اشترى قطع غيار من موزع معتمد و لا من التوكيل

[hobaus3000]

انا نفسى حد بيفهم يقوللى ايه الفرق بين قطع غيار موزع معتمد و بين التوكيل فى هيونداى انا سألت على فلتر بنزين ماتريكس فى التوكيل لقيتة 192 جنية عند الموزع المعتمد لهيونداى تقريبا 150 جنية او اقل طب ليه وازاى معتمد و غبور يديلوه قطع الغيار الاصلية بسعر اقل و يضرب نفسه و لا هى مش اصلية ولا ايه عايز افهم
بس يارب تردوا عليا الموضوع ده مهم

الحاجة التانية ايهم يفضل انه يتجاب اصلى فلتر الهوا بتاع الموتور و لا فلتر التكييف بمعنى ايهم ممكن يأثر على ايه لو مش اصلى ؟

[blazer]

تقريبا بيبقى ارخص لان الموزع مبيدفعش ضرايب على القطع دى لما بيبعهالك
او عشان بيشترى كمية كبيره منه
و الفلاتر اشترى الاتنين مش شرط الاصلى الى فى التوكيل
هتلاقيهم عند الموزعين بسعر مش غالى

[mhkorayem]

الموزع المعتمد بيبقى ارخص طبعاً من التوكيل عشان بياخد الحاجه بنسبه خصم حضرتك لما بتروح تشتريها بنفسك من التوكيل مش بتاخده
ممكن تكلم الوكيل وتسأل على اقرب موزع معتمد ليك وهما هيقولولك على الموزعين المعتمدين اللي في المنطقه بتاعتك واللي هيقولولك عليه اشتري منه وانت مطمن

[mhkorayem]

معلش نسيت أقوم معاك بالواجب
بما انك من ملاك الماتريكس اللي أنا بحبها وبقدرها جداً أحب اهديك اللينك ده ممكن يفيدك ولو اشتريت او سألت على اي قطع غيار اصليه ياريت لو تضيفها للموضوع عشان الافاده

http://www.nilemotors.net/Nile/412606-a.html

نصيحه اخيره اي حاجه هتجبها للعربيه حاول تجيبها الاصليه (متبخلش على الماتريكس تديك عنيها )