نصيحة في شراء اكسنت 2015

[Iso Man]

السلام عليكم

انا متعلم السواقه جديد ونويت ان شاء الله اجيب عربيه زيرو .. ففكرت في اللوجان الجديده الهاي لاين .. لكن للاسف مفيش منها اوتوماتيك ... ففي ناس كتير قالولي حرام تجيب زيرو مانوال الاوتو احسن بكتير وهيريحك.
فزودت المبلغ شوية وان شاء الله حجزت اكسنت 2015 هتنزل اول الشهر الجاي ... وهستلمها على اخر شهر 5 ان شاء الله .. للاسف فيها فئتين اتنين بس هجيب العالية شوية اللي فيها فتحة سقف واوتوماتيك ...
لكن مشكلتها ان مفيهاش abs
فبعد مشاورات كتير قالولي هي كويسة وخلاص وانا مش عاوز اعلى عن 130 الف تحت اي ظرف لان مفيش فلوس تاني زياده .. فهل دي كويسة واستمر عليها وخلاص ولا رايكم ايه ؟؟
نتمنى يكون رايكم بموضوعية في العربية علشان لو كويسه اتوكل على الله واستمر عليها وتكون اول تجربه ليا في العربيات .. مع العلم اني مش بفكر في سعر اعادة البيع لاني مش ناوي ابيعها وكده وهنخليها معانا ان شاء الله ...

واشكر لكم حسن تعاونكم مقدما

[Mico_Mico]

مش عاوز العب فى دماغك بس انا شايف العربية الوحيدة اللى فى الفئة السعرية دى وتستاهل فعلا تمنها هى اللانسر اول فئة عاملة 136 ومفيهاش برده ايه بى اس - التانية اللى فيها عاملة 145 - انا كنت هجيبها ومعايا فلوسها الحمد لله بس لقيت قطع غيارها مولعة ومفيش حد بيفهم فيها فى اسيوط - يعنى لو عطلت هتضطر اشحنها على ونش القاهرة عالتوكيل او ورشة نضيفة - ومن غير متعطل هفضل اتنطط كل شوية بين اسيوط والقاهرة عشان اغير شوية زيت وفلتر و بعديها الصيانات الدورية عشان متطلعش مالضمان- لو انت فالقاهرة مش هيبقى عندك المشكلة دى - البيجو 301 لطيفة وفى منها اوتوماتيك عاملة 124 وفيها ايه بى اس وقطع غيارها ارخص كتير ماللانسر بس ملاكها بيشكو ان التوكيل بيغير حاجات كتير فلصيانة قبل ميعادها - واللى اعرفه هيونداى برده بيستهبلو ويعملو كده - النيسان سمعتها وحشة تقلق منها

[mo7a_mo7a]

موفق ان شاء الله
العربية كويسة ومفيش منها مشاكل للاي اعرفهم راكبينها موديل 2014 لكن اكثر الشكاوى هي نقص قطع الغيار وقلتها حتي في التوكيل

[moumen_shafik]

مش عاوز العب فى دماغك بس انا شايف العربية الوحيدة اللى فى الفئة السعرية دى وتستاهل فعلا تمنها هى اللانسر اول فئة عاملة 136 ومفيهاش برده ايه بى اس - التانية اللى فيها عاملة 145 - انا كنت هجيبها ومعايا فلوسها الحمد لله بس لقيت قطع غيارها مولعة ومفيش حد بيفهم فيها فى اسيوط - يعنى لو عطلت هتضطر اشحنها على ونش القاهرة عالتوكيل او ورشة نضيفة - ومن غير متعطل هفضل اتنطط كل شوية بين اسيوط والقاهرة عشان اغير شوية زيت وفلتر و بعديها الصيانات الدورية عشان متطلعش مالضمان- لو انت فالقاهرة مش هيبقى عندك المشكلة دى - البيجو 301 لطيفة وفى منها اوتوماتيك عاملة 124 وفيها ايه بى اس وقطع غيارها ارخص كتير ماللانسر بس ملاكها بيشكو ان التوكيل بيغير حاجات كتير فلصيانة قبل ميعادها - واللى اعرفه هيونداى برده بيستهبلو ويعملو كده - النيسان سمعتها وحشة تقلق منها

مع احترامى لكلام حضرتك الانسر دى اكبر اشتغاله ف تاريخ مصر
والمصريين بيشترو عشان كل الناس تقولك يابانى
العربيه دى سعرها عالى جدا على الكماليات بتاعتها
وخصوصا ان اكبر كماليات فيها هى التاره الاسبور
بالنسبه للعربيه من ساعت ما طلعت مفيهاش الا نفس الكماليات ومزودوش عليها غير المرايات الكهرباء
حرام جدا فيها الفلوس
موتور كويس عفشه رياضيه بس لما تركب عربيه 2014 تحس انها هى هى 2000 مفرقتش اى حاجه
العربيه الوحيده المحترمه ف الانسر دلوقتى ال ex لانها عربيه بجد محترمه وخصوصا بعد الموتور ال 1600
وقطع غيار الهيونداى من اول 2012 لحد دلوقتى مرميه ف الحرفيين بالهبل
واعتقد الضمان بيضمن حقك ف قطع الغيار
وفى عربيات كتير جدا جدا تقطع ف الحرفيين وف كل حته
حتى فى المدن التانيه زى طنطا والمحله والمنصوره
تقبلو مرورى وده رائى الشخصى

[drcobra]

والله العربية بعد ما اشترتها كرهتها فترة بسبب الحكة فقط
لما ركبت علايات صغيرة مش كبيرة المشكلة دى قلت بنسبة كبيرة
دلوقتى بحمد ربنا على العربية عاملة 87000 كيلو وعمرها ما زعلتنى
كل اللى غيرتة بطارية فقط
بصراحة العربية تستاهل وجودتها كويسة

[Iso Man]

متشكر جدا على الردود

اللانسر هتبقا اغلى من 130 وللاسف مش هعرف اجيبها وبالنسبه للبيجو في ناس كتير قالتلي بلاش وخليك في الاكسنت كويسه مش وحشه ..
بس هل عيب الحكه ده هيبقا مؤرق يعني .. وهل اقدر اركب العلايات دي في التوكيل نفسه وهل هتبقى غاليه وهل ليها عيوب ... لان بصراحه المنطقه اللي انا فيها ريفيه شوية فكلها مطبات وحفر وكده يعني .. فربنا يستر بقا
ومتشكر جدا على الردود ولو حد عنده اي وجهة نظر تانيه ياريت يقولها لاني للاسف متردد شوية لان دي اول عربيه وكده
ومش كل يوم هنشتري عربيه يعني :d

[amrelsaqqa]

البيجو 301 حتى ولو كان ظهر مشاكل مع بعض الملاك او مشاكل مع التوكيل شايفها مازالت افضل بكتير من الاكسنت واللانسر بومة في كل حاجة ماعدا الانتشار وامكانية عدم الاعتماد الكلى على التوكيل في الصيانة وقطع الغيار وتوفر كل قطع الغيار في كل مكان و كامل العربية انصاص استيراد في الحرفيين ( اللى بيقولوا اصلا هيتمنع خالص قريب )

لو بتدور على العربية المناسبة والافضل كعربية فعلا اتفرج على كل العربيات دى وشوف كل كبيرة وصغيرة فيهم كويس واشتري اللى تستريح لها اكتر وتحس ان فيها فعلا افضل امكانيات واداء مع سعر
اما لو بتدور على العربية الاكثر انتشارا او الاسهل في اعادة البيع او اللى الناس بتقول عليها احسن خد رأي الناس و ساعتها كل الناس هتقولك لانسر واكسنت

[Mico_Mico]

مع احترامى لكلام حضرتك الانسر دى اكبر اشتغاله ف تاريخ مصر
والمصريين بيشترو عشان كل الناس تقولك يابانى
العربيه دى سعرها عالى جدا على الكماليات بتاعتها
وخصوصا ان اكبر كماليات فيها هى التاره الاسبور
بالنسبه للعربيه من ساعت ما طلعت مفيهاش الا نفس الكماليات ومزودوش عليها غير المرايات الكهرباء
حرام جدا فيها الفلوس
موتور كويس عفشه رياضيه بس لما تركب عربيه 2014 تحس انها هى هى 2000 مفرقتش اى حاجه
العربيه الوحيده المحترمه ف الانسر دلوقتى ال ex لانها عربيه بجد محترمه وخصوصا بعد الموتور ال 1600
وقطع غيار الهيونداى من اول 2012 لحد دلوقتى مرميه ف الحرفيين بالهبل
واعتقد الضمان بيضمن حقك ف قطع الغيار
وفى عربيات كتير جدا جدا تقطع ف الحرفيين وف كل حته
حتى فى المدن التانيه زى طنطا والمحله والمنصوره
تقبلو مرورى وده رائى الشخصى

يا باشا انا كل كلامى عالشارك اللى هى الex مش البومة اللى هى jt

[toty_305]

-الاكسنت الحاجة اللي تشدك ليها موتورها فايق جدا و ممتع في القيادة
-بس خد بالك ال Rb sub-compact ( city car يعني لو بتسافر كتير و الطرق غير ممهدة مش هتعرف تمشي على 180 كتير :D
-البيجو 301 بقالها فترة صغيرة و حدث بلا حرج تيل كل 10 آلاف فتيس بينتش بوجيهات و فلاتر كل 10 آلاف كيلو و لسه بقالها بتاع سنة و التوكيل فروعه قليله.

[Ahmed redaa]

متشكر جدا على الردود

اللانسر هتبقا اغلى من 130 وللاسف مش هعرف اجيبها وبالنسبه للبيجو في ناس كتير قالتلي بلاش وخليك في الاكسنت كويسه مش وحشه ..
بس هل عيب الحكه ده هيبقا مؤرق يعني .. وهل اقدر اركب العلايات دي في التوكيل نفسه وهل هتبقى غاليه وهل ليها عيوب ... لان بصراحه المنطقه اللي انا فيها ريفيه شوية فكلها مطبات وحفر وكده يعني .. فربنا يستر بقا
ومتشكر جدا على الردود ولو حد عنده اي وجهة نظر تانيه ياريت يقولها لاني للاسف متردد شوية لان دي اول عربيه وكده
ومش كل يوم هنشتري عربيه يعني :d

ماتشوف الريو فول اوبشن بتقول بابا وماما خليجى ١٣٦٠٠٠

[mummy_47]

حضرتك بتقول انك بتمشي في حفر ومطبات ومناطق ريفية...اعتقد سيارة سيدان وزيرو كمان مش هتبقى مفيدة وهتتعبك وهتغير عفشة على طول....انت محتاج سيارة 4x4 او كروس اوفر 4x2 .....
شوارع مصر كلها حرام فيها الزيرو ..عشان الواحد ميزعلش لو قابل بلاعة في الطريق بدون مناسبة...او قابل مطب عشوائي يدمر الشاسية ...او بقايا مخلفات بناء تقع على العربية وانت راكن ...او واحد بحمار او بتكتك او بترسيكل يحزملك العربية شكل سيريالي ويقولك معلش يا باشا مش قصدي.. العتب على الحمار.. او ممكن حجر عيل كان بيلعب بيه ..وغير كل ده وده..وانت على الدائري تقابلك زلطه من مقطورة تدمرلك الزجاج او ...او ..او ..حضرتك ليسه متعلم السواقه جديد ..راي شخصي..جرب مستعمل الاول لمدة سنتين فقط ..وحافظ على فلوسك او لو مصمم هات كسر زيرو هتوفرلك مش اقل من 20 الى 25 الف ج
وربنا يستر على الجميع

[sssss6001]

انا حجزت عربيه دى واستلمت اشتريت عربيه من توكيل غبور يوم 14-5-2014 عربيه نيو اكسنت ار بى 2015 وليقت مشكله كبيره فيه ياريت حد يدلينى اعمل ايه واتصرف ازى مشكله التكيف العربيه مش كويس ضعيف جدا لحجم العربيه طبعا روحت التوكيل وافاد الفنى مسئول عن صيانه انى هو تكيف كده قولت له امال العربيه الفيرنا مش كده ولا النتر قال دى حاجه ودى حاجه اعمل ايه حزين جدا على سياره وخصوص انه كورى مش تقفلى مصر لو حد عنده مشكله دى ياريت نتوصل عشان نعرف نتصرف معا توكيل اللى خايف منه ان يطلع مكيف صينى ربنا يستر لانى كورى عمره معمل حاجه مش كويسه وده رقمى 01006056381

[sssss6001]

عربيه مش كويسه تكيف فيه مش كويس موديل2015 ورحت توكيل مفيش فايده ابعد عنها

[mummy_47]

انا حجزت عربيه دى واستلمت اشتريت عربيه من توكيل غبور يوم 14-5-2014 عربيه نيو اكسنت ار بى 2015 وليقت مشكله كبيره فيه ياريت حد يدلينى اعمل ايه واتصرف ازى مشكله التكيف العربيه مش كويس ضعيف جدا لحجم العربيه طبعا روحت التوكيل وافاد الفنى مسئول عن صيانه انى هو تكيف كده قولت له امال العربيه الفيرنا مش كده ولا النتر قال دى حاجه ودى حاجه اعمل ايه حزين جدا على سياره وخصوص انه كورى مش تقفلى مصر لو حد عنده مشكله دى ياريت نتوصل عشان نعرف نتصرف معا توكيل اللى خايف منه ان يطلع مكيف صينى ربنا يستر لانى كورى عمره معمل حاجه مش كويسه وده رقمى 01006056381

عشان احنا مبتعلمش من اخطاء الاخرين اللي سبقونا واشتروا واتعاملوا مع التوكيل اللي مش بيحترم عملائة ونرجع نشتري نفس العربيات وبنفس المشاكل او ازيد كمان ....لازم نفهم ان خدمة ما بعد البيع اهم من البيع نفسه ...لكن ارجع اقول لحضرتك اللي حصل حصل وقدر الله وماشاء فعل ومتزعلش..
مفيش غير م. هاني مركز سبيد هو اللي هيقدر يوجهك صح (ت:01060900088 )

[ruaa]

لوسمحت بعد الفتره دي ايه رايكو في العربيه علشان كنت بفكر اشتريها والكﻻم دا خوفني..وايه انسب حاجه في الفئه السعريه دي