تكييف الفيرنا

[Hamada hozein]

بسم الله الرحمن الرحيم
السلام عليكم ورحمه الله وبركاته

يا شباب انا معايا عربيه فيرنا ٢٠١٤ عامله حوالي ٥٥٠٠ كيلو
المهم من ساعه ما دخلت علي المنتدي هنا وانا بسمع اشعار في تكييف الفيرنا
وانه من اهم مميزات العربيه
المهم ان انا عندي التكييف تبريده جيد بس المروحه ضعيفه جدااااااااا
بمعني ان الهويتين اللي علي جنب الابواب من اليمين والشمال هواهم طالع بالعافيه علي سرعه واحد وحتي لو جبت التكيف علي سرعه ٤ الهواء اللي طالع من الاجناب مبيوصلش لوشي يعني كانهم غير موجودين
كلمت التوكيل علي الموضوع ده وقالولي ده طبيعي واقنعت نفسي بكده لغايه ما ركبت مع واحد صاحبي عربيه لانوس موديل ٢٠١٢ عامله حوالي ٦٠ الف كيلو وكان مشغل التكييف علي ٢ وللاسف الهوايه اللي في الجنب عنده تكاد تكون بنفس قوه الهوايه اللي في النص عندي
يعني جبت الهوايه اللي في النص عليه هو واعتمدت انا علي الهوايه اللي علي اليمين بس وكانت قويه جدا والهواء قوي والله والكلام ده كان الساعه ١١ الظهر تقريبا والدنيا كانت حر
ياريت اللي عنده عربيه فيرنا وبالاخص حديثه يقولي الكلام ده طبيعي ولا ايه
طبعا كل ده كوم وحكايه اني لازم اميل شويه وانا سايق ناحيه اليمين علشان اجي في مسار الهواء لان الهوايه اقصى اليمين بتاعها مش واصلي ده كوم تاني

[ozy2026]

طب حضرتك متأكد انك قافل البوابه اللى بتجيب هوا من بره العربيه ؟؟؟؟؟
وبص على فلتر التكييف
الفيرنا فيها فلتر تكييف على ما اتذكر :b4_592:

[Hamada hozein]

طب حضرتك متأكد انك قافل البوابه اللى بتجيب هوا من بره العربيه ؟؟؟؟؟
وبص على فلتر التكييف
الفيرنا فيها فلتر تكييف على ما اتذكر :b4_592:

شكرا علي الرد
ايوه طبعا عاملها تاخد هوا من جوه
والفيرنا بتنزل من غير فلتر تكييف وانا اشتريت واحد ب ٦٥ جنيه وحطيته بس حتي قبل ما احط الفلتر نفس المشكله يعني الفلتر ملوش دعوه

[Hamada hozein]

بس معليش سؤالي لحضرتك
الكلام ده طبيعي ولا انا كده عندي مشكله

[alpoka779]

انا عندي مبيجبش ساقع الا علي 4

[agaty1st]

بص انا معايا فيرنا 2007 و لانوس 2003
الفيرنا في عز الحر التكييف تشغله على واحد او 2 بالكتير و هوايات الاجناب هواهم شديد
اللانوس تكييف ممتاز بالليل لكن في الحر الشديد معقول
لو هاتقارن أداء تكييف الفيرنا ضعف اللانوس

[tameem2010]

طبيعي جدا في الفيرنا ابتداء من 2010
هوايات الجنب مالهاش اي لازمة
انما عموما تكييف الفيرنا رائع
بس ده ميقلقش وعموما لو عاوز تزود هوايه الجنب شوية اقفل هوايه جنب اللى هناك ناحيه الراكب اللى جنب السواق هتلاقي هوايه السواق زادت نسبيا
عموما ده مش عيب قاتل يعنى والتكييف في اجماليه جيد جداااا

[almohaor]

السلام عليكم ورحمة الله وبركاته

التكييف عندى تلاجة والحمد لله والعربية موديل 2011

قعلا تكييف الفيرنا مميز باشغله على سرعة اتنين واحيانا على تلاتة يمكن لمدة ربع ساعه
وبعدين برجعه تانى على اتنين من شدة البرودة ونادر ماشغله على سرعة اربعه

بالنسبة لهوايات الاجناب بجوار الابواب
فيه مفتاح عجلة اسود عليه علامة بيضاء اسفل الهوايات
وهو خاص بقفل وفتح دخلول الهواء من هذه الهوايات
تاكد انك تحرك هذه العجلة الى الى جهة اقصى اليمين (فتح) جهة الشمال(قفل)
كمان فيه مفتاح لريش توجيه الهواء فى نفس وسط الهوايةوجهها ناحية السائق ولا على
هذا بالاضافة الى وجود مفتاح او اكرة على كونصول التكيف
خاصة باوضاع التحكم فى توجيه خروج هواء التكيف بداخل السيارة
اما من التابلوه او من التابلوه والدواسة معا الخ ...اضبط الاكرة على الوضع اللى يريحك
والاهم من كده تأكد ان حضرتك ضغط على مفتاح او زرار تشغيل المكيفacc بعد تشغيل المروحة
كمان تاكد ان مفاح الحرارة على اعلى درجة برودة
وخللى دورة الهواء داخلية فقط
اذا لم يتحسن الاداء راجع التوكيل لان الوضع كده موش طبيعى خاصة ان عربيتك لسه فى الضمان

[Hamada hozein]

انا عندي مبيجبش ساقع الا علي 4

لا يا معلم انت كده عندك مشكله طبعا

[Hamada hozein]

بص انا معايا فيرنا 2007 و لانوس 2003
الفيرنا في عز الحر التكييف تشغله على واحد او 2 بالكتير و هوايات الاجناب هواهم شديد
اللانوس تكييف ممتاز بالليل لكن في الحر الشديد معقول
لو هاتقارن أداء تكييف الفيرنا ضعف اللانوس

والله انت جبت من الاخر وكده اكدتلي اني عندي مشكله
الف شكر يا باشا

[Hamada hozein]

طبيعي جدا في الفيرنا ابتداء من 2010
هوايات الجنب مالهاش اي لازمة
انما عموما تكييف الفيرنا رائع
بس ده ميقلقش وعموما لو عاوز تزود هوايه الجنب شوية اقفل هوايه جنب اللى هناك ناحيه الراكب اللى جنب السواق هتلاقي هوايه السواق زادت نسبيا
عموما ده مش عيب قاتل يعنى والتكييف في اجماليه جيد جداااا

معليش بس ياريت تعرفني اشمعنى من ٢٠١٠ يعني ايه اللي جد جديد
وكمان ايه سبب ان هوايات الجنب مبقاش ليها لازمه

[Hamada hozein]

السلام عليكم ورحمة الله وبركاته

التكييف عندى تلاجة والحمد لله والعربية موديل 2011

قعلا تكييف الفيرنا مميز باشغله على سرعة اتنين واحيانا على تلاتة يمكن لمدة ربع ساعه
وبعدين برجعه تانى على اتنين من شدة البرودة ونادر ماشغله على سرعة اربعه

بالنسبة لهوايات الاجناب بجوار الابواب
فيه مفتاح عجلة اسود عليه علامة بيضاء اسفل الهوايات
وهو خاص بقفل وفتح دخلول الهواء من هذه الهوايات
تاكد انك تحرك هذه العجلة الى الى جهة اقصى اليمين (فتح) جهة الشمال(قفل)
كمان فيه مفتاح لريش توجيه الهواء فى نفس وسط الهوايةوجهها ناحية السائق ولا على
هذا بالاضافة الى وجود مفتاح او اكرة على كونصول التكيف
خاصة باوضاع التحكم فى توجيه خروج هواء التكيف بداخل السيارة
اما من التابلوه او من التابلوه والدواسة معا الخ ...اضبط الاكرة على الوضع اللى يريحك
والاهم من كده تأكد ان حضرتك ضغط على مفتاح او زرار تشغيل المكيفacc بعد تشغيل المروحة
كمان تاكد ان مفاح الحرارة على اعلى درجة برودة
وخللى دورة الهواء داخلية فقط
اذا لم يتحسن الاداء راجع التوكيل لان الوضع كده موش طبيعى خاصة ان عربيتك لسه فى الضمان

كل اللي بتقوله ده انا عامله بس برضه الاداء مش كويس وانا متأكد
الف شكر علي ردك واهتمامك

[mohamed_e36]

عندي نفس الموضوع هوايات الاجناب ضعيفه وهوه ده العادي في الفيرنا بس انا بشغل التكيف في البدايه على 4 وبعد حوالي 10 دقايق بنزله على 2
فيرنا 2013

[motazyounes]

حل المشكلة

واجهتنى نفس المشكلة وعربيتى فيرنا 2013 كملة مانيوال
الحل هو :
فك درج التابلوه مع فك سلك بوابة مدخل الهواء ( كأنك حاتركب فلتر التكييف او حاتنضفه )
الباب البلاستيك اللى بيقفل على فلتر التكييف بيكون عليه قطعة اسفنج من الداخل علشان تحكم عدم تسريب الهواء من البلاور ولضمان خروجه من الهوايات بقوة
الحل هو فى وضع قطعة اسفنج اكبر و اسمك على باب فلتر هواء المكيف لضمان احكام غلقه مع عدم التسريب ( انا لصقتها )

[micho129]

عندك مشكله طبعا اطلع على التوكيل واعملهم قلقّ! التكييف بتاعها تلاجه 2013 اللي معايا