فيرنا يا فيرنا

[Mico_Mico]

للاسف ومع عدم اقتناعى بالعربية بس بردو هجيبها عشان قطع غيارها مرطرطة ورخيصة نسبيا - رحت لعمو فالتوكيل بسألو الصيانة كل قد ايه قاللى 5000 ! واللى اعرفو ان الصيانة المفروض كل 10000
المهم واحد اعرفو معاه النترا قاللى انه بينفض ويروح كل 10 مش 5 والعربية مازلت فالضمان وده عكس اللى قالهولى الراجل بتاع التوكيل - مين اللى صح ؟؟

[MEMODINA1]

انا هكلمك عن نفسى ... بص انا من ساعة ما جبت العربية وانا كل خمس الاف بروح التوكيل .. صدقنى جربت كتيير الخامات اللى برة التوكيل كلة مضروب وانا من السويس فعشان كدا معنديش امكانية انى ادور على محلات قطع الغيار ... هتلاقى العملية محدودة والمحلات محدودة .. مش زى القاهرة بورسعيد وكدة .. فبريح دماغى واروح التوكيل ولو غالى شوية ..
لكن الصحيح فى التوكيل هو الذهاب كل 5000 ك .. حسب جدول الصيانة اللى بيجى مع العربية ودا جزء من جدول الصيانة مصورة ليك عشان تتاكد انى الصيانة كل 5000 ك

[shadooow2006]

بص انت الاحسن تروح زي ما جدول الصيانه بيقول كل 5000
عشان حاجات كتير يعني زي تربيط العفشه يعملوا فحص على الماتور على ميه البطاريه

[Mico_Mico]

مفيش مية بطارية انا هجيبها فول اوبشن بتنزل معاها بطارية جافة - السايلة دى فالفاضية

[Dr.M_baz]

امشي على جدول الصيانات الظبوط عشان ﻻ قدر الله لو حصل حاجه كبيرة هيتلككوا بتفويت الصيانه.

Sent from my SM-N9005 using Forum Runner