خطوات تجديد الرخصة ترخيص - ارجو الرد

[john_zakaria]

انا رخصتي انتهيت و عايز اعرف ايه هي خطوات تجديد الرخصة في مرور شيراتون بالتفصيل علشان دي اول مرة اعمل تجديد الرخصة.
العربية موديل 2013 - قسط عن طريق البنك و عليها حظر بيع

انا جبت جواب من البنك و جددت التأمين بس عايز اعرف اروح اعمل ايه هناك في مرور شيراتون بالترتيب.

مع العلم اني غيرت عنوان البطافة ... هل ده يفرق معايا في حاجة؟؟

ارجو النصيحة و بالخطوات علشان ماروحش هناك الف حوالين نفسي

شكراً للكل

[Mohamed Bander]

لو معاك ايصال كهربا فيه العنوان اللى فى الرخصة ممكن تمشى

[s7oda]

تسحب استمارة موجه للنيابة وتدخل على الموظف يملهالك من الملف وتختمها من رئيس الوحدة وتروح النيابة تشوف مخالفاتك وتدفعها ...وبعدين تيجب الشهادة بتاعة المخالفات وتدفع التامين الاجباري (108 جندي )وتروح للموظف بتاع تجديد التراخيص الملاكي هيقولك هات ورقة حافظة علشان الضريبة (تدفع تقريبا 283 جندي للسنة الواحدة ) وتجيب معاك من الخزنة استمارة تجديد ب (10 جندي ) وتجيب 2 استمارة بيانات مركبة وتدخل على الموظف بالاوراق دي كلها وتجبلة الملف ..يملاء الاستمارات وياخذ منك الرخصة وهيشوف البطاقة طبعا وبعدين يقولك استنا شوية لحد ما الرخصة تستوي وبس كدة ....
الف مبروك الرخصة اتجددت .....

[s7oda]

وطبعا انت مش هتفحص علشان تاريخ اول فحص 3 سنوات
وعلى فكرة انا لسة مجدد من يومين ....رحت يوم 27/ 4 وخلصت يوم 28/4 استلمت الرخصة