فيرنا اوتوماتيك

[mpop]

سلام عليكم يا شباب

ياريت حد من ملاك الفيرنا اوتوماتيك يقولي ايه الاخبار عشان انا قلقان منها عشان تقفيل مصري واوتوماتيك فمتخوف الصراحة كمان استهلاك البنزين اخباره كمان حاجة تانية بالمرة مرة سوقت النترا اتوماتيك لما كانت تبقى على d ةالعربية في مطلع ولا حاجة ما بتسحبش لورا لوحدها كإنك شادد فرامل اليد ده نفس الموضوع في الفيرنا اتوماتيك ولا
واسف على الاطالة

[mpop]

مشاهدات 69 وماحدش رد .. محدش معاه فيرنا اوتوماتيك ولا ايه :d

[haysam2000]

صباح الفل الأول
انا معايا فيرنا اتوماتيك و العربيه الحمد لله زى الفل و موضوع التقفيل ده ميقلقش فى حاجه علشان الجيربوكس و الموتور بيجو متقفلين جاهزين
بالنسبه لأستهلاك البنزين متطلبش عربيه 1600 و 107 حصان تكون موفرة لكن معقول يعنى فى السفر حوالى 8 ل 10 لتر على 100 كيلو حسب طريقه سواقتك عنيفه ولا هاديه
و موضوع عدم النزول فى المطلع ده عادى جدا لآى عربيه اتوماتيك
و ربنا يوفقك للأختيار الصحيح و لو جبت الفيرنا خلى رجلك خفيفه على البنزين علشان موتورها سم

[mpop]

صباح الفل الأول
انا معايا فيرنا اتوماتيك و العربيه الحمد لله زى الفل و موضوع التقفيل ده ميقلقش فى حاجه علشان الجيربوكس و الموتور بيجو متقفلين جاهزين
بالنسبه لأستهلاك البنزين متطلبش عربيه 1600 و 107 حصان تكون موفرة لكن معقول يعنى فى السفر حوالى 8 ل 10 لتر على 100 كيلو حسب طريقه سواقتك عنيفه ولا هاديه
و موضوع عدم النزول فى المطلع ده عادى جدا لآى عربيه اتوماتيك
و ربنا يوفقك للأختيار الصحيح و لو جبت الفيرنا خلى رجلك خفيفه على البنزين علشان موتورها سم :m_yes[1]:

تسلم يا باشا على الرد والبنزين استهلاكه حسب السواقة طبعا انا متفهم ده
يعني ايه بقة موتورها سم ؟

[haysam2000]

يعنى بتجرى اكتر من اى حاجه ركبتها فى الفئه دى و الأتوماتيك فى الفيرنا غير اى عربيه (القاعده بتقول الأتوماتيك اقل فى التسارع من المانيوال) الفيرنا الأتنين زى بعض بالظبط - من الأخر طلقه

[MR A7MED]

الفيرنا عربيه فقيره ومفهاش اى عوامل امان وكمان ضيقه
ابعد عنها خالص
شوف حاجه تانيه وليكن برليانس fsv
عربيه محترمه اوى وعوامل امان واوبشن ووسع محترم
يعيبها فقط سعر قطع الغيار غاليه شويه بخلاف الفيرنا
بالتوفيق

[BlackEagle1985]

ممكن حد يقولي ايه الفرق بين فيرنا اوتوماتك و فيرنا ستار
علي موقع كونتاكت فيه موديل اسمه فيرنا ستار فارق 500 جنيه عن الاوتو

[mpop]

غالبا الزجاج ملون

[diabianfigo]

l verna star deh ya kbeer byb2a feeha spoiler wel tasat shaklaha mo5talef w kman l tablooh wel 3addaddat shklha mo5tlef :))

[BlackEagle1985]

طيب فرق السعر يستاهل?
هي دي الموديلات المتاحة من الفيرنا الاوتو حاليا
الاوتو 92150
اوتو + زجاج فاميه خلفي 93150
اوتو زجاج فاميه خلفي + ستار 93750

[diabianfigo]

ah tab3an ystahell l star shaklaha to7ffa bgaddd mlhash 7all na 3an nafsii isA hagebha law la2etha kefaya ya gada3 l spoiler ;)

[BlackEagle1985]

ah tab3an ystahell l star shaklaha to7ffa bgaddd mlhash 7all na 3an nafsii isa hagebha law la2etha kefaya ya gada3 l spoiler ;)

شكرا يا باشا علي اهتمامك و ردك

[diabianfigo]

urw ya kbeer w isA rbna ywf2ak w ydeek 5erha w ykfeek sharraha isA :))

[reda elgohary]

متابع .

[mpop]

هي المشكلة ان الفيرنا كويسة وكمان الاتوماتيك منها بيريح وانا كده كده هجيب فاقرص على نفسي واجيب حاجة زي بيجو 301 اول فئة او بيرسونا ولا ايه انا محتار الصراحة وبرضه حتة ان الفيرنا مافيهاش ولا ايرباج ولا abs ولا اي حاجة قفلاني منها شوية الصراحة