نصيحة لوجه الله

[أحمد ظريف]

نصيحة معايا النترا 2011 ماشية 28 ألف معروض عليا فيها 120 ألف جنيه أبيعها وأجيب كورولا 2010؟

[moumen_shafik]

هو بصراحه مبلغ محترم جدا بالنسبه للعربيه لو هى الالنترا الشكل الى قبل الجديد
بس احب اقولك ان مفيش عربيه مستعمله بتيجى مبيتصرفش عليها
وده رأئى الشخصى

[J A G U A R]

السعر كويس جدا

[moe gawad]

نصيحه لوجه الله تعالى،
سيارة حضرتك انت عرفتها، وعرفت اولها من اخرها
الكرولا فيه منها حالتين فى السوق، حاله متبهدله علشان كده صاحبها عاوز يخلص منها ، وحاله متحافظ عليها جدا وصاحبها عاوز يبيع عاشان يجب اعلى منها شويه ، وتكون مش جنوب افريقى ، فطالب فيها سعر عالى جدا جدا، كان فيه واحده 2006 اوتو و فتحة سقف و سبويلر، وعامله 30 الف كيلو صاحبها طالب فيها 115 الف جم، تخيل ال 2010 السليمه هايطلب فيها كام، و ماتنساش يا سيدى الفاضل انى كل العربيات سعرها ارتفع
ثالث شئ من خبرات قرائتى عن هذه السياره الجنوب افريقيه، انها كان فيها مشاكل فى الفتيس، ده لو هى اللى انا قصدى عليها،
رابع شئ، هل حضرتك مستعد انى حضرتك لو بعت وجيبت عربيه اعوذب بالله تعبانه حبيتين وغاليه 3 حبات انك تصرف عليها علشان توصل لمستوى عربية حضرتك،

و فى النهايه يا سيدى الفاضل فلا تترك الامر لآراء منا نحن، استخير و توكل على الله فهو حسبك ،

[أحمد ظريف]

شكرا ياجماعة هو أنا كنت شايف كورولا 2010 خليجي ماشية 48 ألف وطالب فيها 128 ألف فده اللي خاى الفكرة تقوم في دماغي بس خايف ينضحك عليا ف عربية وألبسها.
طيب هل الكشف ع العربية في التوكيل يطلع كل اللي فيها؟

[M R. Z E C O]

هو السعر حلو بس اكشف كويس على العربية لبتانية توكيل وسمكره والذي منه

[shiko85]

بيع العربيه و اشترى عربيه جديده
لكن تبيع و تشترى عربيه مستعمله و المستعمل فيه نصب كتير يبقى هتخسر عربيتك اللى مريحاك و تخسر فلوسك كمان

[kokowasfy]

السعر الى جيلك ممتاز بس نصيحة بيع و جيب زيرو الزيرو حلو وراحة بال

[abokoko]

لو العربيه مضايقاك
لو هتكمل وتجيب زيرو
فيبقي فرصة لان السعر المعروض عليك كويس جدا
غير كده خليك فى عربيتك
اللى تعرفه احسن من اللى متعرفوش

[S O P H O S]

راي بلاش الا لو هتشتري زيرو