حاجات ضايقتني في النترا 2009 كنت جايبها زيرو

[dr_abooody]

السلام عليكم

معايا النترا 2009 مانيوال كنت شاريها زيرو

بعمل صيانات دورية في التوكيل

المهم اول حاجة انا رجلي مش تقيلة على الدبرياج و في الاشارات بمور العربية دايما المشكلة ان عند عداد كيلو متر 75 الف فجاة لقيت صوت خروشة جامد لما بدوس دبرياج فكشفت قالي طقم الدبرياج كلة عايز يتغير ؟؟ استغربت انا اصلا شغلي في التجمع و مش بقف في زحمة غير نادرا المهم غير تها و دفعت 1600 ج

دلوقتي بعدها بشهر و انا ماشي سامع صوت طقطقة قدام كشفت تاني قالي صباعين الميزان الاماميين عايزين يتغيروا

و بالمرة كمان بدا الماش يعتل ؟؟؟

هو لية الحاجات دة كلها بتحصل دة غير الازاز اللي عطل و صلحتة

المشاكل دة عادية و لا في اية بالظبط ؟؟؟؟؟ و العربية لسة ما جابتش ال 100 الف

[hany63]

كل ده يعتبر عادي و اقل من العادي كمان

[Ahmed Saad]

لا ياباشا عادي زي ماتقول ابتدت تدلع عليك شويه

[monamize4]

عادى ياباشا ,, كلها حاجات استهلاكية و انتهى عمرها

[shiko85]

بعد 4 او 5 سنين شغل اكيد فيه حاجات لازم تتغير

[aymanshebl]

عادى ما فيش مشكلة هى بس صدفت ان كله جه ورا بعضه

[kazamodia]

هي دي اعتمادية الكوري والفرق بينه وبين الياباني

[Mohamedjetta]

حضرتك ده عادي جدا وحظك كده انا برضو حصلي نفسك بس حاجات مختلفه

[hugan]

اللي مش عادي طقم الدبرياج

ممكن العربيه وفي الغالب الطقم الاصلي يعيش معاك اكتر من 80 الف

اللي خلي الصيني يقعد معايا 120 الف وماتغيرش
خاصه ان مشاويرك طوالي

[Ahmed_Eldesoke]

طالما قطع استهلاكية يا باشا يبقى ما تقلقش