لقد اتخذت القرار

[Mico_Mico]

بعد شهر ونص مقارنات بين العربيات قررت اجيب فيرنا بس المشكلة رحت التوكيل وقعدت جواها كأنى قاعد على كرسى حشب مختلفتش خالص عن الفيرنات اللى كانت معايا زمان 2006و 2011
السؤال فيه نوع فرش يكون مبطن و طرى وسميك يقلل احساس المعاناة اللى فى قعدة الفيرنا خصوصا لو مسافر بيها
انا فى اسيوط بس اخويا كل شهر فى مصر فلو حد يعرف مكان كويس فيه اللى انا عاوزو ياريت يقوللى بغض النظر عن سعر الفرش

[MEMODINA1]

فى طبعا كتيير انا كنت بتعب منها فى السفر وكمان الكنبة الخلفية كانت متعبة بس نصيحتى ليك .. فى فرش جلد تحتية كسوة من السفنج رقيقة جدا والفرش نفسة الجلد طرى .. دا انا عملتة عندى لون الاسود وعملت خياطة دبل امريكانى ..
الكرسى بقى مريح اكتر ولكن مش الراحة مثلا اللى موجودة فى النترا .. طبعا اقل ولكن فرق كتيير .. وكل عربية حسب فلوسها .. للعلم العربية الفيرنا افضل كرسى فى فئتها افضل من اللانوس وافضل من الرينو وافضل من الافيو ... دا من وجهة نظرى ودى العربيات اللى انا جربتها فى السفر

[Mico_Mico]

هدور عليه فى اسيوط مبدئيا ولو اى حد من الاعضاء عنده رأى مختلف يقول

[eslamaboelkeir]

بعد شهر ونص مقارنات بين العربيات قررت اجيب فيرنا بس المشكلة رحت التوكيل وقعدت جواها كأنى قاعد على كرسى حشب مختلفتش خالص عن الفيرنات اللى كانت معايا زمان 2006و 2011
السؤال فيه نوع فرش يكون مبطن و طرى وسميك يقلل احساس المعاناة اللى فى قعدة الفيرنا خصوصا لو مسافر بيها
انا فى اسيوط بس اخويا كل شهر فى مصر فلو حد يعرف مكان كويس فيه اللى انا عاوزو ياريت يقوللى بغض النظر عن سعر الفرش

كان نفسى افيك بس عاوز اعرف انت خلاص استقريت على الفيرنا خلاص اكيد طيب ممكن تقولى ايه الا اقنعك علشان محتار بينها وبين الايمجراند بس انا ميال اكتر للفيرنا ارجو الافاده وشكرا

[Mico_Mico]

كان نفسى افيك بس عاوز اعرف انت خلاص استقريت على الفيرنا خلاص اكيد طيب ممكن تقولى ايه الا اقنعك علشان محتار بينها وبين الايمجراند بس انا ميال اكتر للفيرنا ارجو الافاده وشكرا

بص يا سيدى الايمجراند فئة من الجيلى الصينى - اتعب واتمشى خطوتين للقسم الصينى هتلاقى واحد مشتكى ان الجنط كان فيه عيب صناعة واتكسر والعربية اتقلبت بيه عالطريق ومماتش بس العربية توتال لوس - الصينى صينى والكورى كورى واليابانى يابانى - وفرق السما عن الارض بين الصينى والكورى وبين الكورى واليابانى فاستحالة افكر فالصينى مهما كان مليان اوبشنز عشان هو فالاخر صينى
انا ظروفى مختلفة عنك وعن اى حد - اتا معايا عربية بسم الله ما شاء الله فولكس بوينتر المانى ملهاش حل صاجها ناشف جدا واثبت مليون مرة مالفيرنا عالطريق وكان فيها زماااااااااااان مشكلة فالكهربا واتحلت ومن ساعتها مفتحتش بقها - بس المشكلة ملهاش قطع غيار ولا حتى فالتوكيل !!!!!!!
ميحلش العقدة دى غير الفيرنا اللى انا جربتها سواقة خمس سنين لما كنت فى شركة ادوية عشان قطع غيارها مرطرطة ورخيصة نسبيا
اللى كان محيرنى فعلا اللوجان مش الايمجراند بس سمعت عن عيوب فنية كتير فيها و غير كده النيو لوجان ملهاش قطع غير فالتوكيل ومضمنش توافرها باستمرار ( وانا معقد من موضوع القطع ) عشان كده قررت ارجع لاصلى واجيب الفيرنا اللى عمرها مفتحت بقها معايا مع انى مكنتش بعملها صيانة هما شوية زيت والفلتر وتيل الفرامل - والكاوتش والبطارية فقط لا غير !

[active]

ممكن تشوف اللوجان الشكل الجديد لو لسه ماشتريتش

[eslamaboelkeir]

بص يا سيدى الايمجراند فئة من الجيلى الصينى - اتعب واتمشى خطوتين للقسم الصينى هتلاقى واحد مشتكى ان الجنط كان فيه عيب صناعة واتكسر والعربية اتقلبت بيه عالطريق ومماتش بس العربية توتال لوس - الصينى صينى والكورى كورى واليابانى يابانى - وفرق السما عن الارض بين الصينى والكورى وبين الكورى واليابانى فاستحالة افكر فالصينى مهما كان مليان اوبشنز عشان هو فالاخر صينى
انا ظروفى مختلفة عنك وعن اى حد - اتا معايا عربية بسم الله ما شاء الله فولكس بوينتر المانى ملهاش حل صاجها ناشف جدا واثبت مليون مرة مالفيرنا عالطريق وكان فيها زماااااااااااان مشكلة فالكهربا واتحلت ومن ساعتها مفتحتش بقها - بس المشكلة ملهاش قطع غيار ولا حتى فالتوكيل !!!!!!!
ميحلش العقدة دى غير الفيرنا اللى انا جربتها سواقة خمس سنين لما كنت فى شركة ادوية عشان قطع غيارها مرطرطة ورخيصة نسبيا
اللى كان محيرنى فعلا اللوجان مش الايمجراند بس سمعت عن عيوب فنية كتير فيها و غير كده النيو لوجان ملهاش قطع غير فالتوكيل ومضمنش توافرها باستمرار ( وانا معقد من موضوع القطع ) عشان كده قررت ارجع لاصلى واجيب الفيرنا اللى عمرها مفتحت بقها معايا مع انى مكنتش بعملها صيانة هما شوية زيت والفلتر وتيل الفرامل - والكاوتش والبطارية فقط لا غير !

كلام حضرتك جميل انا عمرى ما فكرت اشترى حتى تليفون صينى علشان مش مقتنع بيه اصلا ومع ذلك انا عندى اجيب فيرنا اضمن هى الاختيار الامثل للهبل بتاع الاسعار لليومين دول فى جنان فى اسعار الزير فعلا بيقى مفيش غير الفيرنا على قد امكانيتى او الانوس

[Mico_Mico]

كلام حضرتك جميل انا عمرى ما فكرت اشترى حتى تليفون صينى علشان مش مقتنع بيه اصلا ومع ذلك انا عندى اجيب فيرنا اضمن هى الاختيار الامثل للهبل بتاع الاسعار لليومين دول فى جنان فى اسعار الزير فعلا بيقى مفيش غير الفيرنا على قد امكانيتى :u_thin1[1]: او الانوس

اللى اعرفه ان لانوس ون احسن واحدة - بعد كده لانوس 2 اوحش - بعد كده شيفروليه لانوس اوحش واوحش - بس هى مكنتش معايا ومهتمتش انى اجمع معلومات عنها بس مظنش هتبقى احسن مالفيرنا
والله اعلم

[Mico_Mico]

عشان موضوع الاسعار ده قرر وخلص على طول - عشان لو هتجيب مالتوكيل غالبا هتستنى اسبوع او اتنين ولو زاد تمن العربية هتتحمل الزيادة ولو عاوز تسترد مبلغ الحجز هتاخده بس بردو هتبقى مجبتش عربية
انا عاوز اخلص النهاردة قبل بكره بس ابويا عنده اعتقاد ان الناس فالشوارع مش هتسيب عربية الا لما تكسرها وتولع فيها بعد الانتخابات !!!!!!!! وهو مستنى الانتخابات تعدى ويلاقى العربيات سليمة فالشوارع عشان يجيب !!!!!!!!!!!!
فانت انجز لو مقتنع باختيارك قبل مالاسعار تولع وعلى فكرة اللانسر لسه سامع حالا انها زادت 5000

[eslamaboelkeir]

عشان موضوع الاسعار ده قرر وخلص على طول - عشان لو هتجيب مالتوكيل غالبا هتستنى اسبوع او اتنين ولو زاد تمن العربية هتتحمل الزيادة ولو عاوز تسترد مبلغ الحجز هتاخده بس بردو هتبقى مجبتش عربية
انا عاوز اخلص النهاردة قبل بكره بس ابويا عنده اعتقاد ان الناس فالشوارع مش هتسيب عربية الا لما تكسرها وتولع فيها بعد الانتخابات !!!!!!!! وهو مستنى الانتخابات تعدى ويلاقى العربيات سليمة فالشوارع عشان يجيب !!!!!!!!!!!!
فانت انجز لو مقتنع باختيارك قبل مالاسعار تولع وعلى فكرة اللانسر لسه سامع حالا انها زادت 5000

احنا شكلنا اخوات علشان ابوك زى ابويا مقلق من موضوع الانتخابات ده وخايف برده وايه الانسر الا زادت 5000 البومه ولا ايه الشارك

[Mico_Mico]

الشارك
البومة مش عارف اقولك ايه - بس تعيش انت

[drcobra]

جنز كار محترمين جدا ويعملولك اللى انت عاوزة

[Mico_Mico]

جنز كار محترمين جدا ويعملولك اللى انت عاوزة

شكرا على مشاركتك بس انا مقدرش اودى العربية مصر او مش عاوز
انا ممكن اجيب الفرش من مصر واركبو فى اسيوط - لو هما بيبيعو الفرش من غير تركيب وعندهم اللى انا عاوزو يبقى تمام
وانا فعلا سمعت عنهم فالمنتدى قبل كده كان حد بيشكر فيهم

[Mohamed.Yousri]

السلام عليكم

انا اخر سعر سمعته في الفيرنا الاتوماتيك عند غبور كان 92 الف جنيه و حرام جدا السعر ده بصراحه تركب بيه اكسنت ار بي موديل السنه اللي فاتت ولا اللي قبلها افضل بكتير

الاسعار كلها فووووووق و كل كام اسبوع السعر بيزيد بالالف و الالفين جنيه ,, انا كنت حاجز ار بي كانت بـ123500 علشان الاتوماك و كان سعرها 126000 ,, لما رحت استلم لقيتها بقت عامله 126500 يعني غلاها 500 جنيه و دي اول فئه اتوماتيك

الافيو بقت عامله 102 الف اول فئه اتوماتيك و عربيه فقيره جدا بصراحه في الامكانيات ف لو تقدر انك تجيب حاجه اعلي من الفيرنا بالفلوس دي لو كسر زيرو اعتقد انه ممكن يكون اختيار افضل

الفيرنا مش هتغلبك في استلامها من غبور بس علي الاقل اسبوعين

موفق ان شاء الله

[Mico_Mico]

السلام عليكم

انا اخر سعر سمعته في الفيرنا الاتوماتيك عند غبور كان 92 الف جنيه و حرام جدا السعر ده بصراحه تركب بيه اكسنت ار بي موديل السنه اللي فاتت ولا اللي قبلها افضل بكتير

الاسعار كلها فووووووق و كل كام اسبوع السعر بيزيد بالالف و الالفين جنيه ,, انا كنت حاجز ار بي كانت بـ123500 علشان الاتوماك و كان سعرها 126000 ,, لما رحت استلم لقيتها بقت عامله 126500 يعني غلاها 500 جنيه و دي اول فئه اتوماتيك

الافيو بقت عامله 102 الف اول فئه اتوماتيك و عربيه فقيره جدا بصراحه في الامكانيات ف لو تقدر انك تجيب حاجه اعلي من الفيرنا بالفلوس دي لو كسر زيرو اعتقد انه ممكن يكون اختيار افضل

الفيرنا مش هتغلبك في استلامها من غبور بس علي الاقل اسبوعين

موفق ان شاء الله

والله كل الكلام ده عارفو وكنت عاوز اجيب بومة مستعمل بس البيت رافض المستعمل حتى لو كسر زيرو الا من حد معرفة وثقة عشان خوازيق المستعمل - قالك ايه اللى رماك عالمر