النجدة يا خبراء الفيرنا

[motazyounes]

فيرنتى موديل 2013 والمشكاة تتعلق بالمكيف
كان شغال الصيف الماضى بشكل ممتاز لدرجة انى كنت باخليه دايما على رقم 1
وطبعا طوال فصل الشتاء للأسف لم اقم بتشغيله نهائيا
الآن المكيف لايعمل
نور زرار المكيف شغال
بس بحس ان الكمبريسور مش شغال لأنه كان الاول بيحمل على الموتور لما اشغل المكيف
دلوقتى كأن الكمبريسور حايشتغل وبعدها بلحظة بيفصل
انا راجعت على الفيوز والريلاى الخاص بالمكيف شغالين تمام
واضح انه المطلوب شحن فريون تقريبا
ارجو من الاعضاء الكرام افادتى من واقع خبرتهم فى ذلك
و اعمل ايه او محتاج شحن فريون
بس ما حدش يقول التوكيل لأنى مش متابع معاهم وحاسسهم بصراحه حراميه
العربيه عامله 18000 كلم

[alpoka779]

انا اظن انه مش شحن لانه لو محتاج شحن هيشتغل طبيعي ولمبه البيان منوره بس مفيش هوا صاقع -بص اعمل سرش عالنت واعرف بعض الاعطال مع انتظار الردود

[shiko85]

و العربيه مركونه فالجراج دورها وافتح الكابوت شغل التكييف و شوف الكمبريسور شغال ولا لأ
لو شغال يبقى عايز شحن لو مش شغال يبقى عندك حل من 2 الأول تروح التوكيل لانك فالضمان لسه و التانى تشوف حد بتاع تكييف بس يكون محترم و امين و يقولك المشكله ايه

[Sherif Mandoor]

الشحن ضعيف الكمبريسور ممكن ميشتغلش

[alpoka779]

مين قال لو الشحن ضعيف الكمبروسر ميشتغلش -كان شغال عندي كل حاجه بس هواء عادي واللمبه منوره والكمبروسر شغال وبياخد من عزم الموتور كمان

[Sherif Mandoor]

مين قال لو الشحن ضعيف الكمبروسر ميشتغلش -كان شغال عندي كل حاجه بس هواء عادي واللمبه منوره والكمبروسر شغال وبياخد من عزم الموتور كمان

كان عمل معايا المشكله دى وشكيت ان الكمبريسور فى حاجه ولما شحنته اشتغل الحمد لله

[motazyounes]

شكرا لكل من اهتم بالرد
ولكنى علمت انه مع انخفاض ضغط الفريون عن 25 psi
فإن الكمبريسور يفصل اتوماتيك للحفاظ على منظومة التكييف
وعليه فسأبدأ بقياس شحن الفريون اولا للتاكد ان كان ناقص او كافى

[m7md 3tya]

و العربيه مركونه فالجراج دورها وافتح الكابوت شغل التكييف و شوف الكمبريسور شغال ولا لأ
لو شغال يبقى عايز شحن لو مش شغال يبقى عندك حل من 2 الأول تروح التوكيل لانك فالضمان لسه و التانى تشوف حد بتاع تكييف بس يكون محترم و امين و يقولك المشكله ايه

طب اعرف ازاي ان الكمبريسور شغال و لا لا

[shiko85]

طب اعرف ازاي ان الكمبريسور شغال و لا لا

هتسمع صوت الكمبريسور نفسه بيكون واضح + هتسمع فرق فصوت فالماتور