النترا 2006

[koky130]

السلام عليكم ورحمة الله وبركاته
ازيكو يا اجدع منتدى برجلته...
ليا استفارين بعد اذنكو..
اوﻻ.. قدامى النترا 2006 فبريكة بره وجوه مفيهاش خربوش بره ماشية 50الف الاستبن منزلش الارض مانيوال عربية متحلش فيها مسمار صاحب عايز فيها 83 ووصلنا ل 80 ايه رأيكو ؟
ثانيا .... النترا 2006 ولا 2008 والسعر مقارب جدا ...
واشكركم علي تعاونكم برأيكم
وجزاكم الله خيراً

[shiko85]

وعليكم السلام ورحمة الله وبركاته
عربيه بالمواصفات دى تعتبر ممتازه لكن 80 الف كتير على عربه مانيوال موديل 2006
العربيه دى واخده سمعه فالسوق المصرى على انها احسن النترا فالدنيا و ان هيونداى مش عارفه تعمل عربيه زيها تانى و دا مجرد كلام سوق (انا عارف ان كلامى ممكن يزعل اعضاء كتير)
بخصوص ال 2008 ايه مواصفاتها ؟؟ و هل الــ 2 ملك شخص واحد ؟؟

[koky130]

شكرا لردك الجميل بس بجد العربية الشكل القديم جميلة ثبات وجري واقتصادية بنزين وقطع غيار وكلها حاجات الفيرنا تقريبا والعربية دى زى مابيقولوا عاملة زى المخدرات واللي معاه مش بيبعها بالساهل ...
بالنسبة للشكل ال2008 اوتومتيك وخده حزام فيها فوجات بس ب 84..
فمحتار ؟؟؟

[shiko85]

شكرا لردك الجميل بس بجد العربية الشكل القديم جميلة ثبات وجري واقتصادية بنزين وقطع غيار وكلها حاجات الفيرنا تقريبا والعربية دى زى مابيقولوا عاملة زى المخدرات واللي معاه مش بيبعها بالساهل ...
بالنسبة للشكل ال2008 اوتومتيك وخده حزام فيها فوجات بس ب 84..
فمحتار ؟؟؟

الشكل اللى بعديها نفس الكلام و يزيد عليها الموتور احدث بس الفرق فالثبات و ده على السرعات العاليه و ممكن لو ركبت كاواتش عريض يتحسن الثبات بشكل ملحوظ و مطلوبه جدا جدا
لو انا مكانك اختار الــ 2008 لانها اوتوماتيك و سعرها ممتاز جدا بس اهم حاجه حالة الماتور و ماشيه كام كم ؟ و الصيانات

[msobhy]

اركب العربيتن وقرر
وجهة نظرى
ال 2006 ثابته جدا - والصاج بتاعها احسن من صاج ال 2008
بعد كده حدث ولا حرج على ال 2008 أحسن فى كل حاجه بلا استثناء
شكل خارجى - شكل داخلى - تسارع - استهلاك بنزين - موديل احدث - توافر قطع الغيار الاستيراد بتاعتها بكثره

لو مكانك مش هافكر لسبب بسيط
وجهة نظرى ان ال 2006 توبها 60-65 الف واذا كانت لقطه توصل ل 70 غير كده يبقى الفارق انت اللى هاتتحمله لو حبيت تبيع العربيه بعد كده

[koky130]

شكرا يا استاذ شيكو رأيك 2008 افضل يعنى ؟؟
هيه ماشية 128 الف بس عايزة شوية مصروف علي العفشة ... مشكر جدا لرأيك الجميل :)

[koky130]

وجهه نظرك جميلة وانا محترمها جدا بس فيها حاجتين البنزين 2008 بتاكل بنزين جامد اوى عكس الشكل القديم والحاجة التانية سعر2006 عالي اوى اليومين دول ... بس بصراحة كل كلامك صح جدا شكل وموتور وفتيس وفخامة وموديل ... اشكرك جدا لاهتمامك واحترم وجهة نظرك

[shiko85]

شكرا يا استاذ شيكو رأيك 2008 افضل يعنى ؟؟
هيه ماشية 128 الف بس عايزة شوية مصروف علي العفشة ... مشكر جدا لرأيك الجميل :)

يا فندم العفو
128 الف للأسف كتير بس منطقى معدل 20 - 25 الف فالسنه
المهم تكشف عليها كويس جدا و بالنسبه للعفشه ايه اللى محتاج يتغير؟
بس على العموم سعرها مقبول جدا بس اكشف عليها علشان ممكن تكون محتاجه مصاريف تانيه

[shiko85]

2008 بتاكل بنزين جامد اوى عكس الشكل القديم

حضرتك تعرف معدل استهلاك الــ 2006 كام و الــ 2008 ؟؟
صعب جدا نحكم على استهلاك بنزين لان ببساطه لازم الظروف تكون واحده - نفس الطريق - نفس السرعه - و هكذا

[koky130]

اصلا العربية انا ماشي بيها بقالي 3 ايام بس مدفعتش حاجة المهم هوه مركب جنط 17 وكاوتش سيفتى والعرببة مع لف الطارة صوت تزييء ولو في مطب وهيه طالعة ةهيه نازلة صوت تزييء بردو فممكن تكون المشكلة في الجنط .... فحاليا انا معايا الغلوس ومش عارف اعمل ايه :) امممممم

[shiko85]

اصلا العربية انا ماشي بيها بقالي 3 ايام بس مدفعتش حاجة المهم هوه مركب جنط 17 وكاوتش سيفتى والعرببة مع لف الطارة صوت تزييء ولو في مطب وهيه طالعة ةهيه نازلة صوت تزييء بردو فممكن تكون المشكلة في الجنط .... فحاليا انا معايا الغلوس ومش عارف اعمل ايه :) امممممم

الصوت ده وانت بتلف الطاره و العربيه ماشيه ؟؟ ولا و هى واقفه ؟؟
تزييق فالمطبات يبقى مساعدين - او سوست - او العفشه محتاجه تربيط
عدى على واحد بتاع عفشه محترم و خليه يكشف على العفشه و لو تعرف ميكانيكى كويس بشيك على الماتور و الفتيس و لو الدنيا تمام اطلع على بنزينه او مركز صيانه و اكشف عليها تانى

[koky130]

خلاص اوك هنزل كده واشوف حالتها كويس يعنى حضرتك شايف ان لو الدنيا تمام اخلص فيها احسن من الشكل القديم :)

[shiko85]

خلاص اوك هنزل كده واشوف حالتها كويس يعنى حضرتك شايف ان لو الدنيا تمام اخلص فيها احسن من الشكل القديم :)

احسن ان شاء الله بس اكشف كويس جدا بلاش استعجال و اكشف عند حد امين و مبروك مقدما

[mummy_47]

شكرا لردك الجميل بس بجد العربية الشكل القديم جميلة ثبات وجري واقتصادية بنزين وقطع غيار وكلها حاجات الفيرنا تقريبا والعربية دى زى مابيقولوا عاملة زى المخدرات واللي معاه مش بيبعها بالساهل ...
بالنسبة للشكل ال2008 اوتومتيك وخده حزام فيها فوجات بس ب 84..
فمحتار ؟؟؟

ليه عاملة زي المخدرات...وليه متتبعش بالساهل....لو حد جرب العربيتين يقولنا

[koky130]

انا مجرب العربتين بس ال2008 لسه مجربها من يومين مشي وسواقه بس بدون قطع الغيار والتفاصيل ولكن كان معايا 2006 فترة كانت عربية ممتازة وبتكره الصنيعية وحاجات رخيصة جدا وبنزين اقتصادية جدا جدا 320 لتر في الصفيحة وجري وشد وتكييف تلاجة وجايب بيها 180 وما شاء الله ثبات ... فعشان كده بقول عاملة زى البدرة و اللي معاه ماسك فيها بس انا كنت حابب اعرف اكتر عن 2008