النترا 2009

[Mohamed_abdo]

انا سافرت باللنترا 2009 الصعيد 850 كيلو رايح جاى وعندى كام استفسار مهم جدا

1 : العربية بتحدف جامد احيانا شمال واحيانا يمين وانا مضبط الزوايا والترصيص مرتين وضغط الهواء كويس ومش عارف السبب ايه
2 : العربية عومت جامد وكنت حاسس انى مش مسيطر عليها فى بعض الاحيان
3 : صوت الماتور عالى شويتين بعد 130 كلم

ايه رايكم اللى ممكن يكون بيعمل كده

[Mohamed_abdo]

متابع

[shiko85]

انا سافرت باللنترا 2009 الصعيد 850 كيلو رايح جاى وعندى كام استفسار مهم جدا

1 : العربية بتحدف جامد احيانا شمال واحيانا يمين وانا مضبط الزوايا والترصيص مرتين وضغط الهواء كويس ومش عارف السبب ايه
ممكن عيب طريق و ممكن من توزيع الوزن داخل العربيه مع السرعه
2 : العربية عومت جامد وكنت حاسس انى مش مسيطر عليها فى بعض الاحيان
ممكن حضرتك من الأجهاد تكون سرحت مثلا او عيب فعلبة الدريكسيون
3 : صوت الماتور عالى شويتين بعد 130 كلم
طبيعى علشان لفات الموتور زادت
ايه رايكم اللى ممكن يكون بيعمل كده

[Mohamed_abdo]

شكرا يا باشا
بس موضوع الطريق ده لا مش مقتنع لانى بحس ان الدركسيون بيبقى تقيل وانا ماسكه وبوجه الناحية التانية

[mohamedrabia]

العربيه بتحدف جامد مع الفرامل ولا بدون فرامل وانت ماسك الدركسيون بتحدف ولا لا لانه ممكن يكون مع الفرامل مش هتبقي مشكله ظبط زوايا ممكن يكون مساعدين .... عومت منك العربيه يعني انت كنت بتجري علي سرعات اكتر من 150 وده طبيعي تعوم منك لانها خفيفه .... صوت الماتور عالي بعد 130 ده حسب ضغط رجلك علي البنزين انكا الصوت المفروض انه معقول مش عالي

[shiko85]

شكرا يا باشا
بس موضوع الطريق ده لا مش مقتنع لانى بحس ان الدركسيون بيبقى تقيل وانا ماسكه وبوجه الناحية التانية

يا باشا العفو
الكاوتش كله نقشه واحده ؟؟ نوع واحد ؟؟
اتأكد من ضغط الهواء انه مظبوط, اتأكد بنفسك مش من بتاع الكاوتش او شوف بنزينه فيها مقياس ضغط ديجيتال

[Mohamed_abdo]

بتحدف من غير فرامل والكاوتش كله نقشة واحدة بس الهواء كان شديد شوية وانا ماسك الدريكسيون تحس انه بياخدنى غصب عنى للناحية اللى بيحدف فيها وتحس بثقله وانت بتوجهه الناحية التانية

[Mohamedjetta]

بتحدف من غير فرامل والكاوتش كله نقشة واحدة بس الهواء كان شديد شوية وانا ماسك الدريكسيون تحس انه بياخدنى غصب عنى للناحية اللى بيحدف فيها وتحس بثقله وانت بتوجهه الناحية التانية

طالما ضغط الهوا كان شديد يبقي عادي انا عندي الجيتا ف الهوا الشديد اوي ومع السرعه بتحدف سنه بسيطه لو مش ماسك الدريكسيون كويس بس لو متحكم الصح ع الدريكسيون مش بتحدف فأعتقد اللي عندك سببه الهوا عشان العربيه خفيفه

[Mohamedjetta]

وافتكر لما كان عندنا لانسر كانت بتحدف مع الهوا الشديد و بتعوم بعد 150 اعتقد اللي عندك عادي

[shiko85]

بتحدف من غير فرامل والكاوتش كله نقشة واحدة بس الهواء كان شديد شوية وانا ماسك الدريكسيون تحس انه بياخدنى غصب عنى للناحية اللى بيحدف فيها وتحس بثقله وانت بتوجهه الناحية التانية

كل ما تزيد سرعه العربيه مع وجود هواء شديد فالمقابل او من الجنب طبيعى العربيه تعوم منك
فيه عربيات ملحوظ فيها الموضوع ده من اول 80 كم/ساعه و بتختلف من عربيه لعربيه حسب الأرتفاع و الوزن و السرعه و مقاس الكاوتش و طبعا اهم حاجه الــ Aerodynamic shape

[tito32]

ممكن ده كله يكون من الهوا مع السرعه لانها عربيه خفيفه

[mohamedrabia]

انا سمعت المشكله دي امبارح من واحده معاه النترا 2010 وقالي ان ناس كتير عرف منهم ان مقاس كاوتش 15/65/195 بيثبت العربيه كويس ... مش عارف مدي صحة الكلام دها

[shiko85]

انا سمعت المشكله دي امبارح من واحده معاه النترا 2010 وقالي ان ناس كتير عرف منهم ان مقاس كاوتش 15/65/195 بيثبت العربيه كويس ... مش عارف مدي صحة الكلام ده

كل ما عرض الكاوتش يزيد كل ما الثبات يزيد

[Ahmed_Eldesoke]

ممكن يا باشا الحدفة دي تكون من الهوا
حاول تفتكر كدا كانت بتحدف يمين وبعدها شمال ولا مثلا طول طريق الذهاب يمين وطول طريق العودة شمال دا كدا يبقى من الهوا على طول او ميل فى الطريق

حاول تفتكر وحاول تمشي بيها جوا البلد وشتوف الحدفة لسة موجودة ولا لا ؟

وما تقلقش انا معايا النترا 2013 بتحدف مني بسبب الهوا وخصوصا لما اعدى جنب تريلا على سرعة عالية