استفسار ضرورى لسنتر بتاع نيو النترا

[sewefy]

عاوز اعرف حاجه قرفانى ومجننانى فى السنتر ومش عارف ايه حلها لما بقفل السنتر العربيه بتقفل كل البيبان عادى بس مع الاسف اى طفل صغير يقدر يفتح السنتر من جو بس الباب الخلفى لا الباب السواق واللى جنبه يفتح عادى مع انى قافل السنتر يا ريت اللى معاه العربيه يدخل ويقولى اعمل ايه

[azwoz65]

أخى العزيز افتح الباب وستجد بجانب الباب ( لوك ) ( وأن لوك ) خاص بمنع فتح الباب من الداخل وهذا معمول خصيصاً لكى يمنع الاطفال من فتح الباب من الداخل
وأن شاء الله هتلاقيه عندك فى المكان اللى فيه السهم اللى ذى الصورة دى

[baherhassan30]

للاسف مالهاش حل .. لان الطبيعي ان الاطفال بيركبوا ورا لسلامتهم ..
امال البيبان الامامية انا ملقتلهاش حل خالص .. ولما سألت عرفت انه لايمكن يتقفل .. ولو لاحظت ان المسوكر بيتفتح اول ما مقبض الفتح بيتفتح .. بحس انهم جزء واحد

[john55]

المفروض يكون في اوبشنز زرار جنب السائق يمنع من فتح السنتر زي ما هو موجود بناع منع فتح الزجاج استخسار هنعمل ايه في غبور وشكرا

[baherhassan30]

ماله غبور بسسس .. انا عربيتي سعودي .. ومفيهاش الامان ده ..
الكلام ده في العربيات الياباني زي الكامري كده .. انما الالنترا دي سيارة الشعب

[john55]

هقول لحضرتك انا معايا اكسنت وكان معايا الكتالوج الترويجي للعربيه فئه الهاي لاين ولقيت فيها زرار بيقفل السنتر جنب زرار قفل الزجاج يعني العربيه موجود فيها الاوبشنز دا طيب هو مش موجود في العربيات اللي في مصر ليه حتي الهاي لاين منها وشكرا

[tito32]

رابط المشاركة

أخى العزيز افتح الباب وستجد بجانب الباب ( لوك ) ( وأن لوك ) خاص بمنع فتح الباب من الداخل وهذا معمول خصيصاً لكى يمنع الاطفال من فتح الباب من الداخل

[Ahmed_Eldesoke]

يا شباب الراجل بيتكلم على البابين اللى قدام مش اللى ورا اللى ورا معروف فى اغلب العربيات حتى القديم فيه الموضوع دا انك تقتح الباب وهتلاقى فى طرق الباب زرار لوك للباب وفى الحالة دى سواء انت قافل المسوجر او لا الباب مش هيفتح غير من برا ودي معمولة علشان الأطفال انها الطبيعي انها تجلس ورا

طيب نيجي بقى لعالمنا العربي اللذيذ ان الام لازم تاخد الابن على رجليها فى العربية وبتلاقى الطفل ما شاء الله مش بيبطل لعب سواء فى الباب او الأزاز وفى مرة بنتي كنت واقف قدام سوبرماركت بجيب حاجات وحاطط العربية على N وهوبا قامت لعبت فى الفتيس وجابت D والحمد لله انى مش بنزل غير لما بشد فرامل اليد كان زمان العربية اتحركت بيهم بس ربنا ستر
انا معايا النترا 2013 فل بصمة وطبعا قافل البابين اللى ورا بس اوقات بنتي بتزن انها تطلع قدام على رجل مامتها وبنتي عملت الحركة دي وكانت اول مرة اعرف ان المسوجر بيفتح عادي .

للاسف يا باشا مالهاش حل وفكرت انى الغى فتح الباب اللى جنب السواق تماما من الداخل بس حرام انى العب فى سيارة 2013

طيب فى فكرة فى دماغى بس مش عارف هل هي صح ولا لا والخبراء هنا يقدروا يفيدونا فيها
اية اللى بيخلي اللوك (المسوجر) يفتح مع دراع الفتح ؟؟؟ اكيد في سوستة او شئ مرتبط بالموضوع دا وبيتهيألى انه هيبقى فى اليد نفسها وممكن اننا نلغيها


وفكرةتانية بسيطة جدا جدا جدا انت تروح عند اى حد بتاع كلف وخردوات وتقوله عاوز لازقة كوتشي



هتحطها على اوكرة الباب وبكدا هتكون بعيد عن نظر الطفل ولما تعوز تفتح الباب تفتحها وتفتح الباب وبعدين تلزقها تانى

[sewefy]

يا شباب الراجل بيتكلم على البابين اللى قدام مش اللى ورا اللى ورا معروف فى اغلب العربيات حتى القديم فيه الموضوع دا انك تقتح الباب وهتلاقى فى طرق الباب زرار لوك للباب وفى الحالة دى سواء انت قافل المسوجر او لا الباب مش هيفتح غير من برا ودي معمولة علشان الأطفال انها الطبيعي انها تجلس ورا

طيب نيجي بقى لعالمنا العربي اللذيذ ان الام لازم تاخد الابن على رجليها فى العربية وبتلاقى الطفل ما شاء الله مش بيبطل لعب سواء فى الباب او الأزاز وفى مرة بنتي كنت واقف قدام سوبرماركت بجيب حاجات وحاطط العربية على n وهوبا قامت لعبت فى الفتيس وجابت d والحمد لله انى مش بنزل غير لما بشد فرامل اليد كان زمان العربية اتحركت بيهم بس ربنا ستر
انا معايا النترا 2013 فل بصمة وطبعا قافل البابين اللى ورا بس اوقات بنتي بتزن انها تطلع قدام على رجل مامتها وبنتي عملت الحركة دي وكانت اول مرة اعرف ان المسوجر بيفتح عادي .

للاسف يا باشا مالهاش حل وفكرت انى الغى فتح الباب اللى جنب السواق تماما من الداخل بس حرام انى العب فى سيارة 2013

طيب فى فكرة فى دماغى بس مش عارف هل هي صح ولا لا والخبراء هنا يقدروا يفيدونا فيها
اية اللى بيخلي اللوك (المسوجر) يفتح مع دراع الفتح ؟؟؟ اكيد في سوستة او شئ مرتبط بالموضوع دا وبيتهيألى انه هيبقى فى اليد نفسها وممكن اننا نلغيها


وفكرةتانية بسيطة جدا جدا جدا انت تروح عند اى حد بتاع كلف وخردوات وتقوله عاوز لازقة كوتشي



هتحطها على اوكرة الباب وبكدا هتكون بعيد عن نظر الطفل ولما تعوز تفتح الباب تفتحها وتفتح الباب وبعدين تلزقها تانى

فكرة حلوه بس هتخلى منظر العربية من جوه وحش بس الفكرة التانية لو حد من الاعضاء يفدنى من شبرا لان واحد صاحبى قالى ان هايسالوا وهوه بيعمل الموضوع ده يعنى كل البيبان تقفل عادى مش اللى فى الخلف

[sewefy]

وعلشان ما نظلمش الحاج غبور العربية اللى معايا خليجى سعودى