عفشة الفيرنا

[kayyali]

السلام عليكم،
انا عندي فيرنا ٢٠١٢ و العفشة بتاعتها ناشفة، كل المطبات او الحفر بحس انها بتخبط في دماغي، مع العلم امي لما اركب تاكسي فيرنا بحس ان العفشة ناعمة جدااا.

لما بربط عفشة بتبقي احسن شوية لمدة يوم و بعد كدة ترجع تاني.

ممكن حد يفدني بواحد بتاع عفشة امين علشان انا مليش في العربيات نهائي و مش عاوز حد يضحك عليه. و يا ريت لو في مدينة نصر، مصر الجديدة، جسر السويس او المعادي.

شكراااا

[إبراهيم المصرى]

اى ميكنيكى ممكن يربط العفشه
والاحسن روح لبنزينة محترمه فيها ظبط زوايا واكشف بالكميوتر لو محتاجة ظبط بس هيظبطهالك
لو محتاجة تربيط ممكن يبقى عندهم تربيط
وحاول فى مرة تغسل العربية من تحت بالاخص العفشه وبعد ماتنشف خلى ميكانيكى يرش على الاجزاء اللى بتتربط wd اسبراى وبعد شويه يربط حتجيب رباط افضل

[kayyali]

شكرا يا باشا، يعني مش محتاجة واحد بتاع عفشة ؟ بس تربيط ؟ و الاسبراي wd بيتباع فين ؟ و ينفع اعمل الكلام ده في بنزينة زي وطنية؟ شكرا

[tameem2010]

عفشة الفيرنا ناعمه وكويسه
لو مش بتسمع صوت خبط ورزع فيها من تحت يبقى العفشه سليمه
المشكلة عندك ممكن تكون اما في نوع الكاوتش ممكن يكون كاوتش ناشف مش طري
او ممكن يكون في ضغط الهوا بتاع الكاوتش
طالما مفيش صوت خبط من تحت او العربيه مش بتعوم منك وانت ماشي يبقى العفشه سليمه

[إبراهيم المصرى]

شكرا يا باشا، يعني مش محتاجة واحد بتاع عفشة ؟ بس تربيط ؟ و الاسبراي wd بيتباع فين ؟ و ينفع اعمل الكلام ده في بنزينة زي وطنية؟ شكرا

العفو يا باشا وبنزينة وطنيه كويسه والاسعار كويسه والاسبراى بيتباع عند بتوع الاكسسوار واى خدمة

[kayyali]

شكرا يا استاذ تميم، العربية مش بتعوم مني و مفيش صوت خبط تحت العربية فعلا، طيب يعني هي مشكلة كاوتش؟ لو عايز اجيب جنوط اجيب ايه علشان العربية تبقي ناعمة، ولا اسئل مين كويس في الكاوتش انا محتاج اغير ولا لا؟ . انا اخري في الجري ١٤٠ ده علي طريق السخنة مثلا، فانا مبجريش تقريبا.

[kayyali]

شكرا يا استاذ ابراهيم، انا هاعمل كده و هاقولك ، شكرا

[kayyali]

يا شباب انا عاوز اروح لواحد يقولي انت عندك كذه و محتاج تعمل كذه و يكون امين. انا روحت التوكيل و طلعوا نصابين قالولي تغير ٤ فرد كاوتش و مساعدين و حاجة اسمها جلب تقريبا

[إبراهيم المصرى]

شكرا يا استاذ ابراهيم، انا هاعمل كده و هاقولك ، شكرا

العفو يا باشا وياريت تقولنا وتطمنا على الفيرنا عملت ايه وعشان نستفاد كلنا وبالتوفيق

[alpoka779]

لو بتحس باحتكاك الكاوتش مع الارض ومش حاسس بنعومه ارجوك رد علينا بعد حل المشكله عشان انا تعبان من كده

[mshmshm3]

متابع انا كمان عندي نفس المشكلة

[alpoka779]

متابع انا كمان عندي نفس المشكلة

بقول لحضرتك يا باشا ياريت نخلينا علي تواصل عشان انا عملت كل حاجه ولسه اخر حاجه واحد قالي غير الجنوط الاسبور بجنوط حديد عاديه بس لسه مجربتش ده

[kayyali]

لو بتحس باحتكاك الكاوتش مع الارض ومش حاسس بنعومه ارجوك رد علينا بعد حل المشكله عشان انا تعبان من كده

انا مبحسش بالكاوتش او مش فاهم اوي، بس كل اللي بيحصل ان العفشة ناشفة و كل الحفر بحس بيها جامد جدا غير لما اركب مع تاكسي او فيرنا تانيه

[kayyali]

لو عرفت الحل هاقولكم علشان الناس تستفاد

[kayyali]

بقول لحضرتك يا باشا ياريت نخلينا علي تواصل عشان انا عملت كل حاجه ولسه اخر حاجه واحد قالي غير الجنوط الاسبور بجنوط حديد عاديه بس لسه مجربتش ده

معتقدش ان دي المشكلة، علشان انا عندي الجنوط الحديد الفابريكة.