استفسار عن تكييف الفيرنا بيأثر على الماتور ولا لا

[mohamedvip]

السلام عليكم ورحمة الله وبركاتة
ياجماعة انا عايز اعرف هل تشغيل تكييف الفيرنا ليه تأثير على الماتور ولا لا
لانى سئلت فى الموضوع دا والاراء مختلفة ناس بتقول ولا لية اى تأثير غير على سرعة العربية فقط وناس بتقول بيبوظ الماتور وناس تانية بتقول لو مشغلو على طريق سفر عادى وناس تانية بتقول الافضل تشغلو وانتا ماشى على سرعة بطيئة وطبعا انا مش عارف فين الصح من الغلط .

فأنا عايز اعرف منكم هل التكييف ليه تأثير على الماتورولا لأ والكلام دا منطبق على السخن والبارد لان انتو عارفين ظروف الصيف فانا مش عارف تشغيل التكييف غلط على العربية ولا عادى فياريت تجاوبونى اجابة اكيدة عشان اعرف الص وجزاكم الله كل خير.

[D.Ahmed Ismail]

بص هوه بياثر علي السحب بلا شك.. ولكن هيا سحبها حلو
موضوع انه يضر الموتور ماظنش انه له تاثير يذكر ولكن الموتور بيبقي فايق جد من غير تكيييف
فمتشغلش بالك و شغله
انا فية اسابيع ازاز العربيه مش بينزل و التكييف شغال علي كل السرعات

[Idisagree]

"بيبوظ الموتور" ده فتى ومالوش تفسير مقنع.
لكن التكييف فعلا بيحمل على الموتور وبيقلل من سحب العربية سنة (بياخد من خرج الموتور), ممكن تلاحظها أو لأ حسب تعودك على العربية وأحتياجك لأدائها.

[J A G U A R]

افضل حاجتين فى الفيرنا الماتور القوى والتكييف القوى و مش هتلاقى ليه تأثير على الماتور

[micromoud]

طب انت لو كل يوم وانت مروح من شغلك وركبت معاك اتنين زمايلك عشان توصلهم فى سكتك هل ده ليه تأثير على الموتور؟


الاجابة اللى هتوصلها هى الرد على موضوعك.

[صفوت المصرى]

السلام عليكم
انا عندى مشكله بجد مدايق اوى العربيه فيرنا 2007 من حوالى شهر سمعت صوت سير بيصفر وده كان من سير الباور قالوا غير ماكتة الباور غيرت الماكنه والصوت موجود قالوا عندك البطاحه اليمين هارشه غيرتها فى الاخر غيرت السير الصوت خف اتفاجئت ان شيال الدينمو مكسور بنطته الصوت اختفى لكن للاسف اليوم بالليل حسيت الصوت بتاع السير ابتداء يرجع تانى حد يساعدنى اعمل ايه

[Ahmed El Shamy]

السلام عليكم
انا عندى مشكله بجد مدايق اوى العربيه فيرنا 2007 من حوالى شهر سمعت صوت سير بيصفر وده كان من سير الباور قالوا غير ماكتة الباور غيرت الماكنه والصوت موجود قالوا عندك البطاحه اليمين هارشه غيرتها فى الاخر غيرت السير الصوت خف اتفاجئت ان شيال الدينمو مكسور بنطته الصوت اختفى لكن للاسف اليوم بالليل حسيت الصوت بتاع السير ابتداء يرجع تانى حد يساعدنى اعمل ايه

ممكن يكون السيرمحتاج ينشد عليه ويمكن أنت جايب سير مش أصلي علشان كدة ييصفر
استشير المهندس هاني مركز سبيد سيرفس حيفيدك ان شاء الله حتلاقي ليه موضوع علي المنتدي

[mohamedvip]

الف شكر لكل شخص افادنى بالموضوع
والحمد لله انكو طمنتونى عشان الواحد لو شغل التكييف يشغلو وهو مطمن
وبالنسبة انه بيأثر على سحب العربية هو فعلا فى تأثير وانا بلاحظ عن تشغيل التكييف سحب العربية بيقل شوية
جزاكم الله كل خير جميعا