحه

[svneleven]

اخرها 160 وبتهدى انما قبل 160 مجرمه صراحه

ممكن أنا ما جربتش أجيب بيها 160 عشان كان الكاوتش تعبان لكن و الله ما فيه عربية فيكي يا مصر شديت معاها الا و علمت عليها. من الكوري للياباني و حتي ال بي ام و الله. لكن كانت العربية تعتبر جديدة عاملة 20 ألف و مش متهانة.
أنا معايا E90 دلوقتي بخاف أشد معاها عشان ما اهزأش نفسي.

[haysam2000]

يا باشا ال e90 ليها احترامها يعنى ممكن تشد مع حد على الصحراوى انما جوه البلد مش بحس انه يليق عليها الغرز اللى عمال على بطال كده

[S O P H O S]

مواضيعك بتشجعني اكتر
علي اقتناء الجيتز